Efeso 6:10 - Nouveau Testament en Ngienboum

¹⁰ Nzsò nzèm nò gie mèŋ n ge shwóŋó gẅí, á gwɔ́ pɔ́ ngie: Pá’ pi la nnɛ́ ná Cʉ̀apʉ̀a la, pi kẅé metʉ̀ mbwo ye. Àa ngàŋ metʉ̀ ntsèm. Pi kẅé metʉ̀ mbwo ye.

Efeso 6:10 Referans Kwoze

Filipo 4:13

Kristo zɔ náa wɔ̀ɔn metʉ̀, tá mèŋ n ku’u légÿo pú’u.

1 Korento 16:13

Tà pi gwá’a lÿɔ̀g ńdyé, pi záb ntʉ́m nà Ssé té kʉ́a, pi gwɔ́ mbàŋa, pi tʉ tʉ.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

Kolosia 1:11

Peg gǐŋ ne ńdúɔ mbwo Ssé ngie à lɔg pá’ metʉ̀ pɔ́ legú’ e gwɔ́ pɔ́ mé, ńgÿo pi kwa’ ńtʉte tá ńku’u léshÿɔg menò ntsèm té tsyɛte nnɛ́.

Efeso 1:19

Mèŋ n giŋé ne sẅíŋte yé ngie à gÿo pi zsé ngie metʉ̀ mé pú fáŋ ńcʉa metʉ̀ ntsèm, mbɔɔ ngie à gÿo pi zsé pá’ mɛ̌ metʉ̀ tóonte wégè pàzáb ntʉ́m ná ye pú’u.

Efeso 3:16

n né ńdúɔ mbwo yé ngie à lɔg pá’ legú’ we fǎŋ tɛ’ la, ńzẅíŋ, ńgÿo à Zẅìge yé náa gẅi tʉ̀ légwɔ́ gie ntʉ́m gẅi ge cwoŋo tʉte tɛ’.

2 Timote 4:17

Cʉ̀apʉ̀a zɔ la tè wɔ̀ɔn gwá’. À la tóonte wɔ̀ɔn tá mèŋ n tsẅi nkʉ̀ wé pá’ á ne ńzɛ́te ngie mé tsẅi, ta pʉ̀a pie é té pà Yuda wɔ́ jú’ metsèm. Á fó ncwò mepú’ ntʉ̀ ńkẅile wɔ̀ɔn.

2 Timote 2:1

Ńké ńgʉa ná gù míŋ wɔɔn, ɔ̀ ké ne ńjʉ́’ʉ pɔ́ nà metʉ̀ mie Yěsô Kristo lɔgɔ ńcÿó gʉm yégè, ńzsé ngie ɔ̀ ge tʉte tsɛ̀ɛ nò gie áa nénʉ́.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

1 Piɛ 3:8

Mèŋ n ge gwaa cʉ́me, é gɔɔn fʉ̀’ɔɔn mbwo mânyìŋ ntsèm ngie, pi gẅiin tà’ ncwò, nyìŋ gẅi gyá nò nyìŋ pá’ yé, ńgwɔ́ ngàŋa tsɔ́ɔn mezìŋe, ńgẅiin nkwòŋe mefɛ́ mefɛ́, ńná nnɛ́ ssé.

Filipo 3:1

Áa nà fʉ̀’ɔɔn, mbà mefɛ́ pɔ́ɔn, pi ne ńkága kǎg ńtí Cʉ̀apʉ̀a. À lɔɔn ńgwɔ́ n de kʉ́a léŋwe’e ŋwà’ne mbwo pi lélɔg ńkímte gẅi á mmó gie n ka zɔɔn ńgɔɔn mbwo pi wɔ́. Á ge pyɛ́bte gẅi légwe ná mejÿɔ’.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

1 Jâŋ 2:14

Penkʉ́ pɔ́ɔn, mèŋ n gee pá’ɔɔn ńne ńŋwe’e shwóŋó gẅi ngie pi ne ńzsé Tá wege, ńgʉa ná pi melÿò, mbà mèŋ n gee pá’ɔɔn ne shwóŋó gẅi ngie pi ne ńzsé nyìŋ gẅie aa wó tà fó nzyeté, ńgʉa ná pi pûɔ shum, mèŋ n ne shwóŋó gẅi ngie, pi ne ńtʉte tʉte, ashwóŋè Ssé ké ńgwɔ́ pɔ́ ntʉ́m pi, pi kěen ńtʉ̀ ńcʉa nyìŋ tepòŋ.