Heber 3:5 - Nouveau Testament en Ngienboum

⁵ Á ké ńgʉa ná Mǒsê, mbà á laa fʉ̀’ gie à la ne ńdíe pʉ̀a Ssé, ńzsé yé pɔ́ ndà’ mmó gie e Ssé la gɔɔn ngie à gÿo, ńgwɔ́ pɔ́ ngàŋa fà’, àkɔ́ɔkɔ́ɔ gie à lɔ̌ɔn ńgÿo nyɛɛ mmó nà menò mie e Ssé lɔ̌ɔn ńge lá’ gÿo e kẅɛ.

Heber 3:5 Referans Kwoze

Heber 3:2

À la gÿo kɔ̀ɔkɔ́ɔ gie e Ssé la tsɔ́’ɔ yé légwɔ́ gie à ge gÿo, ndʉŋ ndʉŋ pá’ Mǒsê la gíŋe ńgÿo yé pú’u, á nà fʉ̀’ gie à la ne ńdíe pʉ̀a Ssé.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Heber 8:5

Afà’ gie pɛ̌ pànuŋe pwɔ́’ fa’a, á lɔgɔ ńgwɔ́ pɔ́ fʉ̀’, ńdɔgɔ ńgwɔ́ pɔ́ jʉ́jʉ́ŋ ná kwà’ nò gie áa tÿǒ lepwó. Á lɔgɔ pú’u, ńgwɔ́ pá’ e Ssé la nyɛɛ Mǒsê pá’ à ge gÿo á fʉ̀’ gie á lɔ̌ɔn ńge nÿɔg ntàb Ssé, e Ssé la gɔɔn né yé ngie: «Lʉŋte pɔ́ ná gie mèŋ n da nyɛɛ gú ndùm lekwɛ́ la».

1 Timote 1:12

Mèŋ sǐe Cʉ̀apʉ̀a wege Yěsô Kristo pá’ à la náa wɔ̀ɔn metʉ̀ á lélɔg fa’a fà’ yé. Mèŋ sǐe yé pá’ à la gyá ngie mèŋ n ku’u we nyìŋ, ńtsɔ́’ɔ wɔ̀ɔn ńdɔg ńgÿo ngàŋa fà’ we.

Heber 9:24

Kristo la zɔɔn tè kúu tsɛ̀ɛ jʉ’ gie mé nuŋe pwɔ́’ wó, á gwɔ́ gie pʉ̀a mesoŋ la lɔg mbwó mɔ́b ńnyɛte ńdɔgɔ fʉ’ʉ kwà’ yɛ̌ gie áa tÿǒ lepwó wɔ́. À la kú pɔ́ kwà’ tÿǒ lepwó, tà aa fʉ̀’ɔɔn ńdɔgɔ yégè nò ńgwɔ́ lejʉ́ŋ Ssé.

Roma 3:21

Tá’ aa nà fʉ̀’ɔɔn, mbà Ssé kéen ńda’te ntí gie à fó mǒ ńcʉ́’ ńdíe nyìŋ á gwɔ́ pɔ́ ndʉŋ ndʉŋ mvfò yé, é ké tè ntí gie e fóo ná *lepʉ̌ wɔ́. Ŋwà’ne *lepʉ̌ Mǒsê tà mbɔɔ ye pà *ntsẅì nkʉ̀ Ssé la gɔɔn nò ńtí wɛ̌ mánzsè.

Ŋwà’ne Jâŋ 5:39

Pi mwoon ŋwà’ne Ssé, mélà’mie pi ne ńkwaŋa ngie pi ge cʉa mǒ gẅiin le gwɔ́ tèmì. Yɛ̌ zɔ ké ne ńgɔɔn nyìŋ gẅie mèŋ n gee wɛ̌.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

1 Korento 4:2

Ammó gie mé ne ńzẅí’te mbwo pʉ̀a pie pɔ́ gẅiin nò nà fà’, á gwɔ́ pɔ́ ngie pɔ́ zsé pɔ́ ndà’ mmó gie mé zɛ́te ngie pɔ́ gÿo.

Megàŋ ntúm 7:37

Yé zɔ la gíŋe ńgɔɔn mbwó púɔ pà Israel ngie: «E Ssé ge lá’ gíŋe náa tsɔ̌ *ntsẅì nkʉ̀ Ssé né pi. À gwɔ́ pá’ mèŋ. À ge lá’ kẅɛ pɔ́ tsetsɛ̀ɛ pi.»

Lukase 12:42

Yěsô tsɔ́’ɔ mbwo yé ngie: Ngàŋa fà’ we nénʉ́, á gẅie à gẅiin legyè, aa pé’e ńgwɔ́ wɛ̌? Aa gẅie tá fà’ ge gÿo gwaa gʉa, é gɔɔn né yé ngie: Afà’ gie mèŋ n nyě mbwo gù á yɔɔn, cʉ́’ ná shúm léjÿó mbwo petsɔ́ megàŋa fà’ á nà fʉ̀’ gie á ne ńzɛ́te.

Matio 25:21

Tá we gɔɔn né yé ngie: Áa mboŋ, ɔ́ɔ ngàŋa fà’ we mbòŋo, ɔ̀ ka gÿo mmó gie n ka ne ńzẅí’te mbwó gù, pá’ ɔ̀ ka pɔ́ɔn mûɔ mémmó mboŋó la, mèŋ n ge cʉ́me shúm mbwó gù tɛ’. Tóo pɔgɔ pú ńkág.

Matio 24:45

Ngàŋa fà’ gẅie à jǔ’, ḿbiŋ ńgẅiin legye à gwá’a la? Aa gẅie tá fà’ we la cʉ́me pʉ̀a pé mbwó yé, pá’ à ge cʉ́’ ná shúm léjÿó mbwó pɔ́b á nà fʉ̀’ gie á ne ńzɛ́te.

Heber 1:1

Á laa tsɔ́ fʉ̀’, e Ssé gɔɔn nò mbwo pà mangʉa njʉ̀’ pégè, á nà mekwò tà ńgyɔ́ɔn, mbɔɔ ná mentí tà ńgyɔ́ɔn. Pú’u, ńcʉa ná pàntsẅì nkʉ̀ pé.

Heber 3:4

Yɛ̌ ndá wɔ́ zɔɔn ńgẅiin nyìŋ gẅie à la kwɛ́, tá nyìŋ gẅie à la gÿo shúm ntsèm aa Ssé.

Ŋwà’ne Ngyà jʉ’ 15:3

Pɔ́ ne ńzɔbɔ mezɔ́bɔ ntse mie, Mǒsê, ngàŋa fà’ Ssé la zɔb, ńgíŋe ńne ńzɔbɔ mie Mûɔ *Njʉ̀njÿò la zɔb, ńne ńgɔɔn tsɛ̀ɛ mɛ̌ mezɔ́b ngie: Cʉ̀apʉ̀a Ssé Ngàŋa tʉ̀ ntsèm, mefà’ mú ée wó tɛ’, mé gyá ḿvege vege. Gù Fùɔ gẅie ɔ̀ sá’a ngwòŋo ngwòŋ. Ammó gie ɔ̀ ka’á légÿo áa ndʉŋ ndʉŋ, ńgwɔ́ nò gie áa nénʉ́.