Heber 3:3 - Nouveau Testament en Ngienboum

³ Á zɔɔn ńgwaa gwɔ́ we legú’ gẅie mé la ná tɔ́gɔ we Mǒsê, á nue nyìŋ kwɛ́ ndá mé gɔ’te ngàŋ ńtɔ́g ndá gie à kwɛ̌.

Heber 3:3 Referans Kwoze

1 Korento 3:9

Á nue peg puté ńně fa’a pɔ́ fà’a Ssé. Pi gwɔ́ nká’ Ssé, ńgíŋ ńgwɔ́ ndá gie Ssé ne ńkwɛ́ɛ.

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.

Kolosia 1:18

Ye zɔɔ twó nà mbùm nnɛ́ gie áa cú’tè pʉ̀a pé. Legwɔ́ wó we sẅé à zye pɔ́ ná yé, aa ndùŋ mvfò nyìŋ gẅie à la kwé ḿbiŋ ńzím, pú’u ńzsé ngie yé zɔ ge gwɔ́ ndùŋ mvfò ná kɔ̀ɔkɔ́ɔ.

Matio 16:18

N ge ké gíŋe shwóŋó ɔ́, kwà’ nénʉ́, ngie: Ɔ̀ɔ Piɛ, ńdɔgɔ ngie tóon, mèŋ n ge gÿo tÿɔ́gɔ cú’te pʉ̀a pɔ́ɔn ndùm tóon ŋwɛ́. Tà mbɔɔ legwé lelá’ ńku’u lénʉ’te yɛ̌ cú’tè wɔ́.

2 Korento 3:7

Pi giŋé ne ńzsé gí pá’ nò *lepʉ̌ á laa pú’u. Mé la ŋwe’e nà tǎfelé tóon, é gÿo mé kwé kwě. Tá’ mbɔɔ pú’u, afà’ ná nò *lepʉ̌ ŋwɛ́, gẅiin máamáa shʉ́shÿɔ́g, tà pʉ̀a Israel é té fʉ̀’ʉ lélíe wɛ̌ shʉ́shÿɔ́g nà shÿó Mǒsê wɔ́, mbɔɔ pá’ à lɔ̌ɔn tě ńnéŋe wɔ́.

Heber 3:4

Yɛ̌ ndá wɔ́ zɔɔn ńgẅiin nyìŋ gẅie à la kwɛ́, tá nyìŋ gẅie à la gÿo shúm ntsèm aa Ssé.