Efeso 6:13 - Nouveau Testament en Ngienboum

¹³ Áa mmó gie á gÿo tá á ne ńzɛ́te ngie, pi kaa shúm ncù Ssé pɔ́ ntsèm, tá ńku’u légwɔ́ gie lyɛ’ɛ́ lá’ tepòŋ ge tó, pi ma’ ncù meshÿó meshÿó tà ńtsẅé jʉ’, é ké le ŋele.

Efeso 6:13 Referans Kwoze

2 Korento 10:4

Eshúm sie peg lɔgɔ ḿma’a ncù é té gwɔ́ pɔ́ se pʉ̀a mesoŋ wɔ́, metʉ̀ mie ée mǒ fóo mbwo Ssé, légwɔ́ gie peg ge lɔg tágte kɔ̀ɔkɔ́ɔ gie á tʉʉ twó. Peg ne ńjÿɔ́’ɔ menkwaŋá mie é gwɔ́ pɔ́ me cÿɔ̌ nò.

Lukase 21:36

Pi pɔ́ɔn lélyé, ńně sẅíŋte Ssé fʉ̀’ ntsèm, à náa gẅi tʉ̀ lélɔg ńtsẅɛ́ menò ŋwɛ́ mie é ne ńtóo, mbɔɔ lélɔg ńtyé mvfò Míŋ Nyìŋ.

Efeso 5:16

pie pɔ́ zsé lézẅɛ́’ melyɛ’ɛ́ lá’ mie Ssé náa mbwo pɔ́b, éfa’ mefà’ mbòŋo, á nue afʉ̀’e njÿó yɔɔn té poŋ.

Lukase 8:13

Ajʉ’ ye metóon é gwɔ́ pʉ̀a pie pɔ́ jú’u shwóŋè Ssé, ésẅɛte ńzẅíŋ nê lekág tá á té lyɛ menŋaŋ wɔ́, ńgwɔ́ pʉ̀a lyɛ̌’ɛ lá’, ngɔ́’ gwɔ́ tà ńtó, pɔ́ gwóon ńgwá’.

Ŋwà’ne Ngyà jʉ’ 3:10

Pá’ pi ka kú’te shwóŋè yɔ́ɔn tà pi tè kʉ́a la, mèŋ yɔ́ɔn n ge gÿo tÿɔ́’te gẅi nà fʉ̀’ gie ngɔ́’ ge gÿo tóo tsɛ̀ɛ yɔɔn njÿó ntsèm, é lʉŋte pʉ̀a mesoŋ pie ée ndùmo ssé tsetsá’.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

Efeso 5:6

Tà nyìŋ lɔgɔ púu shwóŋè, éfʉʉ gẅí. Menò mie mé tʉ́ʉ lɔɔn zɔɔn ńgÿo Ssé gyáŋa lóŋ ńtí pʉ̀a pie pɔ́ té gÿo mmó gie à ne ńkwoŋo wɔ́.

Ŋwà’ne Ngyà jʉ’ 6:17

Á nue máamáa lyɛ’ɛ́ lá’ gie pɔ́ ge gyáŋa lóŋ aa pá’ɔɔn, mbà a tǒ, ńgwɔ́ wɔ̌ vwɔ’ɔ?

Roma 13:12

Letsẅɛ́’ zyě ńgiŋ, njÿó ne ńdʉ́a. Pú’u la, pege gwá’ mefà’ mie mé fa’a pɔ́ tsɛ̀ɛ nzěm, pege kaa shúm ncù sie mé tyé ná jʉ’e kyɛ̀’, ńdɔg ńdÿɔ́’ ncù.

Ŋwà’ne Jâg 4:7

Pú’u la, pi ne ńnuŋe ssé mvfò Ssé, ńne ńdʉ’ʉ Sátà, à fó lejʉ́ŋ pi ńkÿo.

1 Piɛ 4:1

Pá’ Kristo la gyá ngɔ́’ ná mbab nnɛ́ la, pi gí pi gwɔ́ twó pi, ńtyé légyá ngɔ́’ pá’ yé, ńne ńzsé ngie yé Kristo gẅie à la gyá ngɔ́’ nà mbab nnɛ́, à la maga nò nò tepòŋ.