Lukase 1:17 - Nouveau Testament en Ngienboum

¹⁷ E Ssé ge lá’ náa yé metʉ̀, à lɔg ńgwɔ́ yé pá’ *Elîɛ, *ntsẅì nkʉ̀ Ssé, lélɔg ńgwɔ́ mvfò e fa’a pá’ à ge gÿo metá gẅiin nkwaŋá mbòŋo nà gubé yɔ́b, é piŋ gÿo pàte jǔ’ ncwò gẅiin ntʉ́m pʉ̀a pie é pɔ́g Ssé. Pú’u, e Ssé lɔg ńtáŋte pʉ̀a pie é ge lá’ ku’u légu’te yé.

Lukase 1:17 Referans Kwoze

Matio 11:14

Pi lɔɔn ḿbiŋ ne ńkwoŋo lézsé nyìŋ gẅie Jâŋ aa wɛ̌, mbà mèŋ n ge ké shwóŋó gẅi ngie à lɔgɔ ńgwɔ́ *Elîɛ gẅie à lɔ̌ɔn ńge gíŋe tó

Lukase 1:76

Sakarîɛ gíŋe ńgɔɔn ngie: Á gʉa ná gù míŋ wɔ̀ɔn, mbà mé ge lá’a tóŋo ɔ́ lé *ntsẅì nkʉ̀ Ssé, e Ssé gẅie à pi’i kɔ̀ɔkɔ́ɔ Cʉ̀apʉ̀a gwaa tó, mbà ɔ̀ vɔ̌g ńgwɔ́ mvfò ńnyɛte mánzsé we.

Ŋwà’ne Jâŋ 3:28

Kwà’ pi gí ne ńnyɛte ńzsé ngie mèŋ n ka gɔɔn ngie mèŋ n tè *Nzà’nkÿo wɔ́. Mèŋ n gwɔ́ pɔ́ nyìŋ gẅie mé ka túmo wɔ̀ɔn ngie mèŋ n gwɔ́ mvfò yé.

Ŋwà’ne Ngyà jʉ’ 20:4

N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.

1 Piɛ 2:9

Tá ńgʉa ná pi, mbà pi ee ngẅɛ̀ pʉ̀a pie Ssé la kaŋ, ńgwɔ́ pànuŋe pwɔ́’ fùɔ ndÿò, ńgwɔ́ lá’ gie áa yé, ńgwɔ́ pʉ̀a pie à la cwoŋo wɔ́b é gwɔ́ pé, pá’ pɔ́ ge gʉa shwóŋ memáa menò mie à la gÿo, yé gẅie à la fó tsɛ̀ɛ nzěm ńkẅile gẅí, ńnéŋe gẅi nà jʉ’ʉ fɔ̌g gie kyɛ̀’ɛ mbòŋo yé áa wó.

Kolosia 1:12

Pi lɔgɔ lekág ésíe Ssé gẅie aa Tá wege, yé gẅie à la gÿo pi ku’u légẅiin gí mmó nà tÿɔgɔ́ gẅie à la ka’a mbwo pʉ̀a pé. Wɛ̌ tÿɔgɔ́ ée nà jʉ’e kyɛ̀’.

2 Timote 2:21

Nyìŋ lɔɔn ḿbɔ́ɔn meshwóŋè cÿɔ̌ nò mie mé zí’i pʉ̀a lɔɔn, mbà ngàŋ ge gwɔ́ pá’ káŋ gie mé tÿɔ́gɔ ssé pɔ́ nà lyɛ’ɛ́ lÿò. Mbà à ge gwɔ́ nyìŋ Cʉ̀apʉ̀a, mbà à ge kẅéte Ndè we, à lɔgɔ yé ńgÿo kɔ̀ɔkɔ́ɔ wɔ́ gie áa mbòŋ.

Roma 9:23

Tá e Ssé lɔ̌ɔn ńgíŋe ńkwoŋo lényɛ nzẅìŋ fù’ gie áa tsɛ̀ɛ legú’ we, ńgwɔ́ gie à náa mbwo pʉ̀a pie à tsɔ̌ɔn mezìŋe mɔ́b, é pʉ̀a pie à la lá’ ntʉ́ njÿó ńcwoŋo wɔ́b ńtÿɔ́g, á légẅiin legú’ we ŋwɛ́.

Megàŋ ntúm 10:33

À ka gɔ̌ɔn pú’u, n gwóon ńtúm pʉ̀a fǎ’ gù. Ɔ̀ gÿǒ mboŋó pá’ ɔ̀ tǒ lɛ. Áa fʉ̀’ɔɔn pá’ɔɔn, pege metsèm tyé mvfò Ssé. Peg tyě pá’ɔɔn, mbà peg taŋté mbùm yeg lé jú’u nò gie Cʉ̀apʉ̀a cʉmé mbwo gù ngie ɔ̀ shwóŋó wég.

Ŋwà’ne Jâŋ 1:34

Mèŋ n da gyá, tà mèŋ n ne sá’a shwóŋó pʉ̀a ngie aa Míŋ Ssé.

Ŋwà’ne Jâŋ 1:13

Legwɔ̌ pú’u, à tě fóo nà ntí gie mámbàŋa pɔ́ manzwě kwǒŋ ńzyé wɔ́, ńké tě fóo ná lekwoŋ we nyìŋ mesoŋ wɔ́, mé gɔɔn légwɔ́ púɔ Ssé, mbà Ssé zɔ kwǒŋ yɛ̌ ntí lezyé.

Lukase 1:16

À gÿo pʉ̀a Israel tà ńgyɔ́ɔn sele ntʉ́m wɔ́b, ḿbiŋe mbwo Cʉ̀apʉ̀a Ssé yɔb.

Matio 14:4

Á gwaa gwɔ́, mbà Jâŋ ka ne ńgwá ńkaga yé ngie: *Lepʉ̌ té ne ńzẅíŋe ngie à zɔ́’ɔ *Herôdiad wɔ́.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

Matio 3:4

Jâŋ laa nkwòŋo tsẅɛ, ḿma’ nzsǒ, mbà mé la lɔg menoŋ kamel ḿbá’, ńdɔgɔ *ngùb nɔ̀ɔn ńtʉ́me zẅɛ̌’ yé, àyé mmó léjÿó e gwɔ́ ngǐm ńgÿo nŋwá’ tsẅɛ.

Matio 3:3

Jâŋ lɔgɔ pú’u, ńgwɔ́ nyìŋ gẅie *ntsẅì nkʉ̀ Ssé Esǎya la gɔɔn nò ńtí yé ngie: «Ngyè nyìŋ kwɔ̌’ fó nkwòŋo tsẅɛ, ńgɔɔn ngie: Pi nyɛte mánzsè Cʉ̀apʉ̀a, ńgÿo melyěen nzsè mé e tyé ndʉŋ ndʉŋ».