Heber 13:2 - Nouveau Testament en Ngienboum

² Tà pi lege lékúe megʉ̀ pie é tǒ mbʉ̀a pi, etsɔ́ pʉ̀a la lá’ ńkúe megʉ̀ kǔe, tà ńdá’a lyɛ̌’ ńkúe *mecÿɔ́’ Ssé té zsé.

Heber 13:2 Referans Kwoze

Matio 25:35

Á nue, nzyè la ne ńgyáŋa wɔ̀ɔn, pi náa mmó m pfɛ́, àgág yɔ́ɔn ne shÿó, pi ná ntse n nú, n daa ngʉ̀ pie kúe wɔ̀ɔn.

Roma 12:13

Ammó lɔɔn ńzága mbwo mefɛ́ pi pʉ̀a Kristo, pi kẅéte wɔ́b. Pi ńnéŋe ńkúe pà túm mboŋó.

1 Piɛ 4:9

Pi kúe mefɛ́ pi tsetsɛ̀ɛ pi á tsɛ̀ɛ mendá mí té ne ńzẅɛ́te.

Matio 25:43

N daa ngʉ̀, pi tè wɔ̀ɔn kúe. N daa tè nzsǒ, pi tè ná nzsǒ mèŋ m ma’ wɔ́. N da ne ńguɔ, ńgíŋe ńgÿo ńgwɔ́ ndá tsǎŋ, pi tè wɔ̀ɔn líe.

Titus 1:8

Á zɛ́te ngie à gwɔ́ nyìŋ gẅie á kúe megʉ́ mboŋó, ńgwɔ́ nyìŋ gẅie à neŋé ńkwoŋ yé pɔ́ menò mie ée mbòŋ. Á zɛ́te ngie à gwɔ́ nyìŋ gẅie à sáŋa nò tá ńgÿo, à gwɔ́ nyìŋ gẅie à gÿo menò mie é tyé ndʉŋ ndʉŋ, ńgwɔ́ nyìŋ gẅie mà we poŋ Ssé, ńgwɔ́ nyìŋ gẅie à zsé lékú’te mbùm ye.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

1 Timote 5:10

Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

Roma 16:23

Gaẅis gẅie à kúe wɔ̀ɔn, à tsyɛ’té gẅí, àcú’tè pʉ̀a Kristo áa ndá yé. Eraste, gẅie aa tÿǒsoŋ ńgwɔ́ ndè’e nkáb, mbɔɔ fɛ́ wege Kartẅis pɔ́ pǔ ńtsyɛ’te gẅí. [

Megàŋ ntúm 16:15

Mé pɔ́ɔnte ḿbú ńnu’u wɔ́ba ngẅɛ̀ ndá yé ntse. Á pɔ́ɔnte ńgwɔ tóŋo wég mbʉ̀a yé ńgɔɔn ngie: Peg lɔɔn ńgyá yég ngie à zẅiŋé nò Cʉ̀apʉ̀a tà shwóŋó nò, peg tó ńtsẅé mbʉ̀a yé, ńgɔɔn pú’u, ńtsóte wég tsóte lézẅíŋ.

3 Jâŋ 1:5

Ashǔ wɔ̀ɔn we tʉ̀ nzẅìŋ, ɔ̀ zsé jú pɔ́ ndà’ Kristo, ɔ̀ kẅéte mefɛ́ mefɛ́ tà mbɔɔ pie é gwɔ́ pɔ́ megʉ̀.