Heber 2:4 - Nouveau Testament en Ngienboum

⁴ E Ssé gíŋ ńtóonte wɔ́b á nà nò gie pɔ́ ne ńgɔɔn, ńcʉa nà meliŋé, pâ menò mmɔɔn mmɔɔn, pâ mendàa gyá mentí mentí, ńgíŋ ńcʉa nà mefà’ mie à zába na we lekwoŋ ngie Zẅìge Ndʉalʉ̌a ge cÿó gʉm pʉ̀a pɔ́ ku’u léfa’.

Heber 2:4 Referans Kwoze

Megàŋ ntúm 14:3

Tá ńgÿo pɔ́ lêkɔ́ wɔ́, Pɔl pɔ́ Panebâse zye ńnéŋe Ikonium, ńtÿɔ́g pɔ́ Cʉ̀apʉ̀a mvfò, ńne shʉ̀ashʉ̀a ńgɔɔn mbwo pʉ̀a ngie Cʉ̀apʉ̀a à kwoŋo wɔ́b. Cʉ̀apʉ̀a gíŋe ne ńcʉa ná menò mmɔɔn mmɔɔn mie à lɔgɔ wɔ́b ńgÿo, ńnyɛɛ ngie anò gie pɔ́ gɔɔn ná pá’ Yěsô ne ńcÿo gem pʉ̀a, áa nénʉ́.

Efeso 1:5

ńzáb tà tyě sǎg tɛ’ ngie à ge cʉa ná Yěsô Kristo é gÿo pege cʉ́’ púɔ pé. Á gwɔ́ pɔ́ we lekwoŋ, ńké ḿboŋo yé tɛ’.

Malékuse 16:20

*Ngàŋa kwò Yěsô fó jʉ’ó, ńgʉa, ńzye léshwóŋó nò Ssé jʉ’ ntsèm. Cʉ̀apʉ̀a ne ńdíe wɔ́b, ńkẅéte wɔ́b, ńtóonte wɔ́b, pɔ́ gÿo menò mmɔɔn mmɔɔn, mie é nyɛɛ ngie shwóŋè yɔ́b fóo mbwo Ssé.

Ŋwà’ne Jâŋ 4:48

Yěsô gɔɔn né yé ngie: Pi lɔɔn tè gyá menò mmɔɔn mmɔɔn mie é lá’te metʉ̀ Ssé wɔ́, láa menkʉ̀’ʉ nò wɔ́, pi le lá’ ńzáb ntʉ́m ná mèŋ wɔ́.

Ŋwà’ne Jâŋ 15:26

Antàg Nzèm gẅie mèŋ n ge gÿo fó lejʉ́ŋ Tá wɔ̀ɔn túmo mbwo pi, áa Zẅìge gie á fóo mbwo Tá wɔ̀ɔn, á la’te nò nénʉ́. Yé zɔ ge gÿo shwóŋó nò gie à zsé ná mèŋ.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

Megàŋ ntúm 4:10

Pi metsèm tà mbɔɔ pà Israel tà ḿmag, á ké ně ńzɛ́te ngie pi zsé tà’a nò. Yɛ̌ nò gwɔ́ ngie peg ka lɔg pɔ́ lezíŋ Yěsô Kristo mûɔ Nǎzarɛd tá ńgÿo nyìŋ wɔɔn gwɔ́ ntentʉ́ pá’ pi gyá lɔɔn. Á Yěsô Kristo wa gẅie pi la kime ye nà tÿǒ nkǐ lá. E Ssé kéen ńgÿo á zíme nà legwé.

Malékuse 6:14

À yɔɔn nò gÿo lezíŋ Yěsô sa jʉ’. Fùɔ *Herôd jú’ yé pá’ mé ne ńgɔɔn menò mie Yěsô ne ńgÿo, tsɔ́ pʉ̀a ne ńgɔɔn ngie Yěsô ŋwɛ́ ge gǎ wɔ́, é gwɔ́ Jâŋ Mbabtis, mbà à zǐm! Áa mmó gie á gÿo tá á ku’u légÿo menò mmɔɔn mmɔɔn.

Megàŋ ntúm 5:32

Peg gɔɔn pá’ɔɔn ńgwɔ́ pàjÿó ńgyá nà mɔɔn menò. À Zẅìge Ndʉalʉ̌a gie Ssé ne náa mbwó pʉ̀a pie é ne ńjú’u ncwò wé zɔ̌ tsóte weg légɔɔn.

Efeso 4:7

Á ké ńgʉa nà wɔ̌wɔ́ɔ tsetsɛ̀ɛ pege, mbà Kristo la lɔgɔ fù’ ńcÿó gʉm wɔ̌wɔ́ɔ á nà ntí gie yé Kristo kwoŋ.

Heber 6:4

Mé gẅiin lényé nue pʉ̀a pie e Ssé gÿo, pɔ́ gyá jʉ’ʉ fɔ̌g, ńgÿo ńtém nzèm Ssé, á tʉ pá’ à lɔɔn ńgwɔ́ nyìŋ shwóŋó wɔ́b nò tà pɔ́ gíŋe ḿbiŋe mbwo Ssé. Mé gɔɔn pʉ̀a pá’ pie pɔ́ la zẅí’i mmó gie e Ssé fǒ tÿǒ lepwó ńná pɔ́ sẅɛ̀ɛ sẅɛ̀ɛ. E Ssé náa Zẅìge Ndʉalʉ̌a né pɔ́b, pɔ́ zẅí’i shwóŋè Ssé tà ńjú’ pá’ á poŋ pú’u, ńgíŋ ńzsé mbɔɔ pá’ metʉ̀ mie é ge lá’ tá tó ée pú’u. Pɔ́ lɔɔn ńkÿo Ssé, mbà á tʉ pá’ à lɔɔn ńgwɔ́ mé gÿo tà pɔ́ gíŋe ḿbiŋe mbwo Ssé, mélà’mie pɔ́ lɔgɔ légÿo pú’u, ńgíŋe ńkíme Míŋ Ssé nà tÿǒ nkǐ, ńtsɔ́’ɔ yé ńtÿɔ́g mé zoonte yé.