Efeso 6:23 - Nouveau Testament en Ngienboum

²³ E Ssé Tá, mbɔɔ Cʉ̀apʉ̀a Yěsǒ Kristo ne ńnéŋe sẅétè tsɛ̀ɛ ntʉ́m mefɛ́ mefɛ́, pɔ́ ne ńgẅiin nkwòŋe, ńne ńzába ntʉ́m pɔ́ nà Ssé.

Efeso 6:23 Referans Kwoze

Galatia 6:16

E Ssé nyɛ ngie ntʉ́m wé ée mbòŋ, ḿbiŋ ńnéŋe sẅétè tsɛ̀ɛ ntʉ́m pʉ̀a metsèm pie ée gÿo jú’ wɔɔn ntÿɔgɔ́ we sẅé, é tÿɔ́gɔ kwò mǒ, mbɔɔ mbwo pʉ̀a Ssé tà mag.

1 Piɛ 5:14

Pi tsyɛ’te mennɛ́ mí, ńcʉ́’ʉ létsyɛ’te ńtáŋte mennɛ́ mí nà ntí ye mefɛ́ mefɛ́ pie nkwòŋe ee tsetsɛ̀ɛ pɔ́b. Asẅétè ne ńgwɔ́ ntʉ́m pi pʉ̀a Kristo metsèm.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

1 Timote 1:14

Cʉ̀apʉ̀a wege Yěsô Kristo, la gÿo nò mbòŋo yé ná mèŋ tà á zyɛ́’. Á la gÿo mèŋ n záb ntʉ́m ná yé, mèŋ m biŋ ńkwoŋ petsɔ́ pʉ̀a. Á fóo ná pá’ mèŋ n da nnɛ́ ná yé.

Ŋwà’ne Ngyà jʉ’ 1:4

Yɔɔn ŋwà’ne fóo mbwo mèŋ Jâŋ, mèŋ n ŋwe’e ńnáa mbwo mecú’tè pʉ̀a Kristo mie ée sɔɔn mbʉ́a, ńgwɔ́ tsɛ̀ɛ ngwòŋ Azia. E Ssé gẅie aa wó, mbà à laa wó, à piŋ ńne ńtóo, pâ mezẅìge sɔɔn mbʉ́a mie ée mvfò lʉŋe lefùɔ yé, pɔ́ ne ńgwɔ́ né pi, ńne ńnéŋe sẅétè ntʉ́m pi.

1 Timote 1:3

Mèŋ n ne ńkwoŋo ngie ɔ̀ ńnéŋe Efeso, pá’ mèŋ n ka gwɔ́ gʉa lê Makedonia ńtsẅii mbwo gù la, ńnéŋe wó, ńzsé ngie ɔ̀ ge lʉ’ʉ mbwo tsɔ́ pʉ̀a pie ée wó ngie tà pɔ́ gíŋe ńzí’i pʉ̀a menò mie ée ná nò Yěsô Kristo é té ná mánzsè wɔ́.

2 Tesalonika 3:16

Cʉ̀apʉ̀a gẅie à ńnéŋe sẅétè ntʉ́m pʉ̀a, yé lê twó yé zɔ ne ńnéŋe sẅétè ntʉ́m pi fʉ̀’ ntsèm, á nà meshÿó ntsèm. Cʉ̀apʉ̀a ne ńgwɔ́ né pi metsèm.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

1 Tesalonika 5:8

Tá ńgʉa ná pege pie pege giŋe fʉ̀’ʉ zsó, mbà á ne ńzɛ́te ngie pege jÿó mmó à ku’ ku’, nkwòŋe mbɔɔ lézáb ntʉ́m nà Ssé e gwɔ́ yege nzsǒ ncù gie mé lɔgɔ tʉ̌ ńnyɛte. Lezẅi’té lyɛ̌’ gie e Ssé ge gÿo pege tsẅɛ́, à gwɔ́ yégè cÿɔ́’ɔ ncù gie mé lɔgɔ tʉ̌ ńnyɛte.

1 Korento 1:3

Tá wege Ssé mbɔɔ Cʉ̀apʉ̀a Yěsô Kristo ne ńgwɔ́ né pi ḿbiŋ ne ńnéŋe sẅétè ntʉ́m pi.

Roma 1:7

Mèŋ m biŋ ńnáa yɔɔn ŋwà’ne mbwo pi métsèm pie pi ee tÿǒsoŋo *Roma. Pi pie e Ssé kwoŋo gẅi, áa yɛ̌ à la tóŋo gẅi pá’ pi ge gwɔ́ pʉ̀a pé pie à tsɔ̌’. Mèŋ ne ńtsɔ́ɔn ngie Tá wégè Ssé mbɔɔ Cʉ̀apʉ̀a Yěsô Kristo ne ńgwɔ́ né pi, ńně ńnéŋe sẅéte ntʉ́m pi.

Ŋwà’ne Jâŋ 14:27

Tà pi cʉ́’ nzèm ntʉ́m gẅi gíŋe ḿvɛ, tà pi cÿɔ’. Mèŋ n ge néŋ mbʉ́lè tsɛ̀ɛ ntʉ́m gẅí, e gwɔ́ mbʉ́lè gie e fóo ná mèŋ, e tè gie mé fa’a tsɛ̀ɛ yɔɔn njyó wɔ́.

1 Timote 5:8

Á gʉa nà gubé mepfɔ̌g, mbà nyìŋ wɔb lɔɔn ńgwá’ pʉ̀a tsìŋe ndá yɔ́b, mé gɔɔn pʉ̀a pie pâ pɔ̌ tsẅé, mbà à lɔgɔ pú’u, ńdʉ’ʉ nò Yěsô gie pege zẅíŋe. Angàŋ lɔgɔ pú’u, ḿbú ḿbÿɔ́gɔ ńcʉa nyìŋ gẅie à kaa záb ntʉ́m wé ná Yěsô wɔ́.

Roma 15:33

Á poŋ ngie Ssé gẅie à náa sẅéte à ne ńgwɔ́ né pi metsèm. *Amen.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

Efeso 6:24

E Ssé ne ńgwɔ́ né mânyìŋ ntsèm gẅie à kwoŋo Cʉ̀apʉ̀a wege Yěso Kristo lê ntí nkwòŋe gie e tě ńdá’a ḿmaga wɔ́.

3 Jâŋ 1:14

Mèŋ n ne ńkwaa létó ńgyá gú, pɔgɔ ńnéŋe ssé shwóŋó.