Filemo 1:13 - Nouveau Testament en Ngienboum

¹³ Mèŋ n gyá ngie á kěen ḿboŋ ngie à gwɔ́ pɔ́ lejʉ́ŋ mèŋ, ńne fa’a fà’ gie ɔ̀ kěen ńgwɔ́ jʉ’ɔɔn, mbà ɔ̀ fa’, á ná fʉ̀’ɔɔn gie mèŋ n gee menkÿo ńtí Nkʉ̀ Mbòŋo lɔɔn.

Filemo 1:13 Referans Kwoze

Filipo 1:7

Mèŋ n gẅiin lé ne ńkwaŋa pɔ́ pú’u ná pi, mélà’mie m bǔ ńkwoŋo gẅi tà ḿmag ntʉ́m wɔ̀ɔn. Pi metsèm zɔɔn ne ńkẅéte wɔ̀ɔn nà fà’ gie e Ssé la lɔg ńcÿó gʉm yɔ́ɔn pɔ́ lê pòŋo ntʉ́m yé, tà mbɔɔ fʉ̀’ɔɔn gie n gee ndá tsǎŋ lɔɔn, mbɔɔ fʉ̀’ gie mèŋ n ne ńnyɛɛ ngie nkʉ̀ mbòŋo ée nénʉ́, mbɔɔ fʉ̀’ gie mèŋ n ne ńgÿo pʉ̀a nyɛte ńzẅíŋe.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

1 Korento 16:17

Anò ne ḿboŋo wɔ̀ɔn tɛ’ ńtí pá’ Stefanas, pɔ́ Fortunatus pɔ́ Akaikẅis tǒ tà ńgwɔ́ lejʉ́ŋ mèŋ. Pɔ́ ée jʉ’ɔɔn, ńkúbe twó gí lejʉ́ŋ mèŋ.

Filemo 1:1

Yɔɔn ŋwà’ne fóo mbwo mèŋ Pɔl, ngàŋa tsǎŋ ńtí nò Yěsô Kristo. Peg Timoté gẅie aa fɛ́ wɔgɔ nzèm Yěsô Kristo náa yɔɔn ŋwà’ne á mbwo gù Filemo. Ɔ̀ɔ fɛ́ weg we tʉ̀ nzẅìŋ, pege metsèm pú fa’a nà nò Yěsô Kristo.

Filipo 2:30

á nue á ka cʉ́’ʉ méjʉ’, à tóo fa’a fà’ Kristo, ńkwé mǒ. À ka tóo ńgÿo mmó gie pi kɔ̌ɔn ńge gÿo ná mèŋ, tá ńtúm pɔ́ yé, á cʉ́’ʉ méjʉ’ à náa twó yé.

Efeso 4:1

Mèŋ gẅie mèŋ n gee ndá tsǎŋ ńtí nò Cʉ̀apʉ̀a Yěsô Kristo, n ge fó ná menò mie mèŋ shwoŋó gẅí, é zɛ́te ngie pi gwɔ́ gÿo kɔ̀ɔkɔ́ɔ gí wɔ́, ńkímte ngie e Ssé ka tóŋo gẅi ngie pi gwɔ́ pʉ̀a pé.

Filemo 1:10

Mèŋ n ne sẅíŋte ɔ̀ nà twó Onesime, aa míŋ wɔɔn nà nò Yěso gẅie mèŋ n ka kúu ndá tsǎŋ ńzyé.

Filemo 1:12

N tumó yé ngie à piŋ nzèm ńtsɛ́ɛ gú. Aa pɛ́’ɛ̀ ńgwɔ́ tʉ́m yɔ́ɔn.