Kolosia 3:4 - Nouveau Testament en Ngienboum

⁴ Kristo zɔɔ kwà’ gẅi le gwɔ́. À ge lá’ gwɔ́ tà kẅɛ, pi gíŋ ńkẅɛ gí, pia pɔ́ zɔ púte ńgwɔ́ tsɛ̀ɛ legú’ we.

Kolosia 3:4 Referans Kwoze

Ŋwà’ne Jâŋ 11:25

Yěsô tsɔ́’ɔ mbwo yé ngie: Mèŋ n gee nyìŋ gẅie à gÿo mé zíme ná legwé, ńgwɔ́ nyìŋ gẅie à gÿo mé gwɔ́ wó. Nyìŋ lɔɔn ńzáb ntʉ́m ná mèŋ ńkwé mbɔɔ kwě, mbà à ge gÿo gwɔ́ wó.

1 Jâŋ 3:2

Meshǔ pɔ́ɔn pe tʉ̀ nzẅìŋ, pege ee fʉ̀’ɔɔn pá’ɔɔn ńgwɔ́ púɔ Ssé, tá’ ńtí gie pege ge gÿo gwɔ́ pú’u, e nyě ńgwɔ́ pɔ́ lelyěen. Pege kě ńne ńzsé ngie Kristo ge gÿo gwɔ́ tà kẅɛ, pege gyá yé pá’ aa jʉ’ó ńgwɔ́, ńgwɔ́ gie aa lêkɔ́ wɔ́, pege gwɔ́ yégè pɔ́ pú’u.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

1 Piɛ 1:13

Pú’u, legyè sí tyé pɔ́ nà legÿo mmó nà ntí ye pʉ̀a Ssé, tà pi gwá’a lÿɔg, pi ńnéŋe ńne ńnyɛte ńzwí’te fù’ gie Ssé ge gÿo ná né pi, á ná fʉ̀’ gie Yěsô Kristo ge gÿo tó.

Filipo 3:21

À ge gÿo tó é sele yɔɔn mbùm nnɛ́ gie e tè ná tsɔ́ nò ku’, e cʉ́’ pá’ ye gie e gẅiin shʉ́shÿɔ́g. À gwɔ́ pú’u, ńdɔgɔ metʉ̀ mie à gẅiin lélɔg ńgÿo à kɔ̀ɔkɔ́ɔ cʉ́’ ńjú’ pɔ́ ncwò wé.

Ŋwà’ne Jâŋ 17:24

Tá wɔ̀ɔn, ɔ̀ la náa wɔ́b né mèŋ. Mèŋ m biŋ ne ńkwoŋo ngie pɔ́ gwɔ́ jʉ’ gie mèŋ n gee ne wó, ńgyá wɔ̀ɔn legú’, á legú’ gẅie ɔ̀ la náa mbwo mèŋ, á nue ɔ̀ la kwoŋo wɔ̀ɔn tà fó ńnyé pɔ́ tè nyɛte njÿó.

1 Piɛ 5:4

Pi lɔɔn ńgÿo pú’u, mbà á ge lá’a lyɛ̌’ gie mbyɛ̀b mvfó we lÿò tǒ, à tɔ’ ngú’ twó pi, é gie nzẅìŋ we téen ńdá’a ḿmaga wɔ́.

1 Jâŋ 2:28

Pá’ áa pú’u la, mbà penkʉ́ pɔ́ɔn, pi ké ńda nnɛ́ pɔ́ ná Kristo, ńzsé ngie á ge lá’a lyɛ̌’ gie à kẅɛ̌, pege é le tsɔ́ mmó pɔ́g, ntʉ́m wégè pú le cÿɔ’ɔ nà tsɔ́ mmó wɔ́. Á gwɔ́ lyɛ̌’ó, pege é le tyé mvfò yé eshʉ́ kúu wégè wɔ́.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

Ŋwà’ne Ngyà jʉ’ 22:14

Pàshÿó mbòŋo ée pʉ̀a pie pɔ́ sɔgɔ menzsǒ mɔ́b tà é lʉ́a, légwɔ́ gie pɔ́ ge ku’ léfó nà mencwò nká’, ńkúu tÿǒsoŋ, ńjÿó ntɔ̌ɔn tÿó ya gie á gÿo mé kwa’ ńgwɔ́ wó.

1 Korento 15:43

Mé gwaa néŋ yɔɔn mbùm nnɛ́ ssé, e tè ku’u nà tsɔ́ nò wɔ́, ńgÿo ńgwɔ́ tà ńzíme nà legwé, ńgẅiin legú’. Mé gwaa ńnéŋe ssé é gwɔ́ pɔ́ pepÿɛ́ɛ, ńgÿo ńgwɔ́ tà ńzíme nà legwé ńgẅiin metʉ̀ tɛ’.

Ŋwà’ne Ngyà jʉ’ 22:1

*Cÿɔ́’ Ssé pɔ́ɔnte ńnyɛɛ wɔ̀ɔn mí gẅie ntse gẅie e gÿo mé gwɔ́ wó, é ne síi pá’ ntí tɔgɔ́ tsyé gie mé tóŋo lê christal la, é ne fóo nà lʉŋe *lefùɔ Ssé pɔ́ Mûɔ *Njʉ̀njÿò ńkẅɛɛ.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

1 Jâŋ 5:12

Nyìŋ lɔɔn ńzáb ntʉ́m wé ná Míŋ Ssé, mbà ngàŋ àa gẅiin wɛ̌ le gwɔ́ ŋwɛ́, tá nyìŋ gẅie à ké tè záb à tè gẅiin.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Matio 13:43

Á gwɔ gwɔ́ pú’u, pʉ̀a pie é kú’te *lepʉ̌ Ssé gwɔ́ tsɛ̀ɛ ngwòŋ gẅie Tá wɔ́b Ssé sá’a, ńně ńŋwʉŋe pá’ nèm la. Nyìŋ lɔɔn ńgẅiin metuŋó lélɔg ńjú’u nò á jú’.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 14:3

Mèŋ n dɔɔn ńgÿo ńgʉa tà cwoŋte jʉ’ʉ gí, mbà mèŋ n ge piŋ nzèm fa’a gẅi pege gʉa. À cʉa pú’u, ajʉ’ gie mèŋ n ge lé wó, pi gíŋe ńgwɔ́ gí wó.

2 Timote 1:1

Yɔɔn ŋwà’ne fóo mbwo mèŋ Pɔl, ngàŋ ntúm Yěsô Kristo, mbà Ssé zɔ la kwoŋ ngie n gwɔ́ wɛ̌. Ayɔ́ɔn fà’ gwɔ́ légʉa ńgɔɔn nò ná le gwɔ́ gẅie e Ssé la ka’ ngie pʉ̀a mesoŋ ge gẅiin é zẅɛ́’ɛ Yěsô Kristo.

1 Tesalonika 4:17

Epʉ̀a pégè pie pɔ́ ge lá’ nyé ntentʉ́, e Ssé pɔ́ɔnte ńkaa wɔ́ba pɔ̌ á nà melɔ́ɔn, pâ pɔ̌ métsèm gʉa ńkẅɛ́te Cʉ̀apʉ̀a wege á tÿǒ. Pâ pɔ̌ lâ Cʉ̀apʉ̀a lá’a ńcʉ́’ʉ ńgwɔ́ pɔ́ lejʉ́ŋ ye.

1 Korento 1:7

tà áa fʉ̀’ɔɔn ńgwɔ́ mbwo pi pie pi ne ńzẅí’te fʉ̀’ gie Cʉ̀apʉ̀a wege Yěsô Kristo ge kẅɛ, atsɔ́ fù’ gie á fóo mbwo Ssé, tà pi nyé ne ḿmoŋe á té wó wɔ́.

Ŋwà’ne Jâŋ 20:31

Tá mé la ké ńŋwe’e mɔɔn pá’ɔɔn légwɔ́ gie pi ge zẅíŋ ngie Yěsô aa *Nzà’nkÿo, ńgwɔ́ Míŋ Ssé, ńgwɔ́ gie pi lɔɔn ńzẅíŋ, á gÿo pi gẅiin le gwɔ́ tèmì.

Ŋwà’ne Ngyà jʉ’ 2:7

Nyìŋ lɔɔn ńgẅiin metuŋó, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn. Mèŋ n ge gÿo ná ntɔ̌ɔn gẅie éfóo ná tÿǒ gie á gÿo mé gwɔ́ wó, á mbwo nyìŋ gẅie à lÿɔ̌’ ncù tà ńcʉa nò tepòŋ, à jÿó. Yɛ̌ tÿǒ áa tsɛ̀ɛ nká’a Ssé.

1 Timote 6:14

Mèŋ n ne ńtsẅii né gù ngie ɔ̀ gÿo shúm sie e Ssé gɔ̌ɔn né gù. Tè gʉa mǒ ńgwá’a tsɔ́. Tè gÿo mé túu *lɔ̌’ mǒ, ké ńne ńgÿo pɔ́ pú’u, tà ńkúu lyɛ̌’ gie Cʉ̀apʉ̀a wege Yěsô Kristo ge gÿo gíŋe tó.

Megàŋ ntúm 3:15

Pi ka gÿo pú’u, ńzẅé nyìŋ gẅie yé zɔ gÿo tá mé gwɔ́ wó. Tá e Ssé ké ńzíme yé nà legwé tà peg gyá yé lê nÿɔ́g még, peg ne sá’a shwóŋó gẅí.

Lukase 17:30

Pi gyá nò gie á ge lá’ gíŋe gÿo pʉ̀a, á nà lyɛ̌’ gie *Míŋ Nyìŋ ge lá’ vege vege tó.

Roma 8:18

Mèŋ n zɔɔn ne ńkwaŋa ngie, ngɔ́’ gie pege ee fʉ̀’ɔɔn ne ńgyá e pú tè ku’u tsɔ́ mmó nà legú’ gẅie Ssé ge gÿo gÿo pege gyá wɔ́.

Roma 8:19

Akɔ́ɔkɔ́ɔ gie Ssé la nyɛte zɔɔn ḿbú ne ńzẅí’te tɛ’ légyá fʉ̀’ gie e Ssé ge gÿo mé gyá legú’ púɔ pé.