Heber 1:9 - Nouveau Testament en Ngienboum

⁹ Ɔ̀ kwoŋo nò gie á tyé ndʉŋ ndʉŋ, ḿbʉa gie á té tyé. Áa mmó gie á gÿo me Ssé, mèŋ Ssé jù la zɔ́’ɔ gú ńdɔgɔ gú ńgÿo mmó, mbùm jù poŋo mǒ tɛ’ Mèŋ n da cÿó gʉme jú ńcʉa ye *ngàŋa kwò jú.

Heber 1:9 Referans Kwoze

Galatia 5:22

Tá’, menò mbòŋo mie Zẅìge Ndʉalʉ̌a gÿo nyìŋ gÿo é mɔɔn ńgwɔ́ légẅiin nkwòŋe, ńgwɔ́ léńnéŋe nê lekág, ńgwɔ́ léńnéŋe lésẅete, ńgwɔ́ légẅiin kwɔ́gɔ nnɛ́, ńgwɔ́ létyé lékẅéte pʉ̀a, ńgwɔ́ légẅiin pòŋo ntʉ́m, ńgwɔ́ léńnéŋe té gwɔ́ ngàŋ mepàb,

Roma 15:13

Pú’u, mèŋ n ne ńtsɔ́ɔn ngie e Ssé gẅie yé zɔ gÿo tá mé ńnéŋe ne ńzẅí’te mmó, à cʉa ná pá’ pi záb ntʉ́m ná yé, ńgÿo lekág pɔ́ sẅéte à pú ńjÿó ntʉ́m gẅí, ńzsé ngie Zẅìge Ndʉalʉ̌a ge lɔg metʉ̀ mé é gÿo pi gwɔ́ kwà’ pà ńnéŋe ńzẅí’te mmó gie Ssé la ká’.

Lukase 4:18

À Zẅìge Cʉ̀apʉ̀a áa ná mèŋ, mélà’mie à la zɔ́’ɔ wɔ̀ɔn, ńtúmo wɔ̀ɔn ngie n gʉa, ńtsẅi Nkʉ̀ Mbòŋo á mbwo megàŋ ngɔ́’, ńtúmo wɔ̀ɔn ngie n gʉa ńtsẅii mbwo megàŋa tsáŋa ncù ngie: Mé ge kẅile wɔ́b, ńtúmo wɔ̀ɔn ngie n gʉa, ńgÿo mefʉ̀ menÿɔ́g gyá jʉ’, ngie n gʉa, ńtág nzèm pʉ̀a pie mé ne sẅɛ́ɛ wɔ́b,

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

1 Piɛ 1:3

Pege síe Ssé Tá pà Cʉ̀apʉ̀a wege Yěsô Kristo. À la tsɔ́ɔn mezìŋe mege, ńgÿo mé zyé wégè lezyé se sẅé, ńcʉa ná Yěsô Kristo gẅie à la zíme nà legwé. Á cʉa pú’u, pege ńnéŋe fʉ̀’ ntsèm, ńne ńzẅí’te kwà’ le gwɔ́,

Heber 7:26

À lɔgɔ ńgwɔ́ *nùŋe pwɔ́’ we lÿò gẅie á la ne ńzɛ́te mbwo pege. Àa kwà’ Míŋ Ssé, ńgwɔ́ mbú’ nà kɔ̀ɔkɔ́ɔ, ńgwɔ́ té tsɔ́ nò tepòŋ ná ye, pâ pàgÿo menò tepòŋ té tsɔ́ nò tem, mbà Ssé la ńnéŋe yé tàa tÿǒ tà tsɔ́ mmó té gíŋe ńtɔ́gɔ yé ńgwɔ́ tÿǒ wɔ́.

Filipo 2:9

Áa mmó gie á la gÿo tá e Ssé ńnéŋe yé jʉ’e lÿò, ńná lezíŋ sie é cʉa mezíŋ ntsèm né yé,

Efeso 1:3

!Pege nê ńgu’te Ssé Tá pà Cʉ̀apʉ̀a wege Yěsô Kristo. À la gÿo nò mbòŋo ná pege, ńná shúm mbòŋo ntsèm sie éfóo tàa tÿǒ né pege, ńná pú’u, ńcʉa ná pá’ à la lá’ ńtemte wégè lâ Kristo,

1 Korento 1:9

Yé Ssé gẅie à la tsɔ́’ɔ gẅi pá’ pi ge ńnéŋe fʉ̀’ ntsèm é la nnɛ́ nà Míŋ we Yěsô Kristo gẅie aa Cʉ̀apʉ̀a wege, aa ntě ńka’a mmó gie à ge gÿo ḿbiŋe ńkúbe wɔ́.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

Ŋwà’ne Jâŋ 1:41

Ndeléya ŋwɛ́ gʉa ńnyé té shwóŋó tsɔ̌ nyìŋ, ḿvɔg ńgyá fɛ́ we Símo, ńgɔɔn né yé ngie: Peg gyǎ *Nzà’nkÿo, á lɔgɔ ńgíŋe ńgɔɔn ngie Kristo.

Ŋwà’ne Ngyà jʉ’ 2:15

Etsɔ́ pʉ̀a gíŋe ńgwɔ́ mbʉ̀a pi gí pie pɔ́ ne ńjú’u ndɔgtelé pʉ̀a pie ée nà nùɔ gie mé tóŋo lê Nikolayide.

2 Korento 11:31

E Ssé gẅie aa tá pà Ndè wege Yěsô Kristo, yé Ssé gẅie á ne ńzɛ́te ngie mé gu’te yé té zá’a pàa, à ne ńzsé ngie n tě ńgɔɔn pá’ɔɔn ńdɔgɔ ńcÿɔ nò wɔ́.

Roma 12:9

Pi kwoŋ pʉ̀a mesoŋ pɔ́ lê ntʉ́m gẅi ntsèm. Pi kÿo nò tepòŋ tà fÿɔ́g mekɔ́ɔn, ńkú’te nò mbòŋo tà à tʉ̀.

Megàŋ ntúm 10:38

Pi giŋé ne ńzsé ngie e Ssé la ná metʉ̀ Zẅìge Ndʉalʉ̌a ne Yěsô mûɔ Nǎzarɛd ńdɔgɔ pú’u, ńzɔ́’ɔ yé, ḿbiŋ ne ńtÿɔ́’te yé. Á gʉa jʉ’ ntsèm, ńne ńgÿo menò mbòŋo, ńne ńkẅé pʉ̀a metsèm pie pɔ́ laa megàŋa tsǎŋ nà mbwó Sátà.

Megàŋ ntúm 4:27

Áa kwà’ nò. *Herôd pɔ́ Ponte *Pilato kéen ńcú’te á tsɛ̀ɛ tÿǒsoŋ yɔɔn pâ pàtúm tà mbɔɔ tsɔ́ metsìŋe ndá Israel, ńcú’te pú’u, lélÿɔ́’ɔ Yěsô, á ngàŋa fà’ gù gẅie ɔ̀ la tsɔ́’, ńzɔ́’ɔ yé.

Ŋwà’ne Jâŋ 3:34

Nyìŋ gẅie e Ssé túmo yé, à gɔɔn menò mie é fóo mbwo Ssé, á nue e Ssé gÿo Zẅìge yé gwɔ́ pɔ́ ná yé fʉ̀’ ntsèm.

Heber 2:11

Yěsô gẅie à zɔɔn ńgÿo pʉ̀a ku’u pʉ̀a Ssé mbɔɔ pʉ̀a pie à kéen ńgÿo pɔ́ ku’, pâ pɔ̌ pú ńgwɔ́ pɔ́ pʉ̀a tà’ nyìŋ. Áa mmó gie á gÿo eshʉ́ té kúu yé létóŋo wɔ́b lê mefɛ́ pé wɔ́.

Ŋwà’ne Jâŋ 10:17

Tá wɔ̀ɔn kwoŋo wɔ̀ɔn, mélà’mie mèŋ n náa twó yɔ́ɔn tá gÿo gíŋe kẅé.

Megàŋ ntúm 4:26

Mefùɔ ndùmo ssé tsetsá’ ne ńtáŋte ncù, pàsá’a lá’ gíŋe ne ńcú’te yɔ́b ńtáŋa ngie pɔ́ ge lÿɔ́’ɔ Cʉ̀apʉ̀a Ssé le ncù, mbɔɔ nyìŋ gẅie à la zɔ́’ɔ yé ńdɔg ńgÿo fùɔ

Heber 2:9

Tá’, ammó gie pege ne ńgyá fʉ̀’ɔɔn gwɔ́ pɔ́ ngie Yěsô gẅie e Ssé la sẅé’e yé ńnáa ssé tà *mecÿɔ́’ Ssé cʉa yé méjʉ’, e Ssé lêen ńtɔ́’ɔ cÿɔ́’ɔ lefùɔ twó ye, á gie á gÿo á gẅiin legú’, ḿbiŋ ńnéŋ mekù’ mé, mélà’mie à la zẅíŋe légyá ngɔ́’ tà ńkwé. Yěsô lɔ̌ɔn ńkwé ná twó pʉ̀a mesoŋ metsèm, á fó pɔ́ ná pá’ e Ssé tsɔ́ɔn mezìŋe pʉ̀a tɛ’.