Jẅide 1:19 - Nouveau Testament en Ngienboum

¹⁹ Pɔ́ zɔ̌ ée pʉ̀a pie pɔ́ ma’a fagte tsetsɛ̀ɛ pʉ̀a Kristo. Pɔ́ gÿo pɔ́ mmó gie pɔ́ jú’u soŋ nnɛ́ pɔ́b, a Zẅìge Ssé té ná pɔ́b wɔ́.

Jẅide 1:19 Referans Kwoze

1 Korento 2:14

Nyìŋ mesoŋ lɔɔn nyé ńgwɔ́ pɔ́ nà ntí gie mé la zyé yé á gwɔ́, mbà à lɔɔn ńgwɔ́ á le jú’u mmó gie á fóo mbwo zẅìge Ssé wɔ́. Áa mbwo ye ńgwɔ́ pɔ́ menò pʉ̀a. À tè ku’u lé jú’u nò gie á gɔɔn wɔ́. Á nue à Zẅìge Ndʉalʉ̌a zɔ gÿo tá mé jú’u nò gie yɛ̌ mmó lɔgɔ ńgɔɔn.

Roma 8:9

Tá á ké ńgʉa ná pi, mbà pi tè ńnéŋe nà ntí gie mbùm gi ne shwóŋó gẅi wɔ́, pi neŋé pɔ́ nà ntí gie Zẅìge Ssé ne shwóŋó gẅí, á fʉ̀’ɔɔn gie Zẅìge Ssé áa nà pi. A Zẅìge Kristo lɔɔn tè ná nyìŋ wɔ́, mbà ngàŋ tè nyìŋ Kristo wɔ́.

Ŋwà’ne Jâg 3:15

Yɛ̌ ntí zse nò tě fóo tÿǒ lepwó wɔ́. Á gwɔ́ pɔ́ ye ndùmo ssé tsetsá’ yɔɔn, ńgwɔ́ pɔ́ ye pʉ̀a mesoŋ, éfóo mbwo *messé tepòŋ.

Heber 10:25

Tà pege nyé lé ké ńne ńtóo mecú’tè mégè tǒ, tà mbɔɔ pá’ letsǒ cú’tè à kéen ńcʉ́’ʉ mà mbwo tsɔ́ pʉ̀a la, tà ńcʉ́’ pú’u, nyìŋ wege kẅiŋte fɛ́ we, á kẅiŋte yé yé, á nue pi ne ńgyá pá’ lyɛ̌’ lá’ Cʉ̀apʉ̀a ne ḿbɔ́ɔnte.

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.