Heber 3:2 - Nouveau Testament en Ngienboum

² À la gÿo kɔ̀ɔkɔ́ɔ gie e Ssé la tsɔ́’ɔ yé légwɔ́ gie à ge gÿo, ndʉŋ ndʉŋ pá’ Mǒsê la gíŋe ńgÿo yé pú’u, á nà fʉ̀’ gie à la ne ńdíe pʉ̀a Ssé.

Heber 3:2 Referans Kwoze

1 Timote 3:15

légwɔ́ gie n dɔɔn tè tɔ́g ńtó wɔ́, ɔ̀ tóŋo yɔɔn ŋwà’ne, ńjú’ pá’ pʉ̀a pie e Ssé ee tá wɔ́b gẅiin légiŋ pú’u, á tsɛ̀ɛ cú’tè yɔ́b. Yɛ̌ cú’tè áa ye pʉ̀a Ssé gie ee ntentʉ́. Á tÿɔ́g ntóon gie e tyé ndʉŋ ndʉŋ á nà nò gie áa nénʉ́ tà ńgíŋ ńjÿɔ́’ tsɔ̌.

Efeso 2:22

Pi gí lâ petsɔ́ pʉ̀a, pi lɔg pɔ́ pá’ pi la nnɛ́ ná Kristo, tá ńgwɔ́ tsɔ́ gwǒŋo ndá ŋwɛ́, ńdɔgɔ ńgwɔ́ ndá gie mé ne ḿbwóon, á gwɔ́ jʉ’ gie e Ssé ńnéŋe wó, tá Zẅìge yé zɔ̌ gwɔ́ wó.

Heber 2:17

Á laa pú’u, ńne ńzɛ́te ngie à gʉa nà kɔ̀ɔkɔ́ɔ ḿbú ńgwɔ́ yé pɔ́ pá’ mefɛ́ pé, à cʉa pú’u, à gwɔ́ *nùŋe pwɔ́’ we lÿò gẅie à neŋé ńtsɔ́ɔn mezìŋe pʉ̀a, ńzsé yé pɔ́ ndà’ léfa’a mbwo Ssé, légwɔ́ gie à ge gÿo e Ssé lege mefʉa pʉ̀a mesoŋ.

Ŋwà’ne Jâŋ 17:4

N ka gÿo mé gyá legú’ gù ndùmo ssé tsetsá’. Mèŋ m magá fà’ gie ɔ̀ ka náa mbwo mèŋ.

1 Timote 1:12

Mèŋ sǐe Cʉ̀apʉ̀a wege Yěsô Kristo pá’ à la náa wɔ̀ɔn metʉ̀ á lélɔg fa’a fà’ yé. Mèŋ sǐe yé pá’ à la gyá ngie mèŋ n ku’u we nyìŋ, ńtsɔ́’ɔ wɔ̀ɔn ńdɔg ńgÿo ngàŋa fà’ we.

Ŋwà’ne Jâŋ 15:10

Pi lɔɔn ńkú’te mbʉ̌ mɔ́ɔn, mbà mèŋ n ge ne kwoŋo gẅi kwoŋ. Ndʉŋ ndʉŋ pá’ mèŋ n da kú’te mbʉ̌ Tá wɔ̀ɔn á piŋ ne ńkwoŋo wɔ̀ɔn kwoŋ.

Ŋwà’ne Jâŋ 8:29

Nyìŋ gẅie à la túmo wɔ̀ɔn, peg yé zɔ gwɔ̌, à kaa nyé wɔ̀ɔn gílé mèŋ wɔ́, mélà’mie mèŋ n gee fʉ̀’ʉ kɔ́ wɔ́, ńgÿo pɔ́ mmó gie á poŋo yé.

Ŋwà’ne Jâŋ 7:18

Nyìŋ lɔɔn ne ńgɔɔn nò, ńgwɔ́ gie á gwɔ́ pɔ́ shwóŋè yé, mbà à fa’a pɔ́ we legú’. Tá ńgwɔ́ gie nyìŋ lɔɔn ne fa’a legú’ nyìŋ gẅie à ně ńtúmo yé, mbà ngàŋ shwóŋó nò nénʉ́, atsɔ́ nò nŋwɔ́’te ŋwɔ’té té ná yé wɔ́.