Efeso 5:23 - Nouveau Testament en Ngienboum

²³ Á nue ndǔm manzwě aa twó, manzwě gwɔ́ mbùm nnɛ́. Kristo aa twó, acú’tè pʉ̀a pé gwɔ́ mbùm nnɛ́. Yé zɔ gÿo tá cú’tè pʉ̀a pé gẅiin le gwɔ́ tèmì.

Efeso 5:23 Referans Kwoze

Kolosia 1:18

Ye zɔɔ twó nà mbùm nnɛ́ gie áa cú’tè pʉ̀a pé. Legwɔ́ wó we sẅé à zye pɔ́ ná yé, aa ndùŋ mvfò nyìŋ gẅie à la kwé ḿbiŋ ńzím, pú’u ńzsé ngie yé zɔ ge gwɔ́ ndùŋ mvfò ná kɔ̀ɔkɔ́ɔ.

Efeso 4:15

Tà ńcʉ́’ pú’u, pege kwoŋe pege né pege, nyìŋ shwóŋó nò nénʉ́ á mbwo fɛ́ we, ńgú’u nà meshÿó ntsèm, Kristo gÿo pege ne ńdɔgɔ ndɔ́ɔn ndɔ́ɔn ńkẅi’i ńgwɔ́ pá’ yé gẅie aa twó nà mbùm nnɛ́.

1 Tesalonika 1:10

Pú’u, ńcʉ́’ʉ ńzẅí’te pɔ́ ngie Míŋ we fó tÿǒ lepwó ńtó, Míŋ we ŋwɛ́ aa Yěsô, mbà Ssé la zíme yé nà legwé. Yé zɔ ne ḿbe’e wégè nà ngʉ̀ngʉ̀ gie e ne ńtóo.

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.

1 Korento 6:13

Pi giŋé ně ńgɔɔn ngie: Mé la gÿo mmó lejÿó ńtí lepfòm, ńgÿo lepfòm ńtíi mmó lejÿó. Áa nò tá’ e Ssé ge gÿo tágte mmó lejÿó gwá’, é gíŋe tágte lepfòm. Mbɔɔ pú’u, ńgwɔ́ nyìŋ á lelɔg mbùm ye ńgÿo kɔ̀ɔkɔ́ɔ gie à kwǒŋ wɔ́, á nue mbùm nyìŋ ee ye Cʉ̀apʉ̀a, Cʉ̀apʉ̀a zɔ̌ líe nò náa mǒ.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

Efeso 5:24

Ndʉŋ ndʉŋ pá’ cú’tè pʉ̀a Kristo ne ńnáa mbùm ye ssé mvfò Kristo la, á zɛ́te ngie a gʉa ná pi pànzwě, awɔ̌wɔ́ɔ ná mbùm ye ssé mvfò ndǔm we pɔ́ pú’u.

Ŋwà’ne Ngyà jʉ’ 19:7

Pege kág, ńnáa gugẅî, ńnáa legú’ mbwo yé. Á nue eshúm léjÿó línɔ́ɔn lɔ́ɔn ndá mûɔ *Njʉ̀njÿò é sɔ́ɔn. Anzwě ngʉ̀ we, kẅǐŋ mbùm ye tà ne ńzẅí’te.