Lukase 1:1 - Nouveau Testament en Ngienboum

¹ Andè; Téofil, ɔ̀ zsě ngie pʉ̀a tà ńgyɔ́ɔn kéen ńkaa fà’a lécú’te menò mie é ka cʉa tsetsɛ̀ɛ pege tà ńŋwe’e,

Lukase 1:1 Referans Kwoze

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

Malékuse 16:20

*Ngàŋa kwò Yěsô fó jʉ’ó, ńgʉa, ńzye léshwóŋó nò Ssé jʉ’ ntsèm. Cʉ̀apʉ̀a ne ńdíe wɔ́b, ńkẅéte wɔ́b, ńtóonte wɔ́b, pɔ́ gÿo menò mmɔɔn mmɔɔn, mie é nyɛɛ ngie shwóŋè yɔ́b fóo mbwo Ssé.

Roma 4:21

ńkwa’ ne ńcwoŋo ńzsé ngie Ssé gẅiin metʉ̀ lélɔg ńgÿo ammó gie yé Ssé kǎ’ á pumte.

Roma 14:5

Áa mbwo tsɔ̌ nyìŋ, á zsé ngie tsɔ́ melyɛ’ɛ́ lá’ cʉa metsɔ́, ńgwɔ́ mbwo wetsɔ̌ nyìŋ, á zsé yé ngie melyɛ’ɛ́ lá’ gwɔ́ pɔ́ ndʉŋ ndʉŋ. Á zɛ́te ngie wɔ̌wɔ́ɔ kwa’ ńnyɛte ńzsé mmó gie aa ntʉ́m yé ne ńzsé.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

1 Tesalonika 1:5

Á nue peg ka tè lɔg pɔ́ shwóŋè ndà’ ńtsẅi nkʉ̀ mbòŋo lá’ pi wɔ́, peg ka lɔg pɔ́ metʉ̀ Zẅìge Ndʉalʉ̌a, ḿbiŋ ne ńcwoŋo ńzsé ngie Nkʉ̀ gẅie peg kɔ̌ɔn ńtsẅii kaa nénʉ́, pi ne ńzsé mmó gie peg la gÿo fʉ̀’ gie peg laa tsetsɛ̀ɛ pi, á la gwɔ́ pɔ́ lélɔg ńkẅéte gẅí.

Heber 6:11

Ammó gie peg ké ne ńtsɔ́ɔn gwɔ́ pɔ́ ngie àwɔ̌wɔ́ɔ tsetsɛ̀ɛ pi wɔ́, à ké ne ńkaga tʉ̀ pɔ́ pú’u, ńdɔgɔ ńgee lê mvfò, tà ńdá’ ńkúu nzsoté légwɔ́ gie kɔ̀ɔkɔ́ɔ gie à ne ńzẅí’te mbwo Ssé, á ge gÿo pumte.

Heber 10:22

Pú’u la, pege gwɔ́ sẅɛ’te nnɛ́ nê lejʉ́ŋ Ssé, ńgẅiin ntʉ́m gẅie ée nénʉ́, ḿbiŋ ńzáb ntʉ́m nà Ssé kwà’ mboŋó, á nue Yěsô ka lɔg metse mé ésɔg letʉ́m ségè tà é té gíŋe ńne ńŋaga wégè wɔ́, à ka lɔg ntse gẅie é ne ńdʉ́a ésɔg mbùm yege.