Kolosia 2:1 - Nouveau Testament en Ngienboum

¹ Mèŋ n ne ńkwoŋo ngie pi zsé ngie ncù gẅie mèŋ n ne ḿma’a é tʉ. Mèŋ m ma’a wɛ̌ ncù ná twó sí, mbɔɔ ná twó pʉ̀a Kristo pie ée Laodisé, mbɔɔ ná twó petsɔ́ pʉ̀a Kristo tà ńgyɔ́ɔn pie pɔ́ laa wɔ̀ɔn gyá.

Kolosia 2:1 Referans Kwoze

Kolosia 1:29

Pi jú’u mmó gie mèŋ n kwé mǒ. Mèŋ n kě ńdɔgɔ pɔ́ metʉ̀ mie é fóo mbwo Kristo tá fa’a yɔɔn fà’. Mɛ̌ metʉ̀ kwa’ ńgwɔ́ soŋ nnɛ́ mèŋ ńne fa’a.

Filipo 1:30

Yɛ̌ ngɔ́’ ée ncù gẅie pi ne ḿma’a, mbà pi la gyá pá’ mèŋ m ma’a. Mèŋ n kě ńnyé ḿma’a pɔ́ wɛ̌.

Ŋwà’ne Ngyà jʉ’ 1:11

ńne ńgɔɔn ngie: Cú’te kɔ̀ɔkɔ́ɔ gie ɔ̀ ne ńgyá, ńŋwe’e tsɛ̀ɛ lepu’ú ŋwà’ne, ńtúm ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ metÿǒsoŋ mɔɔn: Efeso, Smirne, Pɛrgame, Tiatire, Sardɛ̀s, Filadelfia, Laodisé.

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

Megàŋ ntúm 20:38

Pɔ́ mÿɔgɔ lelÿò mélà’mie à ně ńgɔɔn né pɔ́b ngie: Pi tè gÿo gíŋe gyá shÿó wɔ̀ɔn mɔ́. Pɔ́ gÿo pú’u, ńgʉa ńtsege Pɔl ncwò *máamáa kanú’.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.

Kolosia 2:5

Mèŋ n tsɛ ńgwɔ́ ngʉ̀a shʉ̀shʉ̀a, tá nkwaŋá wɔ̀ɔn tyé pɔ́ ná pi. Mèŋ n ne ńkága á nue mèŋ n zsě ngie pi ne ńtáŋte menò mí mboŋó, ḿbiŋ ńkú’te nò Kristo tà á tʉ.

Galatia 4:19

Egubé yɔ́ɔn, n gǐŋ ne ńgyá ngɔ́’ sẅe sẅe nà pi pɔ́ pá’ manzwě gẅie à ne ńdúme ńgee ńzyé la. Mèŋ n ge ké gyá ngɔ́’ pɔ́ pú’u, tà kú fʉ̀’ gie pi cʉ̌’ kwà’ pʉ̀a Kristo.

Megàŋ ntúm 20:25

Mèŋ n ka cʉa tsetsɛ̀ɛ pi metsèm, ńgiŋe sá’a pá’ nò *lefùɔ Ssé áa pú’u. M biŋ ńgwɔ́ fʉ̀’ɔɔn, ńne ńzsé ngie pi tě ńdá’a ńgíŋe ńgyá shÿó wɔ̀ɔn mɔ́.

Lukase 22:44

Legwé ne ḿpfɛ́ɛ yé, á ńkẅi’i sẅíŋte Ssé ńnéŋe twó, tà zì’i cʉ́’ʉ ńkẅɛɛ ná yé, ńcʉ́mte ssé ńgwá’a mekɔ̌ɔn metse la].

Heber 5:7

À giŋé ńgwɔ́ pɔ́ yé Yěsô gẅie à laa fʉ̀’ gie à la nyé ndùmo ssé tsetsá’, á sẅíŋte Ssé gẅie à lɔɔn ńgwɔ́ á gÿo tà yé le kwé, ḿbú’ mbwó mbwo yé tà ne ńga’te ńdʉa. E Ssé fó ná pá’ Yěsô zẅí’te kɔ̀ɔkɔ́ɔ pɔ́ mbwo yé, ńjú’u sẅíŋte yé.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.