Efeso 5:9 - Nouveau Testament en Ngienboum

⁹ Mèŋ n gɔɔn pú’u, mélà’mie, apì légwɔ́ jʉ’e fɔ̌g aa legÿo menò mbòŋo, ńgÿo menò mie ée mvfò Ssé ńgwɔ́ ndʉŋ ndʉŋ, ńnéŋe tsɛ̀ɛ nò nénʉ́.

Efeso 5:9 Referans Kwoze

3 Jâŋ 1:11

Ashǔ wɔ̀ɔn we tʉ̀ nzẅìŋ, pɔ́ɔn lépí fʉ̀’ nò tepòŋ, pí pɔ́ fʉ̀’ nò mbòŋo. Nyìŋ gẅie à gÿo nò mbòŋo aa Míŋ Ssé, nyìŋ gẅie à gÿo nò tepòŋ à tè Ssé zsé,

Roma 15:14

Mefɛ́ pɔ́ɔn, kwà’ mèŋ n ne ńzsé ngie pi gẅiin pòŋo ntʉ́m tɛ’, ńne ńnyɛte ńzsé mmó gie á zɛ́te ngie mé zsé, ḿbiŋ ńku’u létÿɔ́gte mennɛ́ mí pi né pi.

Efeso 6:14

Pú’u la, tà pi ŋele. Anò nénʉ́ gwɔ́ kwɔb gẅie pi lɔ̌g ńtʉ́me zẅɛ̌’ gí, ammó gie á tyé ndʉŋ ndʉŋ gwɔ́ nzsǒ ncù gie pi ge ma’a ná pi.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

Filipo 1:11

Yěsô ge gÿo pi ké ne fa’a pɔ́ mefà’ mbòŋo, ńzsé ngie pʉ̀a ge ne gyá, é gu’te Ssé, é gé’e lezíŋ sé.

1 Jâŋ 2:29

Pi ne ńzsé ngie Kristo gÿo mmó gie áa ndʉŋ ndʉŋ mvfò Ssé, pú’u la pi gíŋe ńzsé ngie nyìŋ lɔɔn ńgÿo mmó gie áa ndʉŋ ndʉŋ mvfò Ssé, mbà à ge cʉ́’ʉ míŋ Ssé.

Heber 11:33

Pɔ́ ée pʉ̀a pie pɔ́ la fó pɔ́ ná pá’ pɔ́ la záb ntʉ́m wɔ́b nà Ssé, ḿma’ ncù ńjÿó túmo túm, ésá’a lá’ pɔ́ ndʉŋ ndʉŋ, pɔ́b léen ńzẅí’te mmó gie Ssé la ka’a mbwo pɔ́b tà ńgẅiin, ńjÿɔ́’ ncwò mepú’ ntʉ̀,

Efeso 4:15

Tà ńcʉ́’ pú’u, pege kwoŋe pege né pege, nyìŋ shwóŋó nò nénʉ́ á mbwo fɛ́ we, ńgú’u nà meshÿó ntsèm, Kristo gÿo pege ne ńdɔgɔ ndɔ́ɔn ndɔ́ɔn ńkẅi’i ńgwɔ́ pá’ yé gẅie aa twó nà mbùm nnɛ́.

Roma 2:4

Ɔ̀ ne gÿo pú’u, ńcʉ́’ʉ ńdɔgɔ ńgwága Ssé gwǎg, nne ngie à gẅiin pòŋo ntʉ́m, à té lwo ńcÿɔ́g wɔ́, à gẅiin kwɔ́gɔ nnɛ́. Ɔ̀ɔ pú’u, ɔ̀ té ne ńzsé ngie à gẅiin pòŋo ntʉ́m nzèm gù pú’u, pɔ́ lélɔg ńgÿo ɔ̀ kúbe mà wɔ́ ka?

Heber 1:8

Tá ńké ńgʉa ná míŋ we, á gɔɔn ngie: Gù Ssé, à lʉŋe lefùɔ jú áa lá’a gwɔ́ pɔ́ wó. MÀbɔ́ɔnte ngie: Ntí gie ɔ̀ ne ńdɔgɔ sá’a lá’ jú ee ndʉŋ ndʉŋ.

Efeso 4:25

Á lɔɔn ńgwɔ́ pú’u, pi gwá’ cÿɔ̌ nò. Nyìŋ gɔɔn pɔ́ nò nénʉ́ mbwo mefɛ́ pé, mélà’mie pege pǔ ńgwɔ́ pɔ́ mekèm tà’ mbùm nnɛ́ yémɔ’ɔ́.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Matio 3:8

Pi gÿo pɔ́ menò mbòŋo mie e nyɛɛ ngie pi kubé mà.

Kolosia 3:18

Pi pànzwě pie pi zɔ̌’, wɛ̌ nyìŋ wɔ́ ná pi, ná mbùm ye ssé mvfò ndùm we. Áa pá’ á poŋ ngie manzwě gẅie à la nnɛ́ ná Cʉ̀apʉ̀a gÿo.