Kolosia 1:10 - Nouveau Testament en Ngienboum

¹⁰ Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Kolosia 1:10 Referans Kwoze

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

1 Jâŋ 3:22

é luɔ pɔ́ kɔ́ mbwo yé wɔ́, à ná mélà’mie pege ne ńgiŋe ná *lepʉ̌ sé, ḿbiŋe ńgÿo mmó gie à ne ńkwoŋo.

Ŋwà’ne Jâŋ 15:16

Pi zɔ la tè tsɔ́’ɔ wɔ̀ɔn mɔ́, mèŋ n zɔ la tsɔ́’ɔ gẅí, ńtúmo gẅi ngie pi gʉa fa’a fà’ yɔ́ɔn. Ammó gie pi gÿǒ lá’a ńgwɔ́ pɔ́ wó, á le cʉa sẅɛɛ wɔ́. À cʉa pú’u, ńgwɔ́ gie pi lɔɔn ńdɔg lezíŋ sɔ́ɔn ńdúɔ pɔ́ kɔ́ mbwo Tá wɔ́, mbà à ge náa mbwo pi.

1 Tesalonika 4:1

Mefɛ́ mefɛ́, anò gie peg ge lɔg cʉ́me á gwɔ́ pɔ́ ngie peg ka shwóŋó gẅi ntí gie à lɔɔn ńgwɔ́ pi lɔg ńnéŋe pú’u, anò gí poŋ Ssé. Á ge gǎ wɔ́ pi ne ńnéŋe pɔ́ pú’u. Tá’ peg giŋé ne sẅíŋte gẅí, tà ḿbú’u pɔ́ mbwo nà lezíŋ Cʉ̀apʉ̀a Yěsô ngie, pi gÿo pɔ́ pú’u, ńdɔg ńgee mvfò.

Heber 13:16

Tà pi lege légÿo nò mbòŋo mbɔɔ lélɔgɔ mmó gie pi gẅiin ńkẅéte pʉ̀a, á nue legÿo mɛ̌ menò áa lii pwɔ́’ gie á poŋ Ssé.

Ŋwà’ne Jâŋ 15:8

Ammó gie á lɔɔn ńgwɔ́ á gÿo mé gu’te Tá wɔ̀ɔn, aa pá’ à lɔɔn ńgwɔ́ pi gÿo shúm mbòŋo tɛ’, ḿbiŋ ńgwɔ́ *ngàŋa kwò yɔ́ɔn.

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

2 Piɛ 1:8

Á nue pi lɔɔn ne ńgÿo menò mie mé tʉté lɔɔn, ńne ńdɔgɔ ńgee né mvfò, mbà é ge gÿo mbùm gi zeŋe légÿo mmó gie e Ssé kwoŋ, é gíŋe gÿo pi ne ńkẅi’i ńzsé nyìŋ gẅie Cʉ̀apʉ̀a wege Yěsô Kristo aa yé

Kolosia 2:6

Pá’ pi ka kě ńzẅíŋ ngie Yěsô Kristo aa Cʉ̀apʉ̀a gẅi la, á ne ńzɛ́te ngie gẅi leńnéŋe gwɔ́ pá’ à ne ńkwoŋo.

1 Tesalonika 2:12

Peg la kẅiŋte gẅí, ńnéŋ ntʉ́m gẅí, ńcwoŋo ńgɔɔn né pi ngie pi giŋe ná mánzsè gẅie Ssé ne ńkwoŋo. Yé gẅie à ne ńtóŋo gẅi tsɛ̀ɛ lefùɔ sé, á tsɛ̀ɛ legú’ we.

Kolosia 4:5

Á gʉa ná pʉ̀a pie é té pʉ̀a Kristo wɔ́, pi zsé ntí gie pi ge lɔg ńnéŋe tsetsɛ̀ɛ pɔ́b. E Ssé ná shʉa létsẅi Nkʉ̀ Mbòŋo mbwo pɔ́b, tà pi cʉ́’ yɛ̌ fʉ̀’ tɔ́g.

Efeso 5:15

Pú’u la pi gwaa gÿo kɔ̀ɔkɔ́ɔ gí wɔ́, ńdaga twó gí mboŋó. Pi pɔ́ɔn léńnéŋe we megʉ̀gʉ̀, pi ńnéŋe pá’ megàŋa zsě nò

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

2 Korento 2:14

Tá’, peg ge ké ná pɔ́ ndǎg mbwo Ssé, á nue peg lɔɔn ńgwɔ́ pɔ́ nzɔ̌ wɔ́, mbà à ge gÿo peg gwɔ́ pɔ́ ná mánzòŋ Kristo, mbà yé Kristo jÿǒ ncù. Yé Ssé lɔgɔ wég ńgÿo mé zsé Kristo jʉ’ ntsèm, pá’ mmó gie mé túɔ, àgyě kwɔ́’ɔ ésa jʉ’ ntsèm la.

Roma 6:4

Pá’ á la fó nà kẅé ntse, pega pɔ̌ púte ńkwé, mé gíŋe ḿbúte wega pɔ̌ ńtúŋ, légwɔ́ gie pá’ e Ssé Tá la lɔg metʉ̀ mie é gẅiin legú’, ńgÿo Kristo zíme ná legwé la, pege yégè ge cʉ́’ gwɔ́ pɔ́ tsɛ̀ɛ le gwɔ́ we sẅé.

Efeso 5:10

Pi gwaa gÿo kɔ̀ɔkɔ́ɔ wɔ́, ńta’ menò, lézsé mie é poŋo mbwo Cʉ̀apʉ̀a.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Filipo 1:27

Ammó lÿò gie pi kě ńgẅiin légÿo á gwɔ́ pɔ́ ngie, pi ké ńne ńgiŋe pɔ́ ná mà we pʉ̀a pie é jú’u nkʉ̀ mbòŋo Yěsô Kristo. Á nà ntí gie n dɔɔn ńtó gyá gẅi lo, éfó tè tó lo, n ké ne ńjú’u pɔ́ pá’ mé gɔɔn ngie pi nyě ńgẅiin pɔ́ tà’ ncwò, ńne ńdɔgɔ pɔ́ tà’ ntʉ́m ńdÿɔ́’ɔ, légwɔ́ gie pi ge pɔ́ɔnte nò gie pi la zẅíŋ, á gwɔ́ nò nénʉ́ gie á fóo ná nkʉ̀ mbòŋo.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

1 Jâŋ 5:20

Pege ne ńzsé ngie Míŋ Ssé la tó ńnáa wégè legyè pá’ pege ge lɔg zsé kwà’ Ssé ye nénʉ́, peg la zẅɛ́’ pɔ́ yé Yěsô Kristo tá pega Ssé ye nénʉ́ cʉ́’ ńnéŋe, mbà pega pɔ́ léen ńtemte.

Titus 3:1

Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

Kolosia 3:20

Pi penkʉ́ pi jú’ ncwò metá pí lâ memá pí nà kɔ̀ɔkɔ́ɔ, á nue áa mmó gie á poŋo Cʉ̀apʉ̀a.

Efeso 4:13

À kẅi’i ńgʉa nê mvfò tà pege cʉ́’ ńgẅiin pɔ́ tà’ ncwò gẅie à fóo ná pá’ pege záb ntʉ́m wégè pɔ́ ná Yěsô Míŋ Ssé, ḿbiŋ ńzsé yé, ńgú’ tà tsɔ́ mmó le gíŋe ńzága wégè wɔ́, pá’ áa ná yé ńgwɔ́ pú’u.

Heber 11:5

Á la fó pɔ́ ná pá’ Henɔg la záb ntʉ́m wé nà Ssé, tá Ssé lɔgɔ yé ńgʉa gʉa tà à tè kwé. Mé fa’a yé mé té gíŋe ńgyá yé wɔ́, á nue á la gwaa gwɔ́, mbà Ssé ně ńdɔgɔ yé ńgʉa. Ŋwà’ne Ssé gɔɔn ngie e Ssé la gwaa lɔgɔ yé gʉa, mbà nò yé poŋó yé.

2 Timote 2:4

Nyìŋ vɔg tà ńgwɔ́ tsẅɛ̀ɛ ncù, ńdege kɔ̀ɔkɔ́ɔ gie á ne ńdíe yé mbʉ̀a, ńzsé ngie à ge cʉ́’ʉ gÿo pɔ́ mmó gie á ge poŋo tándá wɔb.

Kolosia 2:19

Pɔ́ té ne ńkẅi’i ńdaa nnɛ́ ná Kristo gẅie yé zɔɔ twó wɔ́. Tá mbà twó zɔ̌ náa kɔ̀ɔkɔ́ɔ gie á ge kẅéte mbùm nnɛ́. Atwó zɔ̌ gÿo mejwoŋó nnɛ́ mbɔɔ menŋàŋ nnɛ́ cú’te ńkú’te mbùm nnɛ́, é gú’ pá’ e Ssé ne ńkwoŋo.

Filipo 4:18

Á gʉa nà shúm sie pi ka tǔm ńna né mèŋ, mbà mèŋ m bǔ ńgyá. N gẅiin shúm fʉ̀’ɔɔn tà é gyɔ́ɔn tɛ’. Mèŋ n gyǎ shúm ŋwɛ́ sie Epafolodite lɔ̌g ńtó. N te gíŋe ne ńzága tsɔ́ mmó wɔ́. Eshúm ŋwɛ́ poŋó wɔ̀ɔn tɛ’, ńgwɔ́ pɔ́ pá’ shúm pwɔ́’ sie mé lɔ́ɔn ńnuŋe mvfò Ssé, é poŋo yé tɛ’ la.

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

2 Korento 9:8

E Ssé piŋ ńku’ pá’ ńgwɔ́ á ná shúm mbóŋo mentí mentí né pi, légwɔ́ gie pi ge gwɔ́ fʉ̀’ ntsèm é gẅiin shúm sie é ne ńzɛ́te mbwo pi, tà gíŋ gẅiin mbɔɔ sie ńgwɔ́ pi lɔg fa’ mefà’ mbòŋo nzsè nzsè.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Roma 4:12

Ábalam gǐŋ ńgwɔ́ tá pà pʉ̀a pie mé la pú’u wɔ́b. N tě ńgɔɔn pʉ̀a pie mé la pú’u wɔ́b á ku’ pú’u mbwo pɔ́b wɔ́. N gɔɔn pie pɔ́ gíŋe ne ńzába ntʉ́m nà Ssé, pá’ tá wege Ábalam la záb wé yé tá mé gÿo ḿbú’u yé.

Roma 1:13

Mefɛ́ pɔ́ɔn, pi zsé mboŋó ngie n dǎ táŋ tɛ’ létó ńgyá gẅi tá shÿó ké tè kẅɛ tà ńkú lyɛ̌’ɔɔn. N daa pú’u ńtsɔ́ɔn létó fa’a tsetsɛ̀ɛ pi tà pi jÿó gí pì pá’ n ka fa’a tsɛ̀ɛ tsɔ́ mengwòŋ pɔ́ jÿó pì.

2 Korento 5:9

Á cʉa pú’u, ammó gie peg ne ńtsɔ́ɔn légÿo tɛ’ aa legÿo mmó gie á poŋo yé. Kà pɔ́ pá’ peg ee tsɛ̀ɛ yɔɔn mbùm nnɛ́ wɔ́, kà pɔ́ pá’ peg kẅɛ̌ tsoló wɔ́,

3 Jâŋ 1:6

Pɔ́ ka tyě tsɛ̀ɛ cú’tè pʉ̀a Kristo, éshwóŋ pʉ̀a pá’ ɔ̀ ka kwoŋo wɔ́b pú’u, ńnáa wɔ́b mmó gie á ge kẅéte wɔ́b mánzsè, ńzsé ngie pɔ́ ge giŋe ná ńtí gie á ne ńzɛ́te ngie pàfa’a fà’a Ssé giŋ pú’u.