Heber 11:1 - Nouveau Testament en Ngienboum

¹ Lezǎb ntʉ́m nà Ssé, aa lecwoŋo ńzsé mboŋó ngie, ammó gie mé ne ńzẅí’te ngie e Ssé ná, à ge lá’ ná, ńgíŋ ńgwɔ́ lécwoŋo ńzsé ngie, eshúm sie mé té ne ńdɔgɔ nÿɔ́g ńgyá wɔ́ kwà’ ńgwɔ́ wɔ́.

Heber 11:1 Referans Kwoze

2 Korento 5:7

Á lɔgɔ ńgɔɔn ngie pege nyě tè lɔg nÿɔ́g mégè ńgyá yé. Tá’, pege neŋé ne ńzẅí’te pá’ɔɔn, mélà’mie pege záb ntʉ́m ná yé.

2 Korento 4:18

Peg tè ne fa’a pɔ́ mmó gie mé lɔg menÿɔ́g ńgyá wɔ́, peg ne fa’a pɔ́ gie mé té ne ńgyá lê nÿɔ́g wɔ́. Á zɔɔn ńgwaa wɔ́, ammó gie mé lɔgɔ nÿɔ́g ńgyá á té ńnéŋe tɛ’ wɔ́, tá gie mé té lɔg nÿɔ́g ńgyá wɔ́, áa ńdá’a ńgwɔ́ pɔ́ wó.

Heber 11:7

Á la fó pɔ́ ná pá’ Noah zǎb ntʉ́m wé nà Ssé, à tè lɔgɔ mmó gie Ssé tʉ̌ njÿó ńnyɛɛ yé, ńdɔg ḿma’a kwàŋ wɔ́. À piŋ ńgwɔ́ mmó gie mé la nyé tè gyá. Áa yɛ̌ Noah kwóon *máamáa kanú’, lélɔg ńgÿo ngẅɛ̀ ye kúu tsoló ńtẅɛ́, ńdɔg pú’u, ńnyɛ ngie ntsaŋ ee twó petsɔ́ pʉ̀a, tá mbà á gʉa ná yé, á fó ná pá’ à zǎb ntʉ́m wé nà Ssé, e Ssé cʉ́’ ńdíe yé pɔ́ pá’ nyìŋ gẅie aa ndʉŋ ndʉŋ mvfò yé.

Heber 10:22

Pú’u la, pege gwɔ́ sẅɛ’te nnɛ́ nê lejʉ́ŋ Ssé, ńgẅiin ntʉ́m gẅie ée nénʉ́, ḿbiŋ ńzáb ntʉ́m nà Ssé kwà’ mboŋó, á nue Yěsô ka lɔg metse mé ésɔg letʉ́m ségè tà é té gíŋe ńne ńŋaga wégè wɔ́, à ka lɔg ntse gẅie é ne ńdʉ́a ésɔg mbùm yege.

Heber 11:27

Á la fó pɔ́ ná pá’ à la záb ntʉ́m wé nà Ssé, tá fùɔ Egipto tsɛ ne ńgyáŋa lóŋ, á fó wó ńkẅɛ ńgʉa té pɔ́gɔ mmó gie à lɔɔn ńgwɔ́ á gÿo ná ye. Letʉ́m sé e tʉte tʉte, á nue á la gwɔ́ pɔ́ pá’ fʉ̀’ gie à ne ńdɔgɔ nÿɔ́g ńgyá Ssé gẅie ńgwɔ́ nyìŋ á le yé gyá.

Heber 6:12

Tà pi cʉ́’ melǒŋ. Tà ńcʉ́’ pú’u, pi pí fʉ̀’ ná pʉ̀a pie pɔ́ lɔgɔ lézáb ntʉ́m nà Ssé mbɔɔ lé zẅí’te té kʉ́a, ńkẅé mmó gie e Ssé la ka’a lénáa mbwo pɔ́b.

Heber 10:39

Tá á ké ńgʉa ná pege, mbà pege tè ntí pʉ̀a pie pɔ́ piŋe nzèm, ńkúu pyé wɔ́. Pege ee pá’ɔɔn ńzába ntʉ́m nà Ssé, à cʉa pú’u, à gÿo ńgÿo pege tsẅɛ́.

1 Korento 13:13

Pege lɔgɔ pá’ɔɔn ńgyá ngie eshúm sie é ge lá’a gwɔ́ pɔ́ wó ée sétá: Wɔɔn aa lezǎb ntʉ́m nà Ssé, wɔɔn gwɔ́ léńnéŋe ńně ńzẅí’te mmó mbwo Ssé, ńgÿo lékwoŋo nyìŋ mesoŋ. Tá’, atwó ye lÿò nà shúm sɔɔn sétá à gwɔ́ pɔ́ lekwoŋo nyìŋ mesoŋ.

Heber 11:13

Pɔ́b metsèm la gwaa kwéte ńne ńzába ntʉ́m wɔ́b pɔ́ nà Ssé, ńké nyé pɔ́ tè gẅiin mmó gie e Ssé la ka’a mbwo pɔ́b. Tá pɔ́ la ké ńtyé ńgyá pá’ á nyé ngʉ̀a shʉ̀shʉ̀a, anò poŋo wɔ́b tɛ’, pɔ́ shʉa shʉa ńgɔɔn ngie pɔ́ ée ndùmo ssé tsetsá’ ńgwɔ́ pɔ́ megʉ̀, ḿbiŋ ńgwɔ́ pɔ́ legúɔ.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

2 Korento 5:17

Nyìŋ gwɔ̌ tá ńda nnɛ́ ná Kristo, ńcʉ́’ ńgwɔ́ pɔ́ nyìŋ we sẅé, ńgwɔ́ tsɛ̀ɛ ntʉ́m yé à tè gíŋe ńgwɔ́ pá’ à ka zɔɔn ńgwɔ́ wɔ́, mbà à zyě léńnéŋe we sẅé.

2 Piɛ 1:1

Aa mèŋ Símo Piɛ, nyìŋ gẅie à fa’a fà’ Yěsô Kristo, ńgíŋ ńgwɔ́ ngàŋ ntúm we. Mèŋ n náa yɔɔn ŋwà’ne mbwo pi pie pi la záb ntʉ́m ná Yěsô Kristo pá’ peg yég. Lezǎb ntʉ́m ná Yěsô Kristo áa mmó tʉ̀ nzẅìŋ mbwo pi mbɔɔ mbwo peg yég. Yěsô Kristo yé maŋwɛ́ zɔ la gÿo pú’u, né pege, á nue à gÿo mmó nà wɔ̌ɔwɔɔ pɔ́ ndʉŋ ndʉŋ. Aa Ssé yege, ńgwɔ́ nyìŋ gẅie á gÿo pege tsẅɛ́ɛ.

Megàŋ ntúm 20:21

ńdɔg pú’u, ńtóŋ pà Yuda, mbɔɔ pʉ̀a pie é té pà Yuda wɔ́, ńgie pɔ́ sele nnɛ́ ńcʉ́me nzèm Ssé, ńzáb ntʉ́m ná Cʉ̀apʉ̀a wege Yěsô.

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

Heber 2:3

Pá’ á laa pú’u la, pege lɔɔn ńgwágte nò ná máamáa nò gẅie aa pá’ e Ssé la gÿo pege tsẅɛ́, e Ssé gǎ tà ńnyé wégè? Cʉ̀apʉ̀a Yěsô lê twó yé la vɔg ńzye létsẅii yɛ̌ nò. Epʉ̀a pie pɔ́ la jú’u ncwò yé, gÿo ńkwa’ shwóŋó wégè ngie aa kwà’ máamáa nò.

2 Korento 11:17

Pá’ á gwɔ̌ légwɔ́ gie mèŋ n ge ka’te la, ammó gie n gee ńgɔɔn fʉ̀’ɔɔn, n tě ge gɔɔn ná ntí gie Cʉ̀apʉ̀a ne ńkwoŋo wɔ́. N ge gɔɔn pɔ́ pá’ fʉ̀’ gie n kwǎ’ ḿbʉ́a la.

2 Korento 9:4

á nue pega tsɔ́ pʉ̀a Makedonia lɔɔn ḿbú ńtó, ńké tè gyá pi tyé lénáa mmó wɔ́, mbà le gwɔ́ gie peg ka la’te mmó gie pi tyé légÿo, tà peg tè mʉ́’te, ge sele gÿo éshʉ́ kúu wég. Egẅí piŋ ńcʉa wég.

Heber 3:6

Tá á gʉa ná Kristo, á gwɔ zsé yé pɔ́ ndà’ mmó gie e Ssé la gɔɔn ngie à gÿo wɔ́, ńgwɔ́ múɔ ndá, gẅie mé la tÿɔ́gɔ yé pá’ à ge sá’ pʉ̀a Ssé. Epʉ̀a Ssé lɔgɔ ńgwɔ́ pɔ́ wégè, pá’ pege lɔɔn ńkú’te mmó gie pege la zẅíŋ tà pege tè mʉ́’te, ńgíŋ ńnéŋe ńne ńdɔgɔ pɔ́ ka’te ńzẅí’te mmó gie e Ssé la ka’a mbwo pege.