Heber 8:1 - Nouveau Testament en Ngienboum

¹ Kwà’ nò gie peg ne fa’a lé shwóŋó gẅi á yɔɔn ńgwɔ́ ngie pege kwá’ ńgẅiin yɔɔn ntí *nùŋe pwɔ́’ we lÿò. À kéen ńnéŋe nà lʉŋe lefùɔ, á nà gwǒŋo pwó Ssé ye tʉ̀, á yé gẅie à pǔ fáŋ ńcʉa wɔ̌wɔ́ɔ.

Heber 8:1 Referans Kwoze

Kolosia 3:1

Pá’ pia Kristo la púte ńzíme nà legwé la, pi tÿɔ́g lejÿɔ́g sí pɔ́ nà shúm sie ée tÿǒ lepwó, ajʉ’ gie Kristo aa wó, ńnéŋe nà gwǒŋo pwó Ssé ye tʉ.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Ŋwà’ne Ngyà jʉ’ 3:21

Á ge gÿo gʉa ná nyìŋ gẅie à lÿɔ̌’ ncù tà ńcʉa nò tepòŋ, mèŋ n zẅíŋ à ńnéŋe nà lʉŋe lefùɔ á ngʉ̀ŋe yɔ́ɔn, pá’ mèŋ yɔ́ɔn n da lÿɔ́’ ncù tà ńcʉa nò tepòŋ, Tá wɔ̀ɔn zẅíŋ mèŋ n ńnéŋe ná lʉŋe lefùɔ á ngʉ̀ŋe yé la.

Heber 12:2

Pege ne ńtÿɔ́gɔ menÿɔ́g pɔ́ ná Yěsô gẅie à la zí’i wégè lézáb ntʉ́m nà Ssé, yé zɔɔ nyìŋ gẅie à ge lá’ ńnéŋe wégè ná mbwó Ssé ndà’ ndà’. À la nyé lekág gẅie à laa we, mé kíme yé nà tÿǒ nkǐ á shÿɔg shÿɔg, à tè lɔg shʉ́ gẅie ée nà lekwě pú’u, ńtóŋo tsɔ́ nò wɔ́. Aa fʉ̀’ɔɔn ńnéŋe ngʉ̀ŋe lʉŋe lefùɔ ye Ssé, á nà gwǒŋo pwó Ssé ye tʉ̀.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Heber 10:12

Tá á ké ńgʉa ná Kristo, mbà à la nuŋe pwɔ́’ ńtí menò tepòŋ pʉ̀a mesoŋ, á tà’ legʉ̀a á ku’ pɔ́ ndà’ ndà’. Á gʉa sẅɛ́’ ńnéŋe nà gwǒŋo pwó Ssé ye tʉ̀.

Heber 1:13

E Ssé laa zɔɔn ńgɔɔn nê tsɔ̌ cÿɔ́’ we ngie: Tóo ńnéŋe nà gwoŋó pwó yɔ́ɔn ye tʉ̀ ńzẅí’te mèŋ n dɔg megàŋ mbù pú, ńgÿo ntÿɔgɔ́ mekwò mú wɔ́?

Efeso 6:20

Mèŋ, n gee mántúm létsẅi wɛ̌ nkʉ̀, tà mbɔɔ pá’ mèŋ fǒ ńgwɔ́ pɔ́ tsǎŋ lɔɔn. Pi sẅíŋte Ssé ngie mèŋ n gẅiin shÿɔ́g lélɔg ńgɔɔn pá’ á ne ńzɛ́te ngie mèŋ n gɔɔn.

Malékuse 16:19

Cʉ̀apʉ̀a Yěsô la gɔɔn mbwo pɔ́b tà ńtẅé jʉ’, e Ssé ŋá’a yé ńdɔg ńkwɔ́’ lé tÿǒ lepwó. Á ńnéŋe nà gwoŋó pwó yé ye tʉ̀.

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

Heber 4:14

Pá’ pege gẅiin tà’ *nùŋe pwɔ́’ we lÿò gẅie aa kwà’ wɛ̌, á gẅie à la gʉa tà ńkúu lejʉ́ŋ Ssé ńtí wégè, á gwɔ́ Yěsô, ńgwɔ́ míŋ Ssé la, pege kú’te nò gie mé ka shwóŋó wégé, pege záb ntʉ́m mǒ, ḿbiŋ ne shwóŋó yɛ̌ nò mbwo petsɔ́ pʉ̀a.