Kolosia 3:15 - Nouveau Testament en Ngienboum

¹⁵ Mèŋ n ne ńtsɔ́ɔn ngie mbʉ́lè gie e fóo mbwo Kristo e jÿó ntʉ́m gẅí, e Ssé la tóŋo gẅi métsèm légwɔ́ gie pi ge gẅiin mbʉ́lè ŋwɛ́, pá’ pi ge gwɔ́ mekèm tà’ mbùm nnɛ́. Pi ké ńgwɔ́ fʉ̀’ ntsèm, ńne ńnáa ndǎg mbwo Ssé.

Kolosia 3:15 Referans Kwoze

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

1 Tesalonika 5:18

ńne ńnáa ndǎg mbwo ye nà kɔ̀ɔkɔ́ɔ. Áa mmó gie e Ssé kwoŋ ngie pi pie pia Yěsô Kristo léen ńcʉ́’ʉ tà’ nyìŋ la, pi ne ńgÿo.

Roma 5:1

Pá’ à la cʉa nà lezǎb ntʉ́m nà Yěsô Kristo, e Ssé cʉ́’ ńdíe wégè pege gwɔ́ pɔ́ ndʉŋ ndʉŋ mvfò yé la, pega Ssé ee fʉ̀’ɔɔn ńnéŋe mboŋó, ńzẅɛ́’ɛ Cʉ̀apʉ̀a wege Yěsô Kristo.

Kolosia 3:17

Pi lɔɔn ne ńgÿo pɔ́ kɔ́ wɔ́, kà shwóŋó pɔ́ kɔ́ wɔ́, pi záb pɔ́ lezíŋ Cʉ̀apʉ̀a Yěsô mvfò, ńne ńnáa ndǎg mbwo Tá wege Ssé, ńcʉa ná Yěsô

Ŋwà’ne Jâŋ 16:33

Mèŋ n tʉ́ njÿó shwóŋó gẅi mɔɔn menò légwɔ́ gie pi ge la nnɛ́ ná mèŋ, mbʉ́lè gwɔ́ ntʉ́m pi. Pi ge gÿo gyá ngɔ́’ tsɛ̀ɛ njÿó, tá’ tà pi cÿɔ’. N kéen ńcʉa njÿó.

Efeso 5:20

Pi lɔg lezíŋ Cʉ̀apʉ̀a wege Yěsô Kristo ńne síe Ssé Tá fʉ̀’ ntsèm, á nà shúm ntsèm.

2 Korento 9:11

Á ge cʉa pú’u, pi gẅiin shúm lélɔg fa’ mefà’ pòŋo ntʉ́m ntí ntí, à cʉa pú’u, e pʉ̀a tà ńgyɔ́ɔn ná ndǎg mbwo Ssé tɛ’, á nà nò shúm sie pi nǎ peg gaba mbwo pɔ́b.

Efeso 4:4

Mbùm nnɛ́ Kristo ee yémɔ’ɔ́, a Zẅìge ndʉalʉ̌a gwɔ́ yémɔ’ɔ́ ndʉŋ ndʉŋ pá’ mmó gie e Ssé la tóŋo gẅí, pi ne ńzẅí’te á gwɔ́ pɔ́ yémɔ’ɔ́.

Roma 14:17

Á zɔɔn ńgwaa gwɔ́, anò *lefùɔ Ssé té nò shúm léjÿó kà nò melù’ wɔ́ wɔ́. Anò *lefùɔ Ssé á gwɔ́ pɔ́ légÿo menò mie é fóo mbwo Zẅìge Ndʉalʉ̌a. Á gwɔ́ pɔ́ légÿo menò mie ée ndʉŋ ndʉŋ mvfò Ssé, ńgwɔ́ léńnéŋe lê sẅéte, ńgwɔ́ léńnéŋe nê lekág.

1 Timote 2:1

Pú’u la, mèŋ n ge gwɔ gíŋ gɔɔn nò, é vɔg gɔɔn ngie á ne ńzɛ́te ngie pʉ̀a Ssé ne tsyɛ’te yé nà twó mânyìŋ ntsèm, ńne ńdúɔ mbwo yé ngie à kẅéte wɔ̌wɔ́ɔ, ńne sẅíŋte yé, ńne síe yé nà twó wɔ̌wɔ́ɔ.

Kolosia 2:7

Pi nyɛte ńcʉŋ leŋàŋ sí pɔ́ ná ye, ńtÿɔ́gɔ gẅi le gwɔ́ pɔ́ ná ye pá’ mé tÿɔ́gɔ ndá nà cÿǒ la, ńne ńkẅi’i ńkú’te pɔ́ nò yé mboŋó, yɛ̌ nò ké ńgwɔ́ pɔ́ pá’ mé la zí’i gẅí. Pi ne ńnáa ndǎg mbwo Ssé tɛ’.

Efeso 5:1

Pi púɔ Ssé, e Ssé kwoŋo gẅi tɛ’, pú’u la pi pí fʉ̀’ ná yé.

2 Korento 4:15

Peg zẅíŋe mɔɔn menò ntsèm mie e Ssé ne ńgyá ngie é ku’ még, ńdɔgɔ ńtsɔ́ɔn pɔ́ ngie pi zẅɛ́’. Pú’u, ńzsé ngie nzẅìŋ pàzsé ngie e Ssé kwoŋo wɔ́b ge kẅi’i gyɔ́ɔn, nzẅìŋ pàná ndǎg mbwo yé, mbɔɔ pàgù’te yé, é kẅi’i ńgyɔ́ɔn.

Ŋwà’ne Ngyà jʉ’ 7:12

ńne ńgɔɔn ngie: *Amen, agù’te, legú’, azse nò, lenǎ ndǎg, lenǎ mekù’, metʉ̀ pâ ngʉ̀’ e gwɔ́ mbwo Ssé nà ngù’ nkɔ́ɔn né nkɔ̌ɔn. *Amen.

Efeso 4:16

Yé zɔ gÿo mejʉ’ nnɛ́ cú’te ńtemte ńgwɔ́ tà’a mmó. Menŋàŋ nnɛ́ tà ńgyɔ́ɔn kẅéte légÿo mejʉ’ mbùm temte, yɛ̌ jʉ’e nnɛ́ wɔ́ piŋ ńgwɔ́ tà ne fa’a yé fà’, mbùm nnɛ́ ntsèm pú ńgú’, ńtʉte ńcʉa pɔ́ nà nkwòŋe gie ee tsetsɛ̀ɛ pɔ́b.

Kolosia 1:12

Pi lɔgɔ lekág ésíe Ssé gẅie aa Tá wege, yé gẅie à la gÿo pi ku’u légẅiin gí mmó nà tÿɔgɔ́ gẅie à la ka’a mbwo pʉ̀a pé. Wɛ̌ tÿɔgɔ́ ée nà jʉ’e kyɛ̀’.

Heber 13:15

Pege cʉa nzèm Yěsô, á gwɔ́ fʉ̀’ ntsèm, pege lɔgɔ légu’te Ssé, ńdɔg ńnuŋe pwɔ́’, é lɔgɔ pú’u, ńgwɔ́ pwɔ́’ pʉ̀a pie pɔ́ náa mekù’ ná lezíŋ sé.

1 Korento 7:15

Tá á lɔɔn ńké ńgwɔ́ gie nyìŋ gẅie à tè nyìŋ Kristo wɔ́ gyǎ ngie à ge fag nnɛ́, mé nyé yé á fag. Á gʉa ná yɛ̌ ntí, atsɔ́ mmó té kú’te nyìŋ Kristo we mbàŋa kà we manzwě wɔ́. E Ssé la zɔɔn ńtóŋo wégè pɔ́ pá’ pege ge ńnéŋe lê mbʉ́lè.

Roma 1:21

Pɔ́ zsé Ssé, tá pɔ́ té gu’te yé, ésíe yé pá’ á ne ńzɛ́te ngie mé gÿo pú’u, nà Ssé wɔ́. Tà ńcʉ́’ pú’u, mbà legyè sɔ́b la fʉte wɔ́b pɔ́ fʉa mánzsè, ntʉ́m wɔ́b gẅie é gẅiin pɔ́ gʉ̀gʉ̀ nzsenò gÿo pɔ́ gwé tsɛ̀ɛ nzěm.

1 Korento 10:17

Pá’ tà’ mbelég wémɔ’ɔ́ zɔɔ ssé la, pege metsèm púte ḿpfɛ́ɛ wɛ̌ tà’ mbelég á lɔgɔ ńnyɛɛ ngie pege puté ńgwɔ́ pɔ́ tà’ mbùm nnɛ́ yémɔ’ɔ́.

1 Timote 6:12

Ké ne ḿma’a jú pɔ́ ncù mbòŋo we pàzáb ntʉ́m nà Ssé. Kú’te le gwɔ́ tèmì mboŋó, mélà’mie e Ssé la tóŋo gú, ntí pɔ́ wɛ̌. Ɔ̀ piŋ ńtyé mvfò pʉ̀a tà ńgyɔ́ɔn ńzẅíŋe nò mbòŋo gie ɔ̀ zába ntʉ́m gú mǒ.