Heber 2:6 - Nouveau Testament en Ngienboum

⁶ Tsɔ̌ nyìŋ la zɔɔn ńŋwe’e mmó ná yɔɔn nò á tsɛ̀ɛ tsɔ́ jʉ’ʉ ŋwà’ne Ssé ngie: E Ssé, nyìŋ mesoŋ aa pá’ɔɔn ńgwɔ́ kɔ́ tà ɔ̀ ńnéŋe ńkwaŋte yé? Múɔ gẅie nyìŋ mesoŋ zyě á gwɔ́ kɔ́ tà ɔ̀ ńnéŋe ńtÿɔ́’te yé?

Heber 2:6 Referans Kwoze

Heber 4:4

Mé la gɔɔn nò tsɛ̀ɛ tsɔ́ jʉ’ʉ ŋwà’ne yé, ńtí lyɛ’ɛ́ lá’ mbɔ́ɔntè sɔɔn mbʉ́a ngie: E Ssé la fa’ mefà’ mé ntsèm, ńzẅɛte nà lyɛ’ɛ́ lá’ mbɔ́ɔntè sɔɔn mbʉ́a.

1 Piɛ 1:11

Pɔ́ la kag tʉ̀ lézsé fʉ̀’ʉ njÿó, mbɔɔ mmó gie á ge lá’ cʉa tá mmó gie Zẅìge Kristo la ne ńda’te wɔ́b à gÿo. Yɛ̌ Zẅìge gie á laa ná pɔ́b, la zɔɔn ńtʉ́ njÿó ńne ńda’te wɔ́b ngʉ̀ngʉ̀ gie Kristo ge gÿo gyá tà mbɔɔ legú’ gẅie à ge lá’ pɔ́ɔnte ngʉ̀ngʉ̀ ye ŋwɛ́.

Lukase 7:16

Alá’ gie á laa ssé la gyá, ecÿɔ’ gwoon wɔ́b métsèm, pɔ́ gu’te Ssé, ńgɔɔn ngie: Máamáa *ntsẅì nkʉ̀ Ssé tǒ lá’ peg, e Ssé tǒ ńkẅéte pʉ̀a pé.

Heber 5:6

Á gíŋe ńgwɔ́ pɔ́ ndʉŋ ndʉŋ pá’ à la gíŋe ńgɔɔn tsɔ́ jʉ’ ngie: «Ɔ̀ɔ nùŋe pwɔ́’, tà ké lá’a gwɔ́ pɔ́ wɛ̌, á nà ntí gie Melekisedeg la gwɔ́ yé».

Lukase 1:78

mélà’mie à ne ńdíe wégè mboŋó, ḿbiŋ ne ńtsɔ́ɔn mezìŋe mégè tɛ’. À ge túmo Nyìŋ gẅie à ge gÿo pege gwɔ́ wó, angàŋ fó tÿǒ ńtó ńgwɔ́ nkà’,

Lukase 1:68

Pege zɔb ntse ńgú’te Cʉ̀apʉ̀a Ssé pà Israel, à tǒ ńkẅéte pʉ̀a pé, ńcu’u wɔ́b ndá nkwɔ̀ɔn.

1 Tesalonika 4:6

Tá á gʉa nà nò manzwě, tà nyìŋ gÿo nò tepòŋ ná fɛ́ we, tà á zɔɔn fó fʉte yé fʉte, mélà’mie Cʉ̀apʉ̀a wege ge lá’ néŋ ngɔ́’ twó pʉ̀a pie pɔ́ gÿo pú’u. Peg la lá’ shwóŋó gẅi tà shwóŋ.