Heber 4:12 - Nouveau Testament en Ngienboum

¹² Ashwóŋè Ssé zɔɔn ńgwɔ́ ntentʉ́ tà ńkwa’ fa’ mefà’, atwó yé sẅíte tà ńcʉa mbɔɔ ye yɛ̌ nně ncù wɔ́ gie e gẅiin mengʉ́ŋ mbʉ́a, á shú ńkúu ná nyìŋ kǔ tà ńcʉa nà jʉ’ gie azẅìge ngàŋ pɔ́ ntʉ́m wé temte wó, tà ńcʉa nà jʉ’ gie mejwoŋó mbùm ngàŋ pɔ́ mefóon mie ée tsɛ̀ɛ mekẅǐ mé ée wó. Á ŋaga nyìŋ ná mmó gie ngàŋ ne ńtsɔ́ɔn mbɔɔ ná gie à ne ńkwaŋa ntʉ́m yé.

Heber 4:12 Referans Kwoze

Efeso 6:17

Pi zẅíŋ ngie e Ssé ne ńgÿo pi tsẅɛ́ɛ. Lezẅǐŋ pú’u, aa lekaa cÿɔ́’ɔ ncù ńtɔ’. Pi kẅé nně ncù gie Zẅìge Ndʉalʉ̌a náa mbwo pi. Yɛ̌ nně ncù aa shwóŋè Ssé.

1 Piɛ 1:23

Mé ka zɔɔn ńzyé gẅi lezyé we sẅé, tà à tè gwɔ́ pɔ́ lezyě we nyìŋ mesoŋ gẅie aa ńkwé wɔ́. À gwɔ̌ pɔ́ gẅie à fóo ná mbyè mmó gie e tě ńdá’a ńkwé wɔ́, yɛ̌ mbyè mmó gwɔ́ shwóŋè Ssé gie á náa kwà’ le gwɔ́, ńgwɔ́ gie á ge lá’a gwɔ́ pɔ́ wó.

Ŋwà’ne Ngyà jʉ’ 1:16

Á kú’te mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀. Etsɔ̌ nně ncù gie à twó sẅíte, é gẅiin mengʉ́ŋ mémbʉ́a ne fóo ncwò yé ńkẅɛɛ. Eshÿó wé ŋwʉŋe pɔ́ pá’ lejÿɔ́g nèm á tsɛ̀ɛ zsǒ la.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Ŋwà’ne Ngyà jʉ’ 19:15

Etsɔ̌ nně ncù ne fóo ncwò nyìŋ ŋwɛ́ gẅie à ńnéŋe ndùm fɔ́gɔ lÿóon ńkẅɛɛ. Esẅíte sẅité, ńgwɔ́ gie à ge lɔg kɔ́’ pʉ̀a pie ée tsɛ̀ɛ mengwòŋo mengwòŋ. Á gwɔ́ nyìŋ gẅie à ge lɔgɔ tÿǒ tʉ̌ ésá’ pʉ̀a mésoŋ, ńgwɔ́ nyìŋ gẅie à ge tsẅɛ́’ mentɔ̌ɔn mie mé lɔgɔ ńnyɛte melù’ tsɛ̀ɛ gÿǒon mélù’ mie é la’te ngie e Ssé ngàŋa tʉ̀ ntsèm ne ńgyáŋa lóŋ tɛ’.

Efeso 5:13

Pi lɔɔn shʉa shʉa ńkyag mɛ̌ menò ntsèm, mbà é ge fɔ́g

Lukase 8:11

Á cʉ́’ʉ lékyagte yɔɔn sagá nò ńgɔɔn ngie: Mbyè mmó lɔgɔ ńgwɔ́ shwóŋè Ssé.

Ŋwà’ne Jâŋ 6:51

Mèŋ máŋwɛ́, mèŋ n gee mmó léjÿó gie á ku’u légÿo mé gwɔ́ wó, á gie á fóo tÿǒ lépwó sẅɛ́’ɛ. Nyìŋ lɔɔn ńjÿó yɛ̌ mmó léjÿó, mbà à ge lá’a gwɔ́ pɔ́ wó mengù’u mengù’. Yɛ̌ mmó léjÿó gie mèŋ n ge ná, ee mbab nnɛ́ yɔ̀ɔn. Mèŋ n ge ná tá à cʉa pú’u, epʉ̀a mesoŋ tsɛ̀ɛ njÿó e gwɔ́ wó.

Ŋwà’ne Ngyà jʉ’ 19:21

Á gʉa na petsɔ́ pʉ̀a, nně ncù gie e la ne fóo ncwò nyìŋ gẅie à ńnéŋe ná lÿóon ńkẅɛɛ la, é zẅéte wɔ́b. Ngwòŋ meshʉ́ŋ ntsèm pfɛ́ mbab yɔb tà ńzẅɛ́.

Ŋwà’ne Ngyà jʉ’ 2:16

Pi ké ńkúbe mà gẅi, tà á té pú’u wɔ́, mbà ntyě té ge sag tá mèŋ n tóo mbʉ̀a pi wɔ́, é tó lɔg nně ncù gie e kẅɛɛ ncwò mèŋ, é ma’a wɔ́b lê ncù.

Heber 13:7

Pi kímte pʉ̀a pie pɔ́ la vɔgɔ létsyeen gẅi ná mánzsè Ssé, é pʉ̀a pie pɔ́ la shwóŋó gẅi nò Ssé, ńkímte ntí gie pɔ́ la lɔg ńnéŋe tà ńdá’ ńkwé, pi pí fʉ̀’ nà yɔb ntí lezǎb ntʉ́m nà Ssé.

Megàŋ ntúm 4:31

Pɔ́ la sẅíŋte Ssé ta ńtsẅé jʉ’, ajʉ’ gie pɔ́ la cú’te wó cʉ’ʉ. À Zẅìge Ndʉalʉ̌a pú ńjÿo wɔ́b métsèm. Pɔ́ zyé leshwóŋó nò Ssé té pɔ́g.

Megàŋ ntúm 2:37

Pʉ̀a jú’u yɔɔn shwóŋè, á pú ńkúte wɔ́b tɛ’. Pɔ́ zɛ́te Piɛ pâ petsɔ́ megàŋ ntúm ngie: Mefɛ́ mefɛ́, tà peg ge gÿo lêkɔ́?

Ŋwà’ne Ngyà jʉ’ 2:23

N ge zẅéte gubé yé. À cʉa pú’u, mecú’tè pʉ̀a Kristo ntsèm zsé ngie mèŋ n gee nyìŋ gẅie à zsé nkwaŋá pʉ̀a mesoŋ, ńgíŋe ńzsé mbɔɔ mmó gie pɔ́ ne ńtsɔ́ɔn. Mèŋ n ge gÿo fó pɔ́ nà mmó gie wɔ̌wɔ́ɔ gÿǒ, tá zsé pá’ mèŋ n ge gÿo ná ngàŋ.

Ŋwà’ne Ngyà jʉ’ 20:4

N gíŋe ńgyá melʉŋe lefùɔ tyéte. Epʉ̀a tó ńnéŋe mǒ. Mé ná metʉ̀ mbwo pɔ́b lélɔg ńtsɔ́’te ntsaŋ. Mèŋ n gyá mbɔɔ mentʉ́m pʉ̀a pie mé la gwoonte wɔ́b ńzá’ twó sɔ́b, ńtí pá’ pɔ́ zsé yɔ́b pɔ́ ndà’ nò gie Yěsô ka gÿo mé zsé, mbɔɔ nò Ssé. Mbà pɔ́ ka tè gu’te nkʉ̀’ʉ nɔ̀ɔn wɔ́, ńké tè tútú we gu’te, aliŋé nɔ̀ɔn ŋwɛ́ piŋ tè na zí yɔ́b kà nà pwó yɔ́b wɔ́. Pɔ́ fó lá’ mepfó ḿbiŋ nzèm, ńgíŋ ńgwɔ́ wó, pâ Kristo púte sá’ njÿó nà ngù’ ntsá’. Á lɔgɔ ńgwɔ́ ndùŋ mvfò *lezimé nà legwé.

1 Tesalonika 5:23

Peg ne ńdúɔ ngie e Ssé lê twó yé, gẅie aa ngàŋ mbʉ́lè, à gÿo pi gwɔ́ pʉ̀a pé tà ńcʉ́me, ńgie à pyɛ́bɛ zẅìge gí, ḿbyɛ́b ntʉ́m gẅí, ḿbyɛ́b mbùm gi, à gÿo ńgwɔ́ lyɛ̌’ gie Cʉ̀apʉ̀a wege Yěsô Kristo gé gÿo tó, pi gwɔ́ té sɔɔn *lɔ̌’ ná pi.

2 Korento 4:2

Peg tè nà mentí lɔg fa’a fà’ mie ée me ntsèm, ńgíŋ ńgwɔ́ me shʉ́ wɔ́, atsɔ̌ nkÿonkÿo tè ná kwò legiŋ yég wɔ́, peg piŋ ńké tè ne ńdɔgɔ tsɔ́ menò ḿvoŋo shwóŋè Ssé wɔ́, tà ńcʉ́’ pú’u, peg lɔg pá’ peg ee mvfò Ssé ńdá’te pɔ́ nò nénʉ́ á mbwo pʉ̀a mesoŋ, tà ńgwɔ́ gie à lɔɔn ńgwɔ́ nyìŋ léla’a wég ná tsɔ́ nò wɔ́.

Ŋwà’ne Jâg 1:18

Yé zɔ la kwoŋ, ńdɔgɔ shwóŋe gie áa nénʉ́, ńgÿo pege tsẅɛ́, légwɔ́ gie pege ge gwɔ́ mbwo yé, é gwɔ́ ntwó mmó ná ngwòŋ kɔ̀ɔkɔ́ɔ gie à la gÿo.

2 Korento 2:17

Tá’ peg tè pá’ tsɔ́ pʉ̀a tà ńgyɔ́ɔn pie pɔ́ lɔgɔ shwóŋè Ssé ńgÿo sɔ́b shúm metʉ̌a wɔ́, peg shwóŋ yég pɔ́ lê ntʉ́m Ndʉalʉ̌a, ńgwɔ́ pɔ́ pʉ̀a pie e Ssé ka tǔm. Peg gwɔ́ shwóŋ e Ssé ne ńgyá wég peg piŋ ńda nnɛ́ ná Kristo.

1 Korento 1:24

Tá á gʉa mbwo pʉ̀a pie e Ssé tsɔ’ɔ́ wɔ́b, kà é gwɔ́ pɔ́ pà Yuda wɔ́, kà pʉ̀a pie é té pà Yuda wɔ́ wɔ́, Kristo la’te pá’ metʉ̀ Ssé ée pú’u, mbɔɔ pá’ zsè nò Ssé áa pú’u.

Megàŋ ntúm 5:33

Mekěm jú’ pá’ pɔ́ gɔ̌ɔn pú’u, mbú ńgyáŋa lóŋ, ńzyé lékwaŋte lézẅé megàŋ ntúm.

Ŋwà’ne Jâŋ 12:48

Nyìŋ lɔɔn ńgwá’a wɔ̀ɔn, ńdʉ’ʉ shwóŋè yɔ́ɔn, mbà ngàŋ gẅiin nyìŋ gẅie à ge ŋaga yé. Ashwóŋè gie mèŋ n ka gɔɔn zɔ̌ ge lá’ ŋaga yé lyɛ’ɛ́ nzsò nzèm.

Megàŋ ntúm 7:38

Mǒsê zɔ gíŋe ńgwɔ́ nyìŋ gẅie á laa fʉ̀’ gie pàmangʉa njʉ’ pégè la cú’te nkwòŋo tsẅɛ, á tyé tsetsɛ̀ɛ pɔ́b lâ *cÿɔ́’ Ssé gẅie à lɔ̌ɔn cʉ́me nò mbwo yé á ndùm lekwɔ’ɔ́ Sinay. Kwà’ yé Mǒsê zɔ la kẅé shwóŋe gie á gÿo mé gwɔ́ wó léná né pege.

Efeso 5:26

ńgÿo pú’u, ńdɔg faga cú’tè yé ńnáa mbwo Ssé. Á gwaa gwɔ́, mbà à lɔ̌g ntse sɔgɔ wɔ́b, ńgíŋe ńdɔgɔ shwóŋè ńkẅile *lɔ̌’ ná pɔ́b.