Heber 9:1 - Nouveau Testament en Ngienboum

¹ Nndùŋ mvfò *kʉ̀a la gẅiin ye ntí mendendá’ gie mé lɔ́ɔn ńgiŋe mǒ tá ńnuŋe pwɔ́’. Mé la gíŋ ńgẅiin jʉ’ gie mé nuŋe pwɔ́’ Ssé wó, á gwɔ́ pɔ́ ndùmo ssé tsetsá’.

Heber 9:1 Referans Kwoze

Heber 8:2

À fa’a fà’ *nùŋe pwɔ́’ we lÿò á kwa’ jʉ’ gie e Ssé ee wó, á tsɛ̀ɛ kwà’ ntàb Ssé. Wɛ̌ ntàb gwɔ́ gẅie Cʉ̀apʉ̀a zɔ la lɔg kwà’ mbwo mé ńnÿɔg tà nyìŋ mesoŋ zɔ tè nÿɔg.

Heber 8:7

Ammó laa pé’e ńzɔɔn tè zága ná ndùŋ mvfò *kʉ̀a wɔ́, mbà mé la tè gíŋe ńgÿo tsɔ́ *kʉ̀a ńdɔg ńkúbe yɛ̌ wɔ́.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

Heber 8:13

E Ssé la lɔg pá’ à toŋó yɔɔn *kʉ̀a lê *kʉ̀a sẅé, ńdɔg ńda’te ngie ndùŋ mvfò zẅǐŋ. Pege piŋ ńzsé ngie ammó gie á zẅǐŋ, tà ne ńkwote áa gie á cʉ́’ʉ ńgee pɔ́ ḿmagá.

Lukase 1:6

Sakarîɛ pɔ́ nzwě we laa pʉ̀a, ńkú’te *lepʉ̌ Ssé kwà’ mboŋó, ńjú’u ncwò Ssé, ḿbiŋe ńgÿo pɔ́ mmó gie à ne ńkwoŋo tà *lɔ̌’ téen ńkẅɛɛ wɔ́.

Roma 9:4

Pɔ́ ée pʉ̀a Israel. Mbà Ssé la kaŋa wɔ́b ńdɔgɔ wɔ́b ńgÿo púɔ pé, ńnyɛɛ wɔ́b legú’ we, ńgÿo pâ pɔ̌ gwâ *kʉ̀a, á ná *lepʉ̌ sé né pɔ́b, éshwóŋó wɔ́b ntí gie pɔ́ ge lɔg gu’te yé, ńka’ menò mbwo pɔ́b tà é gyɔ́ɔn gyɔ̌ɔn.

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.