Filipo 1:8 - Nouveau Testament en Ngienboum

⁸ E Ssé ne ńzsé ngie mèŋ n neŋé ńtsɔ́ɔn légyá gẅi tɛ’, ḿbiŋ ńzsé ngie mèŋ n kwoŋo gẅi lê ntʉ́m wɔ̀ɔn ntsèm, ndʉŋ ndʉŋ pá’ Yěsô Kristo.

Filipo 1:8 Referans Kwoze

Filipo 4:1

Mefɛ́ pɔ́ɔn pe ntʉ̀ nzẅìŋ, áa yɛ̌ tá mèŋ n gɔɔn né pi ngie, pi lɔgɔ gẅi leńnéŋe ńnyɛ ngie pi kú’te nò Cʉ̀apʉ̀a tà á tʉ̀. Mèŋ n ne ńtsɔ́ɔn légíŋe ńgyá gẅí. Pi ée mefɛ́ pɔ́ɔn pe ntʉ̀ nzẅìŋ. Pi pie pi ee ssé ńgwɔ́ wɔ̀ɔn lekág, ńgwɔ́ yɔ̀ɔn *ngǔ’.

Roma 1:9

Áa yɛ̌ fʉ̀’ wɔ́, gie mèŋ n ne sẅíŋte Ssé, mèŋ n té nyé té kíme gẅi wɔ́. E Ssé ne ńzsé pú’u. Mèŋ n gɔɔn pá’ɔɔn ńgwɔ́ nyìŋ gẅie à ne fa’a fà’ yé lé ngwòŋ ntʉ́m wé ntsèm, ńně ńtsẅii nkʉ̀ mbòŋo gẅie é líe Míŋ we.

2 Timote 1:4

N daa lege pá’ pɔgɔ la gwaa fege ɔ̀ lʉa wɔ́. N ne ńtsɔ́ɔn tɛ́’ pá’ à lɔɔn ńgwɔ́ n gíŋe ńgyá gú, anò poŋo wɔ̀ɔn.

1 Tesalonika 2:8

Peg la kwoŋo gẅi kwoŋ tà ńtyé pá’ ńgwɔ́ peg é le ná pɔ́ ndà’ nkʉ̀ mbòŋo nò Ssé mbwo pi wɔ́, pá’ ńgwɔ́ peg gíŋe ńná mbɔɔ twó ség, á nue á la gwaa gwɔ́, mbà pi cʉ’ʉ́ mmó ntʉ̀ nzẅìŋ mbwo peg.

Roma 9:1

Anò gie n ge gɔɔn áa nénʉ́. Pá’ mèŋ n déen ńda nnɛ́ ná Kristo la, mèŋ n tě ńgee shwóŋ cÿɔ̌ nò wɔ́. A Zẅìge Ndʉalʉ̌a ne ńgÿo ntʉ́m wɔ̀ɔn shwóŋó wɔ̀ɔn ngie nò gie mèŋ n gɔɔn áa nénʉ́.

Filemo 1:12

N tumó yé ngie à piŋ nzèm ńtsɛ́ɛ gú. Aa pɛ́’ɛ̀ ńgwɔ́ tʉ́m yɔ́ɔn.

Kolosia 2:1

Mèŋ n ne ńkwoŋo ngie pi zsé ngie ncù gẅie mèŋ n ne ḿma’a é tʉ. Mèŋ m ma’a wɛ̌ ncù ná twó sí, mbɔɔ ná twó pʉ̀a Kristo pie ée Laodisé, mbɔɔ ná twó petsɔ́ pʉ̀a Kristo tà ńgyɔ́ɔn pie pɔ́ laa wɔ̀ɔn gyá.

Galatia 4:19

Egubé yɔ́ɔn, n gǐŋ ne ńgyá ngɔ́’ sẅe sẅe nà pi pɔ́ pá’ manzwě gẅie à ne ńdúme ńgee ńzyé la. Mèŋ n ge ké gyá ngɔ́’ pɔ́ pú’u, tà kú fʉ̀’ gie pi cʉ̌’ kwà’ pʉ̀a Kristo.

Galatia 1:20

Ammó gie mèŋ n ŋwe’e shwóŋó gẅi lɔɔn, áa nénʉ́. Mèŋ n tyě pá’ɔɔn mvfò Ssé, ńgɔɔn ngie mèŋ n tě ńcÿɔ nò wɔ́.

2 Korento 7:15

Tá’, á fó pú’u, n gíŋe ńkẅi’i ńkwoŋo gẅi pɔ́ ndyɛ̀’ɛ ndyɛ̀’ɛ, ńnéŋe ne ńkímte pá’ pi metsèm ka pǔ ńtyé lé jú’ ncwò, mbɔɔ pá’ pi ka kúe yé, ḿbɔ́gɔ yé pá’ mé pɔ́gɔ mântúm, ńná nnɛ́ ssé mvfò yé.

2 Korento 6:12

Peg tè ne ńdʉ’ʉ lékwoŋo gẅi wɔ́, atsɔ́ mmó lɔɔn ńne ńtáte gẅi lékwoŋo wég, mbà à fóo né pi.

Lukase 1:78

mélà’mie à ne ńdíe wégè mboŋó, ḿbiŋ ne ńtsɔ́ɔn mezìŋe mégè tɛ’. À ge túmo Nyìŋ gẅie à ge gÿo pege gwɔ́ wó, angàŋ fó tÿǒ ńtó ńgwɔ́ nkà’,

1 Jâŋ 3:17

Nyìŋ lɔɔn ńgwɔ́ ngàŋa mmó, ńgyá fɛ́ we ne ńzága mmó, à tè yé líe, mbà mé ge gɔɔn ngie wɛ̌ ngàŋ mmó ne kwoŋo Ssé lêkɔ́?

Filemo 1:20

Á fɛ́ wɔɔn, tsétsɔ’ lɔg lezíŋ Cʉ̀apʉ̀a ńgÿo mmó gie mèŋ n ne ńdúɔ mbwo gù. Lɔg pá’ pɔgɔ pǔ ńda nnɛ́ nà Kristo, ḿbʉ́le ntʉ́m wɔ̀ɔn.

1 Tesalonika 2:5

Pi ne ńzsé mboŋó ngie peg laa shwóŋó shwóŋè lʉte wɔ́, ńké tè gɔɔn nò gie peg lɔgɔ ńtsɔ́ɔn pì gie á ge kúu pɔ̀ɔn peg wɔ́. Tà Ssé ne ńzsé.

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

Filipo 2:26

Kwà’ yé zɔɔn ne ńtsɔ́ɔn tɛ’ légíŋe ńgyá gẅi métsèm, á nue à zsě ngie pi ka jú’u nò guɔ yé, á gege gẅi tɛ’.

Filipo 2:1

Tà légwɔ́ gie pi laa Kristo léen ńtemte zɔ tè ne ńgÿo pi kẅi’i shÿɔgɔ wɔ́? Tà ntí gie Kristo lɔg ńkwoŋo gẅi zɔ tè ne ńkẅiŋte gẅi wɔ́? Tà pia Zẅìge Ndʉalʉ̌a zɔ tè nùɔ wɔ́? Tà pi tè gẅiin nkwòŋe laa tsɔ́ɔn mezìŋe á tsetsɛ̀ɛ pi wɔ́?

2 Korento 13:9

Pi lɔɔn ńgwɔ́ ná mánzsè Ssé, ńgwɔ́ metʉ̀ pʉ̀a, peg gwɔ́ yég mǒ ńgwɔ́ pɔ́ mepepÿɛ́ɛ pʉ̀a, mbà nò ge poŋo wég poŋ. Áa mmó gie á gÿo peg gwɔ́ tà ne sẅíŋte Ssé, ńdúɔ ngie à gÿo pi giŋ pɔ́ ná mánzsè we tà ńcʉ́me.

Galatia 3:26

Pi metsèm zɔɔn ńdɔg pá’ pi záb ntʉ́m ná Yěsô Kristo ńgwɔ́ púɔ Ssé.