Jẅide 1:13 - Nouveau Testament en Ngienboum

¹³ Pɔ́ ne ńdɔgɔ mefà’ tepòŋ mɔ́b saa jʉ’ pá’ ntse té pàa lu ssé ńtéme nà ngʉ̀ŋe ntse, fùfù’ we sa jʉ’ la. Pɔ́ ée pá’ mecÿɔ́’ saŋ pie é gwaa ḿbúu, pɔ́ cʉ́’ʉ ńcʉŋe na jʉ’ gie e Ssé la tÿɔ́gɔ wɔ́b wó wɔ́.

Jẅide 1:13 Referans Kwoze

2 Piɛ 2:17

Pà zí’i pʉ̀a nò Ssé pé cÿɔ̌ nò ŋwɛ́ gwɔ́ pɔ́ pà’ jʉ’ gie ntse kɔ́ɔn ńkẅɛ’ɛ wò, é kěen ńjúm la, pɔ́ gwɔ́ pɔ́ pá’ mbʉ̀ŋ gie é kwɔ̌’, à fóm kaa ńdɔg ńgʉa. E Ssé lěen ńnyɛte jʉ’ʉ yɔ́b ńtÿɔ́gɔ tsɛ̀ɛ ssé nzěm.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

Ŋwà’ne Ngyà jʉ’ 21:8

Tá ńké ńgʉa nà metsóon, mbɔɔ ná pàzẅíŋ ḿbiŋ ńdʉ’, mbɔɔ ná pàgÿo menò ncÿǒ, mbɔɔ ná pàzẅéte pʉ̀a, mbɔɔ ná pàgÿo menò mpfwɔ́’, mbɔɔ ná pàgẅiin mekàŋ, mbɔɔ ná pàgu’te shúm ngie ee messé, ńgÿo megàŋa cÿɔ̌ nò metsèm, mbà yɔ́b mmó gie mé ge gÿo lɔg tsɔ́’ɔ fà’ yɔ́b áa pá’ mé ge gÿo ma’a wɔ́b á tsɛ̀ɛ lepÿé mmɔ̌g *mekʉ̀a, á lɔgɔ ńgwɔ́ lekwé ńgʉa mbʉ́a.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,