Filemo 1:21 - Nouveau Testament en Ngienboum

²¹ N dɔgɔ pɔ́ pá’ ɔ́ɔ nyìŋ ńjú’ ncwò tá ńŋwe’e yɔɔn ŋwà’ne. Mèŋ ne ńzsé ngie ɔ̀ ge gÿo mmó gie mèŋ n ne ńzɛ́te mbwo gù tà tɔ́g pú’u.

Filemo 1:21 Referans Kwoze

2 Tesalonika 3:4

Á gʉa ná pi, mbà Cʉ̀apʉ̀a ne ńgÿo peg zsé ngie pi ne ńgÿo mmó gie peg ne ńtsẅii ngie pi gÿo. Ńgwɔ́ gie peg lɔɔn ńgíŋ ńtsẅi ngie pi gÿo lêkɔ́ wɔ́, mbà pi ge gÿo pɔ́ pú’u.

2 Korento 2:3

Áa mmó gie á ka gÿo n ŋwe’e pɔ́ ŋwà’ne ńnáa mbwo pi, á nà ntí gie n ka ŋwe’e la, n ka tè ne ńkwoŋo lé lêen tóo lá’ pi, ńgyá pʉ̀a pɔ́ gÿo mèŋ n gẅiin lémÿɔg tá mbà pɔ́ kɔ’ɔ́ gÿo ntʉ́m wɔ̀ɔn kág kág wɔ́. N ne ńzsé mboŋó ngie n dɔɔn ne ńkága, mbà pi ge kág gí.

2 Korento 7:16

Mèŋ m bǔ ńne ńkága tɛ’ pá’ à lɔɔn ńgwɔ́, n gʉa ná kɔ̀ɔkɔ́ɔ, ńtém nzèm yɔ̀ɔn ńná né pi, té pɔ́g.

Galatia 5:10

Tá’ Cʉ̀apʉ̀a kě ne ńgÿo mèŋ n zsé ngie pi tè kẅi’i tsɔ́ mmó nà mmó gie n da zí’i gẅi wɔ́. N giŋé ně ńzsé ngie nyìŋ gẅie à ne ḿma’a tág tsetsɛ̀ɛ pi, à lɔɔn ńgwɔ́ pɔ́ wɔ̌ wɔ́ɔ, mbà Ssé ge gÿo zá’ ntsaŋ ye.

2 Korento 8:22

Peg tumó wɔ́b Titus, ńgíŋe ńgÿo tsɔ́ fɛ́ wégè. Á gwɔ́ nyìŋ gẅie à kwoŋo lékẅéte petsɔ́ pʉ̀a tɛ’. Peg zyé ńgyá pú’u, á nà menò tà ńgyɔ́ɔn. Áa nà fʉ̀’ɔɔn mbùm ye gíŋe ńne ńzeŋe pá’ɔɔn tɛ’ létó ńgyá gẅi ńtí pá’ à lɔɔn ńgwɔ́ á tém nzèm yé ńná né pi té cÿɔ’.

Roma 2:19

Ɔ̀ kwà’ ne ńgyá nà jú twó ngie ɔ́ɔ nyìŋ gẅie à kíbe pwó mefʉ̀ menÿɔ́g, ńne ńkyɛ’ɛ pʉ̀a pie ée tsɛ̀ɛ nzěm,