Lukase 1:3 - Nouveau Testament en Ngienboum

³ Pá’ á ka gwaa gwɔ́, mbà mèŋ n kéen ńgwáa ńtúŋté fa’ yɔ́ɔn tà fó letsiŋé nò la, mèŋ n ka gyá ngie á póŋ mèŋ n táŋte yɔ́ɔn mboŋó, ńŋwe’e tsɛ̀ɛ yɔɔn ŋwà’ne, ńnáa mbwo gù.

Lukase 1:3 Referans Kwoze

Megàŋ ntúm 1:1

Ntʉ́ nzẅìŋ Téofil! Mèŋ n da ŋwe’e mvɔ́g mvfò ŋwà’ne, ńnáa mbwo gù ńdɔg ḿbíte menò mie Yěsô la gÿó, mbɔɔ mie à la la’te mbwo pʉ̀a ta fó nzyète fà’ ye,

Megàŋ ntúm 26:25

Pɔl tsɔ́’ ngie: A Ndè, mèŋ n tè pʉa wɔ́. Menò mie mèŋ n gɔɔn ée jʉ’ó ńgwɔ́ pú’u. Mbà mèŋ n zɔ̌ɔn ńkwaŋ, tá ńgɔɔn.

Megàŋ ntúm 24:3

Peg ne ńgwaa jÿó pì mɛ̌ menò, á jʉ’ ntsèm, éfʉ̀’ ntsèm ḿbú ne sie gú tà ńgɔɔn shwóŋó nò.

Megàŋ ntúm 23:26

Àa mèŋ Kɔlɔde Lisias. Mèŋ n ŋwe’e yɔɔn ŋwà’ne ńnáa mbwo gù ngúmnɔ́ɔn Felese. Màkwáŋ weg, n tsyɛ’té.

Megàŋ ntúm 11:4

Piɛ lêen ńké ḿbíte kɔ̀ɔkɔ́ɔ wɔ́ gie á ka cʉa, éshwóŋó wɔ́b tà fó nzyète, ńgɔɔn né pɔ́b ngie:

Megàŋ ntúm 15:19

Jâg gíŋe ńgɔɔn ngie: Pú’u la, mèŋ n kwǎŋ yɔ́ɔn ngie tà mé gege pʉ̀a pie é té pà Yuda wɔ́ tà á cʉa. N gɔɔn pʉ̀a pie pɔ́ záb ntʉ́m wɔ́b ná Yěsô.

1 Korento 16:12

Á gʉa ná fɛ́ wege Apolos, mbà mèŋ n zyě ńkẅiŋte yé pá’ pâ tsɔ́ mefɛ́ mefɛ́ ge gʉa lá’ pi. Tá’ à tè ne ńkwoŋo légʉa fʉ̀’ɔɔn wɔ́, à ge gÿo gẅiin fʉ̀’ tá gʉa.

1 Korento 7:40

Tá n kě ńkwaŋ yɔ́ɔn ngie à lɔɔn ńnéŋe té gíŋe nzɔ́’, mbà à ge jú’ mboŋó tɛ’. M biŋ ne ńkwaŋa ngie a Zẅìge Ssé áa ná mèŋ yɔ́ɔn.

Megàŋ ntúm 15:28

Peg zɔ̌ɔn ńgwâ zába yɔɔn nò, à Zẅìge Ndʉalʉ̌a gíŋe ńzáb yé ngie tà mé kẅi’i pì’ mbwo pi. Tá’, á ke ne ńzɛ́te ngie pi nyɛte ńkú’te mɔɔn mbʉ̌ mie peg gee ngɔ̌ɔn lɔɔn kwà’ mboŋó.

Megàŋ ntúm 15:25

Áa mmó gie á gÿǒ tá peg metsèm cú’te ńzáb ngie mé tsɔ́’ pʉ̀a, ńtúmo wɔ́b mbwo pi. Pâ Pɔl pɔ́ Panebâse, é mentʉ̀ nzẅìŋ mefɛ́ pégè, pɔ́ tó ńgyá gẅí,

Lukase 1:1

Andè; Téofil, ɔ̀ zsě ngie pʉ̀a tà ńgyɔ́ɔn kéen ńkaa fà’a lécú’te menò mie é ka cʉa tsetsɛ̀ɛ pege tà ńŋwe’e,

Megàŋ ntúm 18:23

ńkúu Antiokia, ńná’a ńzye ńnéŋe tá ńgʉa, ńzyɛ́’ ye pàga ngwòŋ Galitia pɔ́ Filigia, ńgiŋe ńkẅiŋte pʉ̀a Kristo.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.