Heber 1:6 - Nouveau Testament en Ngienboum

⁶ Tá á la ké ńgʉa fʉ̀’ gie e Ssé lɔ̌ɔn ńge gÿo Míŋ we gẅie yé zɔɔ twó mvfò nà kɔ̀ɔkɔ́ɔ à tóo tsɛ̀ɛ njÿó, yé Ssé gɔɔn ngie: Á poŋ ngie mecÿɔ́’ pé, yé Ssé, métsèm gu’te yé,

Heber 1:6 Referans Kwoze

Kolosia 1:18

Ye zɔɔ twó nà mbùm nnɛ́ gie áa cú’tè pʉ̀a pé. Legwɔ́ wó we sẅé à zye pɔ́ ná yé, aa ndùŋ mvfò nyìŋ gẅie à la kwé ḿbiŋ ńzím, pú’u ńzsé ngie yé zɔ ge gwɔ́ ndùŋ mvfò ná kɔ̀ɔkɔ́ɔ.

Kolosia 1:15

Mé té gyá Ssé wɔ́, tá Miŋ we gẅie mé lǎ gyá yé à gwɔ́ pɔ́ Ssé tà ḿmag. Yé zɔ tyé twó mvfò ná kɔ̀ɔkɔ́ɔ gie e Ssé la pwóon.

1 Piɛ 3:22

À la kwɔ́’ né tÿǒ lepwó, ńnéŋe nà gwǒŋo pwó Ssé ye tʉ̀. Àa fʉ̀’ɔɔn ńne sá’a *mecÿɔ́’ Ssé ntsèm, ńne sá’a kɔ̀ɔkɔ́ɔ gie á sá’a njÿó, ésá’a metʉ̀ ntsèm mie ée tÿǒ.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Ngyà jʉ’ 1:5

Yěsô Kristo gẅie aa njÿò ńgyá we nénʉ́, ńgwɔ́ ndùŋ mvfò múɔ, ńgwɔ́ ndùŋ mvfò nyìŋ gẅie à la kwé ḿbiŋ ńzím, ńgwɔ́ Fùɔ cʉa mefùɔ pie ée ndùmo ssé tsetsá’, á gíŋe ńne ńgwɔ́ né pi, ńgíŋe ńne ńnéŋe sẅétè ntʉ́m pi. Yé Kristo kwoŋo wégè tɛ’, à la lɔg metse mé ńkyɛ́’ nkÿo menò tepòŋ ná pege.

Roma 8:29

Á nue pʉ̀a pie e Ssé la tʉ́ njÿó ńtsɔ́’ɔ wɔ́b, à la gíŋe ntʉ́ njÿó ńzáb ngie mémmó ge lá’ ne kúbe ná pɔ́b kubé, tà pɔ́ sẅé Míŋ we. À cʉa pú’u, Míŋ we gwɔ́ mûɔ ndÿò á nùɔ mefɛ́ pé pie é gyɔ́ɔn.

1 Jâŋ 4:9

Anò gie Ssé la lɔg ńnyɛɛ wégè ngie à kwoŋo wégè à yɔɔn: À la túm ndà’ Míŋ we wémɔ’ɔ́ tsɛ̀ɛ njÿó ngie pege cʉa nzèm yé ńgwɔ́ wó.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Heber 10:5

Áa mmó gie á la gÿo Kristo gwaa tóo tsɛ̀ɛ njÿó, ńgɔɔn mbwo Ssé ngie: Ɔ̀ la tè shúm pwɔ́’ kwoŋ, ńké tè menɔ̀ɔn pie mé zẅé ńdɔgɔ ńgu’te gú kwoŋ. Tá ńké ńná mbùm nnɛ́ né mèŋ

Ŋwà’ne Jâŋ 3:16

Á nue ntí gie e Ssé la lɔg ńkwoŋ njÿó pú’u la gwɔ́ tà á náa Míŋ we wémɔ’ɔ́, légwɔ́ gie wɛ̌ nyìŋ wɔ́ gẅie à zǎb ntʉ́m wé ná Míŋ we ŋwɛ́, à tě ńdá’a ńkaa ndòon tèmì wɔ́, à ge lá’ gẅiin le gwɔ́ tèmì.

Heber 1:5

E Ssé laa zɔɔn ńgɔɔn mbwo tsɔ̌ cÿɔ́’ we ngie: Ɔ̀ɔ míŋ wɔ̀ɔn tà fó lyɛ̌’ɔɔn n gwɔ́ tá gù wɔ́. À ké laa zɔɔn ńgɔɔn mbɔɔ ná tsɔ̌ ngie: Mèŋ n ge gÿo gwɔ́ mbwo yé é gwɔ́ tá we à gwɔ́ mbwo mèŋ ńgwɔ́ míŋ wɔ̀ɔn mɔ́.

Matio 24:14

Mé ge lá’ tsẅi wɔɔn nkʉ̀ mbòŋo we nò *lefùɔ Ssé á nzɔ̌ nzɔ̌ ndùmo ssé tsetsá’, légwɔ́ gie melá’ melá’ ntsèm ge jú’, njÿó leen ńké ḿmag.