Filipo 2:26 - Nouveau Testament en Ngienboum

²⁶ Kwà’ yé zɔɔn ne ńtsɔ́ɔn tɛ’ légíŋe ńgyá gẅi métsèm, á nue à zsě ngie pi ka jú’u nò guɔ yé, á gege gẅi tɛ’.

Filipo 2:26 Referans Kwoze

Filipo 1:8

E Ssé ne ńzsé ngie mèŋ n neŋé ńtsɔ́ɔn légyá gẅi tɛ’, ḿbiŋ ńzsé ngie mèŋ n kwoŋo gẅi lê ntʉ́m wɔ̀ɔn ntsèm, ndʉŋ ndʉŋ pá’ Yěsô Kristo.

Efeso 3:13

Pá’ Ssé ka gÿo pú’u la, mèŋ sẅíŋte gẅi ngie tà pi gyá pá’ mèŋ n ne ńgyá ngɔ́’ nà twó sí, ńkʉ́a. Yɛ̌ ngɔ́’ e né ńkẅéte gẅí, ńgwɔ́ mbwo pi ńgwɔ́ pɔ́ cÿɔ́’ɔ lefùɔ.

Roma 12:15

Pʉ̀a lɔɔn ne ńkága pia pɔ̌ pú ńkág, ńne ńdʉa pia pɔ̌ pú ńdʉa.

Filipo 4:1

Mefɛ́ pɔ́ɔn pe ntʉ̀ nzẅìŋ, áa yɛ̌ tá mèŋ n gɔɔn né pi ngie, pi lɔgɔ gẅi leńnéŋe ńnyɛ ngie pi kú’te nò Cʉ̀apʉ̀a tà á tʉ̀. Mèŋ n ne ńtsɔ́ɔn légíŋe ńgyá gẅí. Pi ée mefɛ́ pɔ́ɔn pe ntʉ̀ nzẅìŋ. Pi pie pi ee ssé ńgwɔ́ wɔ̀ɔn lekág, ńgwɔ́ yɔ̀ɔn *ngǔ’.

Roma 9:2

Yɛ̌ nò áa ngie mèŋ n neŋé lê kwà’ lemÿɔ́g, ḿbiŋ ne ńjú’u kékáŋ ntʉ́m mèŋ fʉ̀’ ntsèm ńtí mefɛ́ pɔ́ɔn pà Yuda.

Matio 26:37

éfaga piɛ pâ penkʉ́ Zebede mépʉ́a, pâ pɔ̌ gʉa, á zye lé jú’ kekáŋ ntʉm ye, legwé pfɛ́ɛ yé,

Matio 11:28

Pi metsèm pie pi kǎ pì’ á zɛɛ gẅi tà pi kʉ́a, pi tó ńtsɛ́ɛ wɔ̀ɔn, n gÿo pi zẅɛte.

1 Piɛ 1:6

Pi gyá mmó gie á gÿo pi ne ńkága kǎg, tà mbɔɔ pá’ áa fʉ̀’ɔɔn ńne ńzɛ́te ngie pi ná’a ḿmÿɔgɔ nà ngʉ̀ngʉ̀ mentí mentí gie é ne ńkúu gẅí.

Filipo 1:3

Mèŋ n kwaŋte gẅi tsɛ̀ɛ ntʉ́m mèŋ fʉ̀’e kɔ́ wɔ́, ésíe Ssé yɔ̀ɔn.

Galatia 6:2

Pi kaa menò mí ḿbi’ ńkẅéte. Pi lɔɔn ńgÿo pú’u, mbà pi gÿǒ mmó gie *lepʉ̌ Kristo ne ńzɛ́te.

2 Korento 9:14

Anò gí ge kúu ntʉ́m pɔ́b, pɔ́ ńnéŋe ne sẅíŋte Ssé nà twó sí, á nue pɔ́ gyá ngie à cÿó gʉm gí, pi gẅiin ntʉ́m mbòŋo tɛ’, tà ne ńkẅéte pʉ̀a pá’ɔɔn.

1 Korento 12:26

Tá ńgwɔ́ gie tsɔ́ kème mbùm nnɛ́ lɔɔn ne ńgyá ngɔ́’, metsɔ́ mekèm mbùm nnɛ́ gíŋ ńgyá yɔ́b ngɔ́’ pɔ́ pá’ yɛ̌, ńgwɔ́ gie mé lɔɔn ne ńnáa mekù’ tsɔ́ kème mbùm nnɛ́, metsɔ́ mekèm mbùm nnɛ́ gíŋ ńkág yɔ́b pɔ́ pá’ yɛ̌.

Roma 1:11

Á nue n kwà’ ne ńtsɔ́ɔn létó ńgyá gẅí, légwɔ́ gie n ge gÿo Zẅìge Ndʉalʉ̌a cÿó gem gí, mentʉ́m mí kẅi’i ńtʉte. Pi lɔg pú’u ńkẅi’i ńtʉte.

Megàŋ ntúm 21:13

Tá Pɔl tsɔ́’ ngie: Pi lɔgɔ lelʉa ńdɔgɔ ḿvege wɔ̀ɔn mélà’a kɔ́. N tyé pá’ɔɔn, mbà mèŋ n taŋté mbùm yɔɔn tà ńgwɔ́ gie mé lɔɔn ńkúu Yerósalem, ńkwɛ́ɛ wɔ̀ɔn kwɛ́, ńzẅé wɔ̀ɔn zẅé ńtí Ndè wege Yěsô n de lʉ’.

Filipo 2:25

Mèŋ n ka kě ńgyá ngie á poŋ, n gÿo fɛ́ wege Epafolodite piŋ nzèm, ńtsɛ́ɛ gẅí. Á yé gẅie pi ka túmo yé á tó ńná shúm sie é ka ne ńzága mbwo mèŋ lá. Àa nyìŋ gẅie peg yé lǎ zye fà’, ńzye ńdÿɔ́’ ncù ná nò Yěsô Kristo.

Filipo 2:27

Á ka gẅiin légege gẅí, aguɔ ŋwɛ́ laa wó tɛ’, tà á ka cʉ́’ʉ méjʉ’ à kwé. Tá e Ssé tsɔ́ɔn mezìŋe mé, ńgíŋe ńtsɔ́ɔn mbàa mɔ́ɔn ngie tà mèŋ n gwɔ́ tsɛ̀ɛ ngɔ́’, ńgíŋe ńkaa tsɔ̌.