Efeso 6:1 - Nouveau Testament en Ngienboum

¹ Ńgʉa ná pi penkʉ́, awɔ̌wɔ́ɔ jú’ ncwò tá we pɔ́ má we ná pá’ Cʉ̀apʉ̀a ne ńkwoŋo. Áa mmó gie á tyé ndʉŋ ndʉŋ, pi gẅiin légÿo pú’u.

Efeso 6:1 Referans Kwoze

1 Timote 5:4

Ampfɔ̌g manzwě lɔɔn ńgẅiin penkʉ́, kà penkʉ́ penkʉ́ pé wɔ́, mbà á ne ńzɛ́te ngie pɔ́ kẅéte yé tá ńdíe mánzsè. Pɔ́ gẅiin léfó ná yɔb mbʉ̀a, ńzí’i légÿo mmó gie á poŋ Ssé, ńdíe metá pɔ́b pá’ pɔ́ la zɔɔn ńdíe wɔ́b yɔ́b. Á nue yɛ̌ nò áa mboŋ mvfò Ssé.

Roma 12:2

Tà pi gÿo mí menò pá’ pʉ̀a pie ée tsɛ̀ɛ njÿó fʉ̀’ɔɔn. Pi zẅíŋ e Ssé ne ńnáa legyè se sẅé né pi ńdɔgɔ ńkúbe gi ntí lékwaŋa nò pɔ́ ntsèm, à cʉa pú’u, pi ku’u lézsé mmó gie yé Ssé ne ńkwoŋo ngie pi gÿo. Pi zsé mmó gie áa mbòŋ, ńzsé gie á poŋo yé, ńzsé gie tsɔ́ *lɔ̌’ té mǒ wɔ́.

Roma 7:12

*Lepʉ̌ lɔgɔ pú’u, éfóo mbwo Ssé, anò gie é tsẅi ngie mé gÿo gíŋe fó yé pɔ́ mbwo Ssé, ńgwɔ́ nò gie áa ndʉŋ ndʉŋ, ńgwɔ́ gie áa ḿboŋ.

Lukase 2:51

À la gɔɔn pú’u, pâ pɔ̌ piŋ nzèm né Nǎzarɛd, á ně ńjú’u ncwò wɔ́b. Má we ké ńde’e mɔɔn menò ntsèm pɔ́ tsɛ̀ɛ ntʉ́m yé.

1 Piɛ 2:13

!Pi cʉa nà lezíŋ Cʉ̀apʉ̀a ńjú’ ncwò pàsá’a lá’ métsèm. Pi jú’ ncwò Kasa gẅie à tyé mvfó pàsá’a lá’ métsèm,

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

Roma 16:2

Pi lɔg lezíŋ Cʉ̀apʉ̀a ńkúe yé nà ntí gie pʉ̀a Kristo gẅiin lékúe nyìŋ pú’u. Pi tyé pá’ yɛ̌ nò wɔ́ lɔɔn ńcʉa yé, tà á ga’te mbwo pi, pi kẅéte yé mǒ. Kwà’ yé léen ńkẅéte pʉ̀a tɛ’, ńgíŋ ńkẅéte wɔ̀ɔn yɔ́ɔn.