Filemo 1:20 - Nouveau Testament en Ngienboum

²⁰ Á fɛ́ wɔɔn, tsétsɔ’ lɔg lezíŋ Cʉ̀apʉ̀a ńgÿo mmó gie mèŋ n ne ńdúɔ mbwo gù. Lɔg pá’ pɔgɔ pǔ ńda nnɛ́ nà Kristo, ḿbʉ́le ntʉ́m wɔ̀ɔn.

Filemo 1:20 Referans Kwoze

3 Jâŋ 1:4

Awɔ̀ɔn máamáa lekág à gwɔ̌ pɔ́ lé jú’ ngie penkʉ́ pɔ́ɔn ne ńgiŋe pɔ́ pá’ nò nénʉ́ ne ńzɛ́te.

Filemo 1:7

N gɔɔn nue, nkwòŋe gie ɔ̀ gẅiin e ka gÿo m bú ńkág tɛ’. À fɛ́ wɔ̀ɔn, ntʉ́m wɔɔn sẅeté, á fóo nà pá’ ɔ̀ ka kẅiŋte pʉ̀a Ssé.

Filemo 1:12

N tumó yé ngie à piŋ nzèm ńtsɛ́ɛ gú. Aa pɛ́’ɛ̀ ńgwɔ́ tʉ́m yɔ́ɔn.

1 Jâŋ 3:17

Nyìŋ lɔɔn ńgwɔ́ ngàŋa mmó, ńgyá fɛ́ we ne ńzága mmó, à tè yé líe, mbà mé ge gɔɔn ngie wɛ̌ ngàŋ mmó ne kwoŋo Ssé lêkɔ́?

Heber 13:17

Pi jú’ ncwò pʉ̀a pie pɔ́ tsyeen gẅí. Pi ná nnɛ́ ssé mvfò pɔ́b, á nue pɔ́ ne ńdíe gẅi ngwòŋ fʉ̀’ ntsèm, ńne ńzsé ngie pɔ́ ge lá’ tyé mvfò Ssé píte ntí gie pɔ́ la lɔg fa’a tsetsɛ̀ɛ pi. Pú’u la, pi gÿo nà ntí gie pɔ́ ge fa’a fà’ yɔ́b nê lekág, tà pɔ́ le ne ńga’te ga’te wɔ́, á nue á lɔɔn ńgwɔ́ pú’u, pi le zẅɛ́’.

Filipo 4:1

Mefɛ́ pɔ́ɔn pe ntʉ̀ nzẅìŋ, áa yɛ̌ tá mèŋ n gɔɔn né pi ngie, pi lɔgɔ gẅi leńnéŋe ńnyɛ ngie pi kú’te nò Cʉ̀apʉ̀a tà á tʉ̀. Mèŋ n ne ńtsɔ́ɔn légíŋe ńgyá gẅí. Pi ée mefɛ́ pɔ́ɔn pe ntʉ̀ nzẅìŋ. Pi pie pi ee ssé ńgwɔ́ wɔ̀ɔn lekág, ńgwɔ́ yɔ̀ɔn *ngǔ’.

Filipo 1:8

E Ssé ne ńzsé ngie mèŋ n neŋé ńtsɔ́ɔn légyá gẅi tɛ’, ḿbiŋ ńzsé ngie mèŋ n kwoŋo gẅi lê ntʉ́m wɔ̀ɔn ntsèm, ndʉŋ ndʉŋ pá’ Yěsô Kristo.

2 Korento 7:13

Yɔɔn áa mmó gie á ka tsí’i ntse nÿɔ́g még. Ntse nÿɔ́g még zɔ̌ ka tè me ntsi’í ndà’ wɔ́, peg ka giŋé ńkẅi’i ńkág tɛ’ ná nò gie Titus ka ne ńkága yé, mbà pi metsèm gÿǒ ntʉ́m wé sẅéte.

2 Korento 2:2

á nue n dɔɔn ńgÿo pi mÿɔg, mbà pà wɔ̌ ge piŋ gÿo ntʉ́m wɔ̀ɔn kág tà á légwɔ́ pɔ́ gẅi gẅie n zɔ̌ɔn ńgÿo pi mÿɔg wɔ́?

1 Korento 16:18

Pɔ́ ka néŋ ntʉ́m wɔ̀ɔn pá’ pɔ́ ka néŋ gẅi gí. Pi ná mekù’ á mbwó ntí pʉ̀a pá’ pɔ́b lɔɔn.