Efeso 6:19 - Nouveau Testament en Ngienboum

¹⁹ Pi sẅíŋte yé mbɔɔ ná yɔ́ɔn twó légwɔ́ gie à ge ńnéŋe shwóŋè ncwò mèŋ, ńgie à gÿo pú’u, légwɔ́ gie n dɔɔn ńnyɛ́’ ncwò wɔ̀ɔn fʉ̀’e kɔ́ wɔ́, n gɔɔn nò té pɔ́g, légwɔ́ gie pʉ̀a ge zsé nò gie nkʉ̀ mbòŋo la lɔg ńtó, mbà á la zɔɔn ńgwɔ́ pɔ́ lelyěen.

Efeso 6:19 Referans Kwoze

Kolosia 4:3

ńgíŋe ne sẅíŋte Ssé nà ség twó, à ná shÿó peg lɔg shwóŋó nò yé. Mèŋ fo pú’u, ńkyagte nò Kristo gie á la zɔɔn ńdyeen menÿɔ́g pʉ̀a lyeen, mèŋ n gee tsǎŋ pá’ɔɔn ńtí pɔ́ yɛ̌.

Megàŋ ntúm 4:29

Cʉ̀apʉ̀a, líe fʉ̀’ɔɔn tá ńgyá pá’ pɔ́ ne ḿbebe weg. Náa shÿɔ́g mbwo ngàŋa fà’ jú, pɔ́ shwóŋó nò jú té pɔ́g.

2 Tesalonika 3:1

Mefɛ́ mefɛ́, anò gie peg ge lɔg cʉ́me, á gwɔ́ pɔ́ ngie pi sẅíŋte Ssé nà twó ség, tá shwóŋè Cʉ̀apʉ̀a kẅi’i sa jʉ’, ńgwɔ́ mmó mekù’ pá’ áa mbʉ̀a pi ńgwɔ́ lɛ.

1 Tesalonika 5:25

Mefɛ́ mefɛ́, pi sẅíŋte Ssé mbɔɔ ná ség twó.

Heber 13:18

Pi ké ńne sẅíŋte Ssé sẅíŋte nà twó ség. Peg kwa’ ńne ńjú’u ngie mbùm yeg tè ne ńcúa wég nà tsɔ́ nò wɔ́, á nue peg ne ńtsɔ́ɔn légwɔ́ gie kɔ́ zɔ̌ lɔɔn ńtyé ssé wɔ́, peg gÿo pɔ́ mmó gie á ne ńzɛ́te.

Megàŋ ntúm 4:31

Pɔ́ la sẅíŋte Ssé ta ńtsẅé jʉ’, ajʉ’ gie pɔ́ la cú’te wó cʉ’ʉ. À Zẅìge Ndʉalʉ̌a pú ńjÿo wɔ́b métsèm. Pɔ́ zyé leshwóŋó nò Ssé té pɔ́g.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

2 Korento 8:7

Á tyé nà kɔ́ wɔ́ pi zɔ̌ ná fʉ̀’ mbòŋo, pi záb ntʉ́m nà Ssé mboŋó, ńzsé légɔɔn nò á kẅɛ, ńzsé nò Ssé kwà’ mboŋó, ńzeŋe nɛ́ ngwòŋ fʉ̀’ ntsèm, ńgẅiin nkwòŋe á nzèm peg, pú’u la pi gíŋ ńná fʉ̀’ mbòŋo á ná yɔɔn fà’a pòŋo ntʉ́m.

Efeso 1:9

Áa yɛ̌ tá pege zsé mmó gie à la záb, mbà á la zɔɔn ńgwɔ́ pɔ́ lelyěen. Yɛ̌ mmó gwɔ́ gie à la tʉ́ njÿó, á poŋo yé poŋ, á záb ngie à ge lá’ lɔgɔ Kristo é gÿo à pumte,

1 Korento 4:1

Pú’u la, pi líe wég pá’ pafa’a fà’ Kristo mbɔɔ pá’ pʉ̀a pie pɔ́ gẅiin nò nà lekyɛ’té nò Ssé gie á laa lelyěen é shwóŋ pʉ̀a.

Megàŋ ntúm 28:31

Á ne sá’a shwóŋó pʉ̀a mmó gie *lefùɔ Ssé ée sɛ̌, ḿbiŋ ńcwoŋo ńzí’i wɔ́b nyìŋ gẅie Cʉ̀apʉ̀a Yěsô Kristo aa yé pɔ́ shʉ̀ashʉ̌a, atsɔ̌ nyìŋ piŋ ńké tè yé tɔ’.

Megàŋ ntúm 19:8

Pɔl lɔg mesaŋ métá, ńké ńgee pɔ́ *ndá cú’tè pà Yuda á Efesò ŋwɛ́. Eshwóŋó nò Ssé éshʉa shʉ̌a, éshwóŋó pʉ̀a pá’ *lefùɔ Ssé ée pú’u, éfa’a shÿó lékyagte tà pɔ́ zẅíŋ.

Megàŋ ntúm 13:46

Pɔl pɔ́ Panebâse lêen ńké shʉ̀ashʉ̀a ńgɔɔn né pɔ́b ngie: Peg kě ńzɔɔn ńgẅiin lévɔg shwóŋó nò Ssé pɔ́ mbwo pi pà Yuda. Pá’ pi kě ńdʉ’ lʉ’, ńnyɛ ngie pi kaa ku’ pá’ ńgwɔ́ pi gẅiin le gwɔ́ tèmì wɔ́ lá, peg ge sele nnɛ́ é gʉa fa’ pʉ̀a pie é té pà Yuda wɔ́,

Filemo 1:22

Gíŋe ńnyɛ́te lûm ndá, ńdɔg ńzẅí’te wɔ̀ɔn á nue mèŋ n ne ńkwaŋa ngie e Ssé lɔɔn jú’u sẅíŋte gí, mbà mé ge gíŋe tsɔ́’ɔ wɔ̀ɔn né pi.

Kolosia 2:2

Mèŋ n gÿo pú’u, lélɔg ńnéŋ ntʉ́m wɔ́b, nkwòŋe temte wɔ́b, mbɔɔ pá’ pɔ́ ge nyɛte zsé nò gie aa ná Kristo, éfó mǒ é zsé ntsem Ssé gie à ka gÿo peg zsé, yɛ̌ ntsem gwɔ́ pɔ́ Kristo yé máŋwɛ́.

2 Korento 3:12

Pá’ peg ne ńnyɛ́te ńzsé ngie mɔɔn menò ée nénʉ́ la, peg shʉashʉa ńgɔɔn nò mǒ.

1 Korento 1:5

Pá’ pia kristo kéen ńtemte la, e Ssé ka fǒ pú’u, ńnáa fù’ ntsèm né pi. À ka gÿo pi ku’u léshwóŋó nò yé, ńgíŋ ńgÿo pi ku’u lézsé nò nénʉ́.

Megàŋ ntúm 14:3

Tá ńgÿo pɔ́ lêkɔ́ wɔ́, Pɔl pɔ́ Panebâse zye ńnéŋe Ikonium, ńtÿɔ́g pɔ́ Cʉ̀apʉ̀a mvfò, ńne shʉ̀ashʉ̀a ńgɔɔn mbwo pʉ̀a ngie Cʉ̀apʉ̀a à kwoŋo wɔ́b. Cʉ̀apʉ̀a gíŋe ne ńcʉa ná menò mmɔɔn mmɔɔn mie à lɔgɔ wɔ́b ńgÿo, ńnyɛɛ ngie anò gie pɔ́ gɔɔn ná pá’ Yěsô ne ńcÿo gem pʉ̀a, áa nénʉ́.

Megàŋ ntúm 9:27

Á gwɔ́ tà Panebâse lɔgɔ yé ńgʉa, ńtó ńnyɛɛ yé mbwo ngàŋ ntúm Yěsô, ńtóo ńnyɛ̌ yé, ḿbíte shwóŋó wɔ́b ngie Sɔ̂l ka gyǎ Cʉ̀apʉ̀a Yěsô á mánzsè Ndamas, tà kwà’ Cʉ̀apʉ̀a yé máŋwɛ́ gɔɔn nò mbwo yé, ńgíŋ shwóŋó wɔ́b pá’ Sɔ̂l ka lɔg lezíŋ Yěsô ńtsẅi nkʉ̀ mbòŋo á Ndamas té pɔ́g.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

2 Korento 7:4

Mèŋ n déen ńtém nzèm yɔɔn ńná né pi, mèŋ n dɔg pɔ́ gẅi ńka’te tɛ’, mèŋ n nyě ńgẅiin pɔ́ shÿɔg tɛ’, lekág aa ntʉ́m mèŋ tɛ’ tà mbɔɔ pá’ peg ne ńgyá ngɔ́’ tɛ’.

2 Korento 1:11

é gwaa kẅile wég, agí pwó gwɔ́ mǒ, ńtí nue pi ne sẅíŋte yé nà twó ség. Pá’ pʉ̀a tà ńgyɔ́ɔn ne sẅíŋte yé nà twó ség la, à ge gÿo cÿó gem yég, é ne tóonte wég, à gwɔ́ pú’u, pʉ̀a tà ńgyɔ́ɔn ná ndǎg mbwo Ssé yɔ́b nà twó ség.

1 Korento 2:7

Á gʉa ná peg, mbà peg la’te yég pɔ́ zsé nò Ssé gie ee nkʉ̀’ʉ nò gie e kɔ̌ɔn ńgwɔ́ pɔ́ lelyěen, mbà Ssé la lá’ ńnyɛte ńzáb tà njÿó nyé té gwɔ̌ wó légwɔ́ gie, à ge lá’ lɔg ńnáa legú’ wege.

Roma 15:30

Mefɛ́ pɔ́ɔn, á cʉa ná Cʉ̀apʉ̀a wege Yěsô Kristo mbɔɔ ná pá’ a Zẅìge Ndʉalʉ̌a ne ńgÿo pege gẅiin nkwòŋe tsetsɛ̀ɛ pege la, mèŋ sẅíŋte gẅi ngie pi lɔgɔ lésẅíŋte Ssé ńkẅéte wɔ̀ɔn. Pi sẅíŋte Ssé nà twó yɔ́ɔn, ńcʉ́’ʉ lésẅíŋte, ésẅíŋte lê ngwòŋ ntʉ́m gẅi ntsèm,

Megàŋ ntúm 18:26

Á gɔɔn nò Ssé *ndá cú’tè pà Yuda, éshʉa shʉ̌a. Piriska pɔ́ Akilas jú’u shwóŋè yé ńdɔgɔ yé ńgʉa, ńnyɛte ńda’te yé nò ńnáa ná mánzsè Cʉ̀apʉ̀a.

Megàŋ ntúm 4:13

Epʉ̀a pie la ńnéŋe ssé ně ŋaga wɔ́b, gyá ntí gie Piɛ pɔ́ Jâŋ lɔ̌g ńgɔɔn nò té pɔ́g á kʉ’ʉ wɔ́b, mélà’mie pɔ́ la ne ńzsé ngie pɔ́ gwɔ́ pɔ́ memeen pʉ̀a, mbà pɔ́ la té zí’i sekúd tɛ’ wɔ́. Pɔ́ léen ńké ńdiŋ ngie pɔ́ gÿo pu’u, á nue pâ Yěsô kɔ́ɔn ńteme kwò ńgiŋe.

Megàŋ ntúm 2:4

À Zẅìge Ndʉalʉ̌a pú ńjÿó wɔ́b métsèm. Pɔ́ zye leshwóŋó meshwóŋè melá’a ndyɛ̀’ɛ, éshwóŋó pá’ Zẅìge nǎ tʉ̀ ngie pɔ́ shwóŋó pú’u.

Megàŋ ntúm 9:29

ńgyá pà Yuda pie pɔ́ shwóŋe Gelekia, pâ pɔ̌ zoŋo nò mǒ zoŋ tà pɔ́ cʉ́’ʉ fa’a shÿó pɔ́ lézẅé yé.

Roma 16:25

Pege gu’te Ssé. Yé zɔ ku’u légÿo pi tʉte tʉte nzèm yé. Nkʉ̀ Mbòŋo gẅie mèŋ n tsẅii é gɔɔn nò ná Yěsô Kristo, é ge ne fa’a yɛ̌ fà’. E Ssé lɔgɔ wɔɔn Nkʉ̀ Mbòŋo, ńnyɛɛ mmó gie à la zába ná Kristo, mbà á ka zɔ̌ɔn ńgwɔ́ pɔ́ lelyěen tà fó taa mángù’.

2 Korento 6:11

Pi meshǔ peg pie ée Korento, peg shwoŋó gẅi nò té le’e mvwɔ́’, peg pǔ ńnyɛ́’ ntʉ́m wég ńnyɛɛ gẅí.

Efeso 3:9

Mbɔɔ pá’ mèŋ n ge nyɛɛ mángyɛ̌, mé zsé pá’ e Ssé ge gÿo ammó gie à la lá’ ńzáb, mbà á ka zɔɔn ńgwɔ́ pɔ́ ntsèm la, ge pumte pú’u. Yé Ssé gẅie à la nyɛte kɔ̀ɔkɔ́ɔ, à la lÿoon yɛ̌ nò tà ńkú fʉ̀’ɔɔn,