Kolosia 1:3 - Nouveau Testament en Ngienboum

³ Peg ee fʉ̀’ ntsèm ńgwaa ne sẅíŋte Ssé nà twó sí, ńne síe yé síe. Peg síe yé gẅie aa Tá pà Cʉ̀apʉ̀a wege Yěsô Kristo,

Kolosia 1:3 Referans Kwoze

1 Tesalonika 1:2

Peg neŋé síe Ssé fʉ̀’ ntsèm ńtí gẅí, ḿbiŋ ńne sẅíŋte Ssé fʉ̀’e kɔ́ wɔ́, ńkwaŋte gẅi kwaŋte.

2 Timote 1:3

Mèŋ n ne ńnáa ndǎg mbwo Ssé nà twó jú, e Ssé gie mèŋ n gu’te lê ntʉ́m mbòŋo pá’ pà mangʉa njʉ’ peg la gu’te yɔ́b. Áa fʉ̀’e zsó kà lêtsẅɛ́’ wɔ́, mèŋ n gwɔ́ sẅíŋte Ssé, n te nyé té kím lezíŋ shú wɔ́.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

1 Korento 1:4

Mèŋ ne ńnáa ndǎg mbwo Ssé fʉ̀’ ntsèm ńtí gẅí, á nà menò mbòŋo mie à ka lɔg ńcÿó gem gí, ńcʉa nà pá’ pia Yěsô Kristo kéen ńtemte.

Kolosia 1:13

À la sa’a wégè mbwo metʉ̀ nzěm, ńtsege wégè ńnéŋe tsɛ̀ɛ nò lefùɔ Míŋ we, à kwoŋo míŋ we ŋwɛ́ tɛ’.

Efeso 1:15

Pá’ mèŋ n ka jú’ ngie pi ne ńkẅi’i ńzába ntʉ́m gẅi ná Cʉ̀apʉ̀a Yěsô, ńgíŋe ńjú’ ngie pi ne ńkwoŋo pʉ̀a Ssé métsèm lá,

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

Roma 15:6

À cʉa pú’u, pi lɔgɔ tà’ ncwò, ńdɔgɔ tà’ ngyè ńgu’te Ssé Tá pà Cʉ̀apʉ̀a wege Yěsô Kristo.

2 Korento 1:3

!Pege ná ndǎg mbwo Ssé, Tá pà Cʉ̀apʉ̀a wégè Yěsô Kristo, gẅie letsɔ̌ɔn mezìŋe pʉ̀a fóo pɔ́ ne yé, letoonté wɔ́b á fóo pɔ́ ne yé.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.