Lukase 1:13 - Nouveau Testament en Ngienboum

¹³ Tá *cÿɔ́’ Ssé gɔɔn né yé ngie: Sakarîɛ, te gíŋe ḿbɔ́g, e Ssé kéen ńjú’u nò gie ɔɔ ńtsẅé sẅíŋte yé mǒ, tà à ge cÿɔ’ɔ nzwě ɔ̀ Lisape, pi yé zyé tà’ mûɔ mbàŋa, ɔ̀ tsẅi lezíŋ sé le Jâŋ.

Lukase 1:13 Referans Kwoze

Megàŋ ntúm 10:31

ńgɔɔn né mèŋ ngie: Kornɛy, e Ssé ju’ú sẅíŋte jú. À kaa lege shúm sie ɔ̀ náa mbwo mepóŋ ńdɔgɔ ńkẅéte wɔ́b la wɔ́.

Lukase 2:21

Mé la zyé múɔ, é cʉa lyɛ̌’ lefɔ̌ɔn, mé pú’u yé, ńtsẅi lezíŋ sé le Yěsô, é gwɔ́ lezíŋ sie *cÿɔ́’ Ssé la ná tá má we lá’ shwóŋó yé.

Matio 14:27

Tá Yěsô gwóon ńgɔɔn né pɔ́b ngie: Pi pʉ́le ńnéŋe, à gwɔ́ pɔ́ mèŋ, tà pi pɔ́g.

Matio 28:5

Tá *cÿɔ́’ Ssé gɔɔn né pànzwě ngie: Tà pi pɔ́g, n zsě ngie pi tóo fa’ Yěsô gẅie mé ka kime yé ná tÿǒ kǐ la.

Lukase 1:30

*Cÿɔ́’ Ssé gɔɔn ngie: Malîɛ, tè pɔ́g, e Ssé cÿǒ gʉm jú.

Malékuse 16:6

Tá’, á gɔɔn né pɔ́b ngie: Tà pi pɔ́g, pi fa’a Yěsô mûɔ Nǎzarɛd gẅie mé kà kime yé nà tÿǒ nkǐ la? À zimé nà legwé, à tè nyé jʉ’ɔɔn wɔ́. Pi gyá, yɔɔn áa jʉ’ gie mé kà nuŋe pfó yé wó.

Matio 1:21

À ge táa zyé múɔ mbàŋa, ɔ̀ tsẅi lezíŋ sé lê Yěsô, ńdɔgɔ ńgɔɔn ngie: Ssé ge gÿo mé tsẅɛ́, é tóŋo yé pú’u, mélà’mie yé zɔ ge gÿo pʉ̀a lá’ pɔ́b tsẅɛ́ ndòon menò tepòŋ mɔ́b

Lukase 1:14

Múɔ ŋwɛ́ ge lá’ gwɔ́ mbwo gù, é gwɔ́ kwà’ mmó lekág, epʉ̀a tà ńgyɔ́ɔn gíŋe ńkága ná pá’ mé zyě yé.