Efeso 6:21 - Nouveau Testament en Ngienboum

²¹ Tishig gẅie aa fɛ́ wege we ntʉ̀ nzẅìŋ, ńgwɔ́ ngàŋa fà’ Cʉ̀apʉ̀a, tà ńzsé yé pɔ́ ndà’ yɛ̌ fà’, à ge tó, é tó shwóŋó gẅi pá’ mèŋ n gee jʉ’ɔɔn ńgwɔ́ pú’u, légwɔ́ gie pi ge zsé mmó gie n kéen ńcʉ́’ʉ yɛ̌, mbɔɔ mmó gie mèŋ n gÿo.

Efeso 6:21 Referans Kwoze

Megàŋ ntúm 20:4

Mezíŋ pʉ̀a pie pâ Pɔl lɔ́ɔn ḿbú ńgiŋe ná yɔɔn kwò legìŋ é mɔɔn. Wɔɔn laa Sopatɛɛ, míŋ Pẅirẅis ńgwɔ́ múɔ Mbelɛ, ńgÿo Alistag pɔ́ Sekondus, é gwɔ́ pʉ̀a Tesalonika, ḿbiŋ ńgÿo Gaẅis gẅie à la fó Nderbe, ńgÿo Timoté, ḿbiŋ ńgÿo Tishig pɔ́ Torofine é gwɔ́ pʉ̀a pàga ngwòŋ Azia.

2 Timote 4:12

N ka túmo Tishig á tÿǒsoŋo Efeso.

Titus 3:12

N dɔɔn ńgwɔ́ tà ńtúmo Artemas kà pɔ́ Tishig wɔ́ mbwó gù, ɔ̀ kag tʉ̀ tà ńtó ńkẅɛ́te wɔ̀ɔn Nikopolos. Áa jʉ’ gie mèŋ n ka zǎb ngie n ge ńnéŋe wó nà fʉ̀’ʉ mbʉ̀ŋ.

2 Piɛ 3:15

Tà’a mmó gẅie á píŋ ně ńzɛ́te ngie pi kímte á gwɔ́ pɔ́ ngie, Cʉ̀apʉ̀a pʉ́le ńzẅí’te, à těen ńtɔ́gɔ ńtóo wɔ́, léná shÿó pá’ ńgwɔ́ pʉ̀a tsẅɛ́. Á gíŋe ńgwɔ́ pɔ́ mmó gie Pɔl, fɛ́ wege, ńgwɔ́ shǔ wege la gɔɔn tsɛ̀ɛ meŋwe’e mie à la náa mbwo pi. À la lɔg pɔ́ zse nò gie Ssé la náa mbwo yé tá ńdɔg ńgɔɔn.

1 Piɛ 5:12

Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.

Filemo 1:16

Á le gíŋe ńgwɔ́ pɔ́ nkwɔɔn wɔ́. À cʉa nkwɔɔn, ńcʉ́’ ńgwɔ́ pɔ́ fɛ́ gù gẅie ɔ̀ ge kwoŋo yé tɛ’. Aa mbwo mèŋ, ńgwɔ́ tʉ̀ nzẅìŋ tà ngʉ̀a shÿɔ́’ɔ pá’ à ge gwɔ́ mbwo gù? À ge gwɔ́ mbwo gù, é gwɔ́ kwà’ nyìŋ mesoŋ, é gíŋ gwɔ́ fɛ́ gù nzèm Yěsô Kristo.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.

Kolosia 1:7

Peg ne ńzsé ngie Epafalas zɔ ka zí’i gẅi yɛ̌ nò. Aa fɛ́ weg we ntʉ̀ nzẅìŋ, pega pɔ̌ pǔ fa’a. Pi zsé ngie, yé gẅie aa lejʉ́ŋ pi lɛ, à zsě pɔ́ nò Kristo.

1 Korento 4:17

N gwɔ̌ túmo Timoté né pi ńtí pɔ́ pú’u. Aa nà nò Kristo ńgwɔ́ míŋ wɔ̀ɔn mie n kwoŋo yé tɛ’. À zsé pɔ́ ndà’ nò Cʉ̀apʉ̀a. Á ge tó kímte gẅi mmó gie n zí’i pʉ̀a á nà legiŋe nzèm Kristo pɔ́ kwà’ pá’ mèŋ n ne ńtóo nzɔ̌ nzɔ̌ tsɛ̀ɛ mecú’tè pʉ̀a Kristo ńzí’i pʉ̀a.

Filipo 1:12

Mefɛ́ mefɛ́, pi zsé ngie ngɔ́’ gie é ka kúu wɔ̀ɔn, e ka gÿo ngie nkʉ̀ mbòŋo kẅi’i sa pɔ́ jʉ’,