Heber 3:6 - Nouveau Testament en Ngienboum

⁶ Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

Heber 3:6 Referans Kwoze

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

1 Korento 3:16

Pi tè ne ńzsé ngie pi ee pɛ́’ɛ̀ ńgwɔ́ *jʉ’ʉ Ssé, à Zẅìge Ssé tsẅé tsoló wɔ́ ka?

1 Piɛ 2:5

Á poŋ ngie pi gí pie pi gẅiin kwà’ le gwɔ́, pi zẅíŋ, e Ssé lɔgɔ gẅi ńgÿo metóon, ńdɔg ńkwɛ́ ndá Zẅìge Ndʉalʉ̌a. Pi gwɔ́ tsɛ̀ɛ wó ńgwɔ́ pànuŋe pwɔ́’ pie Ssé la tsɔ́’, pie é ge cʉa nzèm Yěsô Kristo, é nuŋe pwɔ́’ gẅie é poŋ Ssé.

Heber 10:35

Pú’u la, tà pi kʉ́a lézáb ntʉ́m nà Ssé, á nue máamáa ntsɔ’ɔ́ fà’ aa mǒ.

Heber 6:11

Ammó gie peg ké ne ńtsɔ́ɔn gwɔ́ pɔ́ ngie àwɔ̌wɔ́ɔ tsetsɛ̀ɛ pi wɔ́, à ké ne ńkaga tʉ̀ pɔ́ pú’u, ńdɔgɔ ńgee lê mvfò, tà ńdá’ ńkúu nzsoté légwɔ́ gie kɔ̀ɔkɔ́ɔ gie à ne ńzẅí’te mbwo Ssé, á ge gÿo pumte.

1 Korento 6:19

Tsyee pi tè ne ńzsé ngie mbùm gi aa jʉ’e Zẅìge Ndʉalʉ̌a wɔ́ ka? Yɛ̌ Zẅìge á tsẅé tsoló, mbà Ssé la ná né pi. Pi zɔ tè gẅiin twó mbùm gí wɔ́.

Heber 10:23

E Ssé ka ka’a mmó mbwo pege. Aa ḿbiŋe ńka’a mmó, ńdá’a ńgÿo pɔ́ yɛ̌. Pú’u la, pege ké ńne ńkẅi’i shʉa shʉa ńgɔɔn ngie, pege ne ńzẅí’te mmó gie à la ka’ tà pege é le ne mʉ́’te wɔ́.

Heber 4:11

Pú’u la, pege kag tʉ̀, ńkúu tsɛ̀ɛ yɛ̌ sẅétè, pege gÿo nà ntí gie à tsɔ̌ tà’ nyìŋ ná pege à tě ge tʉʉ twó pá’ metá pégè, ésɔ́ɔn wɔ́.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

Ŋwà’ne Ngyà jʉ’ 3:11

Mèŋ n ge tɔ́g tó. Pi kú’te mmó gie áa mbwo pi tà à tʉ ńzsé ngie tsɔ̌ nyìŋ tè kẅé gi ngú’ wɔ́.

Heber 4:14

Pá’ pege gẅiin tà’ *nùŋe pwɔ́’ we lÿò gẅie aa kwà’ wɛ̌, á gẅie à la gʉa tà ńkúu lejʉ́ŋ Ssé ńtí wégè, á gwɔ́ Yěsô, ńgwɔ́ míŋ Ssé la, pege kú’te nò gie mé ka shwóŋó wégé, pege záb ntʉ́m mǒ, ḿbiŋ ne shwóŋó yɛ̌ nò mbwo petsɔ́ pʉ̀a.

Heber 1:2

Á kéen ńgwɔ́ nà yégè kème njÿó yɔɔn gie á cʉ́’ ńgwɔ́ pɔ́ ye lɔg ńzsote, á gɔɔn nò né pege, ńgwɔ gɔɔn, ńcʉa pɔ́ ná Míŋ we. Á gwɔ́ yé gẅie à la cʉa ná yé, ńnyɛte njÿó ntsèm, ḿbiŋ ńgíŋ ńzába yé pá’ kɔ̀ɔkɔ́ɔ ge lá’ gwɔ́ pɔ́ yé.

1 Timote 3:15

légwɔ́ gie n dɔɔn tè tɔ́g ńtó wɔ́, ɔ̀ tóŋo yɔɔn ŋwà’ne, ńjú’ pá’ pʉ̀a pie e Ssé ee tá wɔ́b gẅiin légiŋ pú’u, á tsɛ̀ɛ cú’tè yɔ́b. Yɛ̌ cú’tè áa ye pʉ̀a Ssé gie ee ntentʉ́. Á tÿɔ́g ntóon gie e tyé ndʉŋ ndʉŋ á nà nò gie áa nénʉ́ tà ńgíŋ ńjÿɔ́’ tsɔ̌.

Kolosia 1:23

Tá’, á ké ne ńzɛ́te ngie pi záb ntʉ́m ná yé Yěsô ńzsé ngie pi ge tyé té zóŋe, nkwaŋá gẅi e ké ńtyé pɔ́ nà mmó gie pi ne ńzẅí’te mbwo Ssé, mbà pi la jú’u yɛ̌ mmó á fʉ̀’ gie mé la ne ńtsẅii nkʉ̀ mbòŋo mbwo pi, é gwɔ́ pɔ́ wɛ̌ gẅie mé tsẅii mbwo nyìŋ mesoŋ ntsèm. Mèŋ Pɔl à yɔ́ɔn fà’ kéen ńcʉ́’ʉ létsẅi wɛ̌ nkʉ̀.

Matio 10:22

Pʉ̀a metsèm ge lá’ pú pʉ̀a gẅi mélà’ mɔ́ɔn, tá’ nyìŋ gẅíe à shÿɔ̌g shÿɔg tè kʉ́a zɔ ge gÿo tsẅɛ́

1 Tesalonika 5:16

Pi ne ńkága kǎg fʉ̀’ ntsèm.

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

Matio 24:13

Tá, nyìŋ gẅie à shÿɔg shÿɔg té kʉa zɔ́ gÿo ńtsẅɛ́.

Ŋwà’ne Ngyà jʉ’ 2:25

Mèŋ n ne ńzɛ́te pɔ́ ndà’ ngie, ammó gie pi gẅiin, pi nyɛte ńkú’te mboŋó tà ńkú fʉ̀’ gie mèŋ n ge gÿo tó.

Ŋwà’ne Ngyà jʉ’ 2:18

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Tiatire. Ŋwe’e ngie: Míŋ Ssé gẅie menÿɔ́g mé kyɛ’ɛ jʉ’ pá’ lʉ́me mmɔ̌g lá, mekwò mé gwɔ́ pá’ tʉ̌ nʉ̀ la, à ne ńgɔɔn ngie:

2 Tesalonika 2:16

Tá wege Ssé la kwoŋo wégè, ńdɔgɔ lécÿó gʉm yégè, pege cʉ́’ pʉ̀a pé, ńkẅiŋte wégè ná ntí gie e těen ńdá’a ḿmaga wɔ́, ḿbiŋ ńgÿo pege ńnéŋe ne ńzẅí’te mmó mbòŋo gie à la ka’a mbwo pʉ̀a pé. Pú’u, peg ne ńdúɔ mbwo yé mbɔɔ mbwo Cʉ̀apʉ̀a wege Yěsô Kristo ngie:

Roma 5:2

Yé Yěsô zɔ la tsɔ́’ɔ mánzsè tá Ssé cÿó gem yégè pá’ɔɔn, ta à cʉ̌’ ńgwaa ńgwɔ́ pɔ́ né pégè pú’u éfó nà pá’ pege zǎb ntʉ́m ná yé Yěsô. Pege ee pá’ɔɔn lékag gwɔ́ ntʉ́m pege tɛ’, á nue pege neŋé ne ńzẅí’te pá’ Ssé ge gÿo gab shúm sie ée nà legú’ we, é ná ségè.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.

Galatia 6:9

Tà pege ke ńkʉ́a legÿo nò mbòŋo, á nue pege lɔɔn gÿo nò mbòŋo ńdɔg ńgʉa pɔ́ lé mvfò, mbà fʉ̀’ ge lá’ ku’, e Ssé gÿo pege lág shúm tɛ’.

Roma 11:22

Zsé ngie e Ssé lɔɔn ńgwɔ́ gie e gẅiin pòŋo ntʉ́m, mbà e giŋé ńcÿɔ́g. E la cÿɔ́g pʉ̀a pie pɔ́ la gwe ssé. E piŋ ne ńgẅiin pòŋo ntʉ́m ná gù. Tá’ á ne ńzɛ́te ngie ɔ̀ ké ne ńkẅi’i ńgÿo pɔ́ mmó gie á poŋo yé, tà á té pú’u wɔ́, mbà e ge zá’a gú jú gwá’ pá’ pwó tÿǒ la.

Matio 16:18

N ge ké gíŋe shwóŋó ɔ́, kwà’ nénʉ́, ngie: Ɔ̀ɔ Piɛ, ńdɔgɔ ngie tóon, mèŋ n ge gÿo tÿɔ́gɔ cú’te pʉ̀a pɔ́ɔn ndùm tóon ŋwɛ́. Tà mbɔɔ legwé lelá’ ńku’u lénʉ’te yɛ̌ cú’tè wɔ́.

Roma 12:12

Pi ńnéŋe nê lekág ńtí mmó gie pi ne ńzẅí’te. Ngɔ́’ lɔɔn ńkúu gẅí, pi shÿɔg shÿɔg. Pi ké ńne sẅíŋte pɔ́ Ssé té kʉ́a.

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

Efeso 3:12

Pá’ pege la nnɛ́, ḿbiŋ ńzáb ntʉ́m ná yé Kristo la, pege gẅiin pá’ ńgwɔ́ pege gʉa lejʉ́ŋ Ssé tà tsɔ́ mmó le wégè táte, pege ké le pɔ́g.

Heber 4:16

Pú’u la, tà pege mʉ́’te lésẅɛ’te nnɛ́ ńgʉa nê jʉ’ gie lʉŋe *lefùɔ Ssé áa wó, lélɔg pú’u, ńgwɔ́ lejʉ́ŋ yé Ssé gẅie à gẅiin pòŋo ntʉ́m. Pege sẅɛ’te nnɛ́ pú’u, tá Ssé tsɔ́ɔn mezìŋe mégè, ńnyɛɛ wégè pòŋo ntʉ́m yé, ńne ńkẅéte wégè ná fʉ̀’ gie pege zagá légÿo.

Heber 6:18

Pú’u la, eshúm ée wó sépʉ́a sie à lɔɔn ńgwɔ́ é le kúbe, pá’ e Ssé la ka’a nò mbɔɔ pá’ à la kʉa, é gwɔ́ menò mie á tʉ tà Ssé gɔɔn mé fa’ kékáŋ. Wɛ̌ le gwɔ́ kẅiŋte wég tɛ’, á wég gẅie peg léen ńnyé kɔ̀ɔkɔ́ɔ, nkwaŋá wég cʉ́’ ńtyé pɔ́ nà mmó gie peg zẅí’te mbwo yé.

Heber 7:19

Pú’u á nue *lepʉ̌ Mǒsê la tè gÿo tà tsɔ́ mmó ku’ ná ntí gie e Ssé ne ńkwoŋo wɔ́. Áa fʉ̀’ɔɔn, mbà Ssé la tsɔ́’ nzsè sẅé, nkwaŋá wégè ńnéŋe fʉ̀’ɔɔn ńcʉ́’ ńtyé pɔ́ mǒ. Ee mbòŋ ńcʉa yetsɔ́, á nue pege pfó mǒ ńgʉa tà ńkúu lejʉ́ŋ Ssé.

Heber 10:19

Mefɛ́ pɔ́ɔn, pá’ áa pú’u la, pege ee fʉ̀’ɔɔn, ńkwa’ ne ńzsé mboŋó ngie atsɔ́ mmó cʉ́’ʉ ńne ńtáte wégè lécʉa ńkúu ná kwà’ jʉ’e Ssé wɔ́, pú’u, ńzẅɛ́’ɛ pá’ Yěsô la pfɛte metse mé.

Heber 10:21

Pege lɔgɔ pú’u, ńgẅiin *nùŋe pwɔ́’ we lÿò gẅie aa kwà’ wɛ̌, yé zɔ̌ líe pʉ̀a Ssé.

Heber 11:1

Lezǎb ntʉ́m nà Ssé, aa lecwoŋo ńzsé mboŋó ngie, ammó gie mé ne ńzẅí’te ngie e Ssé ná, à ge lá’ ná, ńgíŋ ńgwɔ́ lécwoŋo ńzsé ngie, eshúm sie mé té ne ńdɔgɔ nÿɔ́g ńgyá wɔ́ kwà’ ńgwɔ́ wɔ́.

1 Piɛ 4:17

Afʉ̀’ áa pá’ɔɔn, mbà á kú’ pá’ Ssé ge zá’ ntsaŋ pʉ̀a mesoŋ, à ge zye pɔ́ nà pʉ̀a pé. À lɔɔn ńzye ná pege, mbà á ge cʉ́’ʉ nzsoté é gwɔ́ lêkɔ́ ná pʉ̀a pie pɔ́ té kwoŋo lézẅíŋ nkʉ̀ mbòŋo we Ssé wɔ́?

Ŋwà’ne Ngyà jʉ’ 2:26

Á gʉa ná nyìŋ gẅie à ge gÿo lÿɔ́’ ncù tà cʉa nò tepòŋ, á nyìŋ gẅie à ge gÿo é ké ne gÿo pɔ́ mmó gie mèŋ n da tsẅi ngie mé ne ńgÿo, á légÿo pɔ́ pú’u, tà ńkúu lyɛ’ɛ́ nzsònzèm, mbà mèŋ n ge lá’ ná metʉ̀ mbwo ye, à lɔg sá’ patè zsé Ssé.