Jẅide 1:21 - Nouveau Testament en Ngienboum

²¹ Pi gÿo e Ssé ké ńne ńkẅi’i ńkwoŋo gẅi kwoŋ, ńne ńzẅí’te ngie Cʉ̀apʉ̀a wege Yěsô Kristo ge gÿo gÿo pi gẅiin le gwɔ́ tèmì, á nue à tsɔ́ɔn mezìŋe mí.

Jẅide 1:21 Referans Kwoze

1 Jâŋ 4:16

Á gʉa ná peg, mbà pɔ́ ne ńzsé pá’ Ssé kwoŋo wég pú’u, peg ka gyá yɛ̌ ntí nkwòŋe tà ńzẅíŋ. E Ssé gẅiin pɔ́ nkwòŋe, nyìŋ lɔɔn ńne ńkwoŋo pʉ̀a mesoŋ, mbà ngàŋ la nnɛ́ nà Ssé, e Ssé la nnɛ́ ná yé.

2 Piɛ 3:12

ńne ńzẅí’te ngie lyɛ’ɛ́ lá’ Ssé tó, ńne ńkaga tʉ̀ légwɔ́ gie á ge lwo tó. Áa lyɛ̌’ gie mmɔ̌g ge lá’ túɔ lefaŋ e keme, é jʉ’ tóo ńtwěen, à kɔ̀ɔkɔ́ɔ gie áa lefaŋ wɔ́ à sí ńtsó.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

Ŋwà’ne Ngyà jʉ’ 12:11

Mefɛ́ pégè ka zẅɛ́’ metse mûɔ *Njʉ̀njÿò, ńgíŋe ńzẅɛ́’ mbɔɔ shwóŋè gie pɔ́ ka ne ńgɔɔn ńdɔgɔ ńda’te mmó gie pɔ́ zsé ná mûɔ *Njʉ̀njÿò, ńjÿó wɛ̌ nyìŋ. Pɔ́ ka tè lɔg twó sɔ́b ńtóŋo tsɔ́ mmó tà ḿbɔ́g pá’ ńgwɔ́ mé zẅé wɔ́b gwɔ́.

2 Tesalonika 3:5

Peg ne ńdúɔ ngie Cʉ̀apʉ̀a zí’i gẅi lékẅi’i ńkwoŋ Ssé, mbɔɔ léshÿɔg ngɔ́’ pá’ ye Kristo.

Roma 6:23

a nue mmó gie nò tepòŋ lɔ́g ḿbéen fà’a nyìŋ, á gwɔ́ pɔ́ ngàŋ lekwé, tá afù’ gie e Ssé náa mbwo nyìŋ pɔ́ sẅɛɛ sẅɛɛ, á gwɔ́ pá’ ngàŋ zẅɛ̌’ pá’ á la nnɛ́ ná Cʉ̀apʉ̀a wege Yěsô Kristo, ńgẅiin le gwɔ́ tèmì.

Ŋwà’ne Jâŋ 14:21

Nyìŋ lɔɔn ńkú’te mbʉ̌ mɔ́ɔn, ńne ńgíŋe mǒ, mbà ngàŋ aa nyìŋ gẅie à ne ńkwoŋo wɔ̀ɔn. Tá wɔ̀ɔn ge kwoŋo nyìŋ gẅie à kwoŋo wɔ̀ɔn, mbɔɔ mèŋ yɔ́ɔn n gíŋe ńkwoŋo wɛ̌ nyìŋ, ńgÿo à zsé wɔ̀ɔn.

2 Timote 4:8

Áa nà fʉ̀’ɔɔn, mbà Ssé cwoŋté ntsɔ’ɔ́ fà’ nyìŋ gẅie à kÿǒ ndʉ̌ tà njÿó, ńzáb ńne ńdɔgɔ ńzẅí’te wɔ̀ɔn. Wɛ̌ ée tsɔ’ɔ́ fa’ pá’, n gÿǒ mmó gie e Ssé ne ńkwoŋo. Cʉ̀apʉ̀a gẅie à za’ ntsaŋ pɔ́ ndʉŋ ndʉŋ, à ge gÿo náa mbwo mèŋ nà lyɛ’ gie à ge tsɔ́’te mentsaŋ. À tè lá’ ná pɔ́ ndà’ mbwo mèŋ wɔ́. À ge lá’ gíŋe ná mbɔɔ mbwo pʉ̀a pie pɔ́ ne ńkwoŋo légyá fʉ̀’ gie à ge gÿo kẅɛ.

2 Timote 1:2

Mèŋ n naa yɔɔn ŋwà’ne mbwo gù Timoté, gù míŋ wɔ̀ɔn, n kwoŋo gú tɛ’. N ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ ne ńgwɔ́ né gù, ńne ńtsɔ́ɔn mezìŋe mú, ńne ńnéŋe sẅétè ntʉ́m gù.

Roma 8:39

ńgwɔ́ pɔ́ metʉ̀ ntí ntí mie ée tsɛ̀ɛ njÿó, é mie ée tÿǒ, kà mie ée tsɛ̀ɛ ssé wɔ́, ńgwɔ́ pɔ́ tsɔ́ mmó ndyɛ̀’ɛ gie Ssé la pwóon, mbà tsɔ́ mmó té ńdá’a ńku’u létáte Ssé lékwoŋo wégè wɔ́. À la cʉa ná Yěsô Kristo, a Cʉ̀apʉ̀a wege, ńnyɛ ngie à kwoŋo wégè.

Roma 5:21

Á cʉa pú’u, e Ssé lɔg pá’ à tsɔ́ɔn mezìŋe mɔ́b, yé zɔ̌ cʉ́’ ńgẅiin wɔ́b, ńgÿo pɔ́ cʉ́’ pʉ̀a pie ee ndʉŋ ndʉŋ mvfò yé, á lɔgɔ sẅé pá’ nò tepòŋ la gÿo legwé gẅiin pʉ̀a mesoŋ, ńzẅéte wɔ́b. E Ssé tsɔ́ɔn mezìŋe mégè ńcÿó gem yégè pú’u, pege zẅɛ́’ɛ Cʉ̀apʉ̀a Yěsô Kristo tá ńgẅiin le gwɔ́ tèmì.

1 Jâŋ 5:18

Pege ne ńzsé ngie nyìŋ gwɔ̌ tà ńcʉ́’ʉ míŋ Ssé, à tè gíŋe ńnéŋe fʉa nò fʉa wɔ́, á nue Míŋ Ssé ne ńtÿɔ́’te yé, nyìŋ tepòŋ tè gẅiin shÿó lézába pwó ná yé wɔ́.

Roma 5:5

Pege kě těen ńzẅí’te pú’u, pɔ́ jʉ’e sẅɛ̀ɛ wɔ́, á nue Ssé kéen fó nà Zẅìge yé gie à ka nǎ né pege, ńnyɛɛ wege pá’ɔɔn tɛ’ ngie à kwoŋo wégè.

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Jẅide 1:24

Agù’te gwɔ́ mbwo Ssé, yé gẅie à ku’u létÿɔ́’te gẅi tà pi é le gwé, yé gẅie à ku’u légÿo pi kẅɛ ńtyé nà jʉ’ʉ legú’ gie kwà’ yé aa wó tà *lɔ̌’ á le ná pi wɔ́, pi piŋ ńne ńkága kǎg,

1 Jâŋ 5:21

Penkʉ́ pɔ́ɔn, pi laga twó gí nà shúm sie pʉ̀a gu’te ngie ee Ssé.

2 Timote 1:18

Mèŋ n ne sẅíŋte ngie Cʉ̀apʉ̀a lá’a lyɛ’ɛ́ létsɔ́’te ntsaŋ ńgÿo nò mbòŋo ná ye. Kwà’ gù ne ńzsé pá’ n da nyé Efeso á kẅéte wɔ̀ɔn pú’u.

Ŋwà’ne Jâŋ 1:17

E Ssé la cʉa ná Mǒsê, ńná *lepʉ̌, anò nénʉ́ pɔ́ nò lécÿó gʉm yégè piŋ ńcʉa pɔ́ nà Yěsô Kristo.

1 Timote 1:2

Mèŋ n ŋwe’e ńnáa mbwo gù Timoté. Ɔ̀ɔ mbwo mèŋ ńgwɔ́ míŋ wɔ̀ɔn tɛ’, ńtí nò Yěsô Kristo gẅie pɔgɔ pǔ ńzáb ntʉ́m ná yé. Mèŋ n ne ńdúɔ mbwo Tá wege Ssé mbɔɔ mbwo Cʉ̀apʉ̀a wege Yěsô Kristo ngie pɔ́ gwɔ́ né gù, ńtsɔ́ɔn mezìŋe mú, ńnéŋe sẅétè ntʉ́m gù.

2 Timote 1:16

Mèŋ n ké ne ńdúɔ mbwo Cʉ̀apʉ̀a ngie à gÿo nò mbòŋo ná tsìŋe ndá Onésifor, ńdúɔ pú’u, Á nue à neŋé ńnéŋ ntʉ́m wɔ̀ɔn tɛ’, à laa kú shʉ́ ná mèŋ pá’ mèŋ n gee ngàŋa tsǎŋ wɔ́.

Jẅide 1:1

Àa mèŋ Jẅide, nyìŋ gẅie à fa’a fà’a Yěsô Kristo, ńgwɔ́ fɛ́ Jâg. N túmo yɔɔn ŋwà’ne ńnáa mbwo pi pie Tá wege Ssé la tóŋo gẅí. À kwoŋo gẅi ńne ńtÿɔ́’te gẅi ńdɔgɔ ńzẅí’te Yěsô Kristo.

Jẅide 1:22

Pi tsɔ́ɔɔn mezìŋe pʉ̀a pie pɔ́ ne ḿmʉ́’te mʉ’té