Heber 13:3 - Nouveau Testament en Ngienboum

³ Pi kímte pʉ̀a pie pɔ́ ée ndá tsǎŋ tà à gwɔ́ pɔ́ pá’ fʉ̀’ gie pia pɔ̌ zɔ puté ńgwɔ́ ndá tsǎŋ la, ńkímte mbɔɔ pʉ̀a pie mé ne ńnyɛɛ wɔ́b ngɔ́’ pɔ́ pá’ fʉ̀’ gie mé nyɛɛ pɔ́ gẅi ngɔ́’ la.

Heber 13:3 Referans Kwoze

Matio 25:36

N daa tè nzsǒ pi ná nzsǒ, m ma’. N da ne ńguɔ, pi tó fóŋo wɔ̀ɔn. N daa ndá tsǎŋ, pi tó ńdíe wɔ̀ɔn.

Heber 10:34

Megàŋa tsǎŋ la ne ńgyá ngɔ́’, pi kú gí nùɔ pɔ́b. Afʉ̀’ gie mé la gwoon shúm sí ńkẅé, pi lɔg pɔ́ lekág ńzẅíŋ mé kẅé, á nue pi la ne ńzsé ngie pi gẅiin tsɔ́ shúm é gwɔ́ sie é poŋ ńcʉa sɛ̌ ḿbiŋ ńgwɔ́ sie é ge lá’a gwɔ́ pɔ́ wó.

Roma 12:15

Pʉ̀a lɔɔn ne ńkága pia pɔ̌ pú ńkág, ńne ńdʉa pia pɔ̌ pú ńdʉa.

1 Korento 12:26

Tá ńgwɔ́ gie tsɔ́ kème mbùm nnɛ́ lɔɔn ne ńgyá ngɔ́’, metsɔ́ mekèm mbùm nnɛ́ gíŋ ńgyá yɔ́b ngɔ́’ pɔ́ pá’ yɛ̌, ńgwɔ́ gie mé lɔɔn ne ńnáa mekù’ tsɔ́ kème mbùm nnɛ́, metsɔ́ mekèm mbùm nnɛ́ gíŋ ńkág yɔ́b pɔ́ pá’ yɛ̌.

Kolosia 4:18

Pi gyá tsyɛ̀’te gie mèŋ Pɔl n dɔgɔ́ kwà’ pwó yɔ́ɔn ńŋwé’e. Tà pi lege ngie mèŋ n gee ndá tsǎŋ. E Ssé ne ńgwɔ́ né pi metsèm!

1 Piɛ 3:8

Mèŋ n ge gwaa cʉ́me, é gɔɔn fʉ̀’ɔɔn mbwo mânyìŋ ntsèm ngie, pi gẅiin tà’ ncwò, nyìŋ gẅi gyá nò nyìŋ pá’ yé, ńgwɔ́ ngàŋa tsɔ́ɔn mezìŋe, ńgẅiin nkwòŋe mefɛ́ mefɛ́, ńná nnɛ́ ssé.

Matio 25:43

N daa ngʉ̀, pi tè wɔ̀ɔn kúe. N daa tè nzsǒ, pi tè ná nzsǒ mèŋ m ma’ wɔ́. N da ne ńguɔ, ńgíŋe ńgÿo ńgwɔ́ ndá tsǎŋ, pi tè wɔ̀ɔn líe.

Megàŋ ntúm 24:23

ńgɔɔn pú’u, ḿbiŋ ńtsẅii mbwo tándá ncù ngie à lɔ́gɔ Pɔl ńgʉa ńde’e yé ndá tsǎŋ. Tè ke ńkwɛ́ɛ yé. Tè ke ńtɔ’ meshǔ pé létó ńkẅéte yé.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Megàŋ ntúm 27:3

Njÿó gÿó ńgwaa lʉ́a, peg gwɔ́ Sidoŋ. Julius gẅiin ntʉ́m mbòŋo ná Pɔl tà ńnyé yé ngie à gʉa ńgúɔ meshǔ pé. Pɔ́ kú, ńkẅéte yé.

Heber 11:37

ńtóo nà tsɔ́ pʉ̀a mé lɔg metóon ńtémte wɔ́b ńzẅé, ńtóo nà tsɔ́ pʉ̀a, ńdɔgɔ sɔ̌ shʉ́ʉ wɔ́b ńzá’, ńtóo ná tsɔ́ pʉ̀a, ńdɔg nně ncù ńgwaa wɔ́b. Etsɔ́ pʉ̀a cʉ́’ pà tè ndá, ḿma’ *mengùb *njʉ̀njÿò lâ *mengùb mvfó, atsɔ́ lága mmó té nyé ńgwɔ́ mbwo pɔ́b wɔ́, me nẅɛɛ wɔ́b, ńnyɛɛ wɔ́b ngɔ́’.