Heber 3:12 - Nouveau Testament en Ngienboum

¹² Pú’u la, mbà mefɛ́ pɔ́ɔn, pi laga twó gí, tà ntʉ́m tsɔ̌ nyìŋ gẅi é le tiŋ ndʉ̀’ á fó ná Ssé gẅie aa ńgwɔ́ pɔ́ wó ńzyɛ́b ntʉ́m wé wɔ́.

Heber 3:12 Referans Kwoze

Heber 12:25

Pú’u la, pi pɔ́ɔn le lʉ’ʉ lézẅí’te nò gie á kẅɛɛ ncwò nyìŋ gẅie à ne ńgɔɔn nò mbwo pi, á nue á lɔɔn ńgwɔ́ gie mé la néŋ ntsaŋ twó pʉ̀a pie pɔ́ la lʉ’ʉ lé jú’u nò gie Mǒsê laa ndùmo ssé tsetsá’ ńne ńkága tuŋó yɔ́b mǒ, mbà pege lɔɔn ńtém nzèm Ssé gẅie aa tÿǒ lepwó, ńne shwóŋó wégè nò, mbà á ge gǎ tá pege e le kú pɔ́ ngɔ́’ gie e tɔ́g yɛ̌ wɔ́.

1 Korento 10:12

Pege fǒ ná yɔɔn nò ńjú’ ngie lenyě ńgee ge ńzɔb, à tè poŋ

Heber 10:38

Awɔ̀ɔn nyìŋ gẅie n gyǎ ngie aa ndʉŋ ndʉŋ mvfò mèŋ, ge gwɔ gwɔ́ wó, éfó ná pá’ à zǎb ntʉ́m ná mèŋ. Tá ńké ńgwɔ́ gie à lɔɔn ḿbiŋ nzèm, anò yé le gíŋe ḿboŋo wɔ̀ɔn mɔ́.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

Heber 3:10

Áa mmó gie á la gÿo anò yɛ̌ kwò pʉ̀a mesoŋ pÿɔ́gɔ wɔ̀ɔn. Tà mèŋ n gɔɔn ngie: Pɔ́ ée fʉ̀’ ntsèm ntʉ́m wɔ́b fó ná mèŋ ńzyɛ́bɛ zyɛ́bɛ. Pɔ́ la lá’ tè lɔgɔ tsɔ̌ tà’ ná menò mie n da ne ńtsẅii mbwo pɔ́b, ńtóŋo tsɔ́ nò wɔ́.

Malékuse 13:33

Pi ké ńdaga twó gi, tà pi gwá’a lÿɔg, ńdyé. Á nue pi tè ne ńzsé fʉ̀’ gie mɛ̌ menò ge gÿo tó wɔ́.

Matio 24:4

Yěsô tsɔ́’ɔ mbwó pɔ́b ngie: Pi laga twó gí, ḿbɔ́ɔn nyìŋ léfʉ gẅí.

Malékuse 13:9

Tá’, kwà’ pi máŋwɛ́ cwoŋo ńjú’ gí nò gie á ge gÿo tóo ná pi. Mé ge gÿo lɔgɔ gẅi gʉa jʉ’ gie mé tsɔ́’te ntsaŋ wó, é cúa gẅi mbɔɔ tsɛ̀ɛ *mendá cú’tè pà Yuda, é lɔgɔ gẅi gʉa mvfò megúmnɔ́ɔn pâ mefùɔ melá’ mɔɔn, tá à leen ńké ńnáa gẅi shÿɔ́g lélɔg shwóŋó nò yɔ́ɔn mvfò pɔ́b.

1 Tesalonika 1:9

Mé ńnéŋe shwóŋ ntí gie pi la lɔg ńkúe wég, á fʉ̀’ gie peg la tóo tsetsɛ̀ɛ pi, mbɔɔ ntí gie pi la lɔg ńtém nzèm shúm sie mé gu’te ngie ée messé, ésele nnɛ́ ńdíe Ssé ye nénʉ́, ńcʉ́’ʉ fa’a pɔ́ mbwo yé gẅie aa ntentʉ́.

Roma 11:21

Á nue á lɔɔn ńgwɔ́ gie e Ssé la kɔ́’ kwà’ mbwó yɛ̌ tÿǒ ńgwá’, mbà à lɔɔn ńgwɔ́ á gíŋe ńkɔ́’ɔ gú jú pɔ́ pú’u.

Lukase 21:8

Á tsɔ́’ ngie: Pi laga twó gí, ḿbɔ́ɔn nyìŋ léfʉʉ gẅí. Á nue pʉ̀a tà ńgyɔ́ɔn ge gÿo tÿɔ́g lezíŋ sɔ́ɔn mvfò, wɔ̌wɔ́ɔ ná pɔ́b wɔ́ gɔɔn ngie aa *Nzà’nkÿo, afʉ̀’ ku’ú. Pɔ́ lɔɔn ńgɔɔn pú’u, tà pi mɔ́ɔn tà ńcʉ́me nzèm pɔ́b.

Malékuse 13:23

Tá á ké ńgʉa ná pi, mbà mèŋ n kě ńtʉ́ njÿó shwóŋó gẅi nò gie á ne ńtóo, pi laga twó gí.

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

Heber 3:19

Pege lɔgɔ ńgyá ngie pɔ́ la tè kúu tsɛ̀ɛ sẅétè gie e Ssé la ka’a mbwo pɔ́b wɔ́, mélà’mie pɔ́ la tè jú’u nò gie à gɔ̌ɔn, ńzẅíŋ wɔ́.

Heber 9:14

Á lɔɔn ńgwɔ́ gie á laa pú’u, mbà ngʉ̀a shÿɔ́’ɔ ná pá’ metse Kristo ge gwɔ́? Á Kristo gẅie Zẅìge tèmì la gÿo, á lɔgɔ twó yé ńnuŋe pwɔ́’ gẅie *lɔ̌’ té mǒ wɔ́, á mvfò Ssé. Metse mé ge lá’ sɔg ncÿǒ mefà’ mie é náa pɔ́ legwé gẅie ée ná pege tà ntʉ́m wégè é le gíŋe ńŋaga wégè wɔ́, légwɔ́ gie pege ge fa’a mbwo Ssé gẅie aa ńgwɔ́ pɔ́ wó.

Heber 10:31

Ammó gie ńgwɔ́ nyìŋ ńnéŋe ḿbɔ́g tɛ’, aa légwe ntsaŋ á mvfò Ssé gẅie aa ńgwɔ́ pɔ́ wó!

Heber 12:22

Tá á ké ńgʉa ná pi, mbà pi ka sẅɛ’te nnɛ́ ńtóo lekwɔ’ɔ́ Sioŋ, á lɔgɔ ńgwɔ́ tÿǒsoŋo ye Ssé gẅie aa ńgwɔ́ pɔ́ wó, á Yerósalem gẅie aa tÿǒ lepwó, á jʉ’ gie *mecÿɔ́’ Ssé tè sǎŋ ńzsé nzẅìŋ cú’te wó tsɛ̀ɛ lekág.