Efeso 5:21 - Nouveau Testament en Ngienboum

²¹ Pi lɔg pá’ pi ná mbùm gi Ssé mvfò Kristo, wɔ̌wɔ́ɔ ná mbùm ye Ssé mvfò fɛ́ we.

Efeso 5:21 Referans Kwoze

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

Efeso 5:24

Ndʉŋ ndʉŋ pá’ cú’tè pʉ̀a Kristo ne ńnáa mbùm ye ssé mvfò Kristo la, á zɛ́te ngie a gʉa ná pi pànzwě, awɔ̌wɔ́ɔ ná mbùm ye ssé mvfò ndǔm we pɔ́ pú’u.

Efeso 5:22

Á gʉa ná pi pànzwě, awɔ̌wɔ́ɔ ná mbùm ye ssé mvfò ndúm we pá’ à náa mbùm ye ssé mvfò Cʉ̀apʉ̀a.

1 Piɛ 5:5

Á gʉa ná pi gí pûɔ shùm, pi ná nnɛ́ ssé mvfò pàkẅé mvfò tsɛ̀ɛ cú’tè, ńgʉa ná pʉ̀a metsèm, tà pi ne ńgÿo tsɔ́ mmó, nyìŋ gẅi kwaŋ ngie à cʉa wetsɔ̌. Á nue ŋwà’ne Ssé gɔɔn ngie: E Ssé lʉ’ pàŋá’te nnɛ́ lʉ’, ńké ńdɔgɔ pòŋo ntʉ́m ńdíe pʉ̀a pie é sẅí’i mbùm yɔb ńnáa ssé.

Heber 13:17

Pi jú’ ncwò pʉ̀a pie pɔ́ tsyeen gẅí. Pi ná nnɛ́ ssé mvfò pɔ́b, á nue pɔ́ ne ńdíe gẅi ngwòŋ fʉ̀’ ntsèm, ńne ńzsé ngie pɔ́ ge lá’ tyé mvfò Ssé píte ntí gie pɔ́ la lɔg fa’a tsetsɛ̀ɛ pi. Pú’u la, pi gÿo nà ntí gie pɔ́ ge fa’a fà’ yɔ́b nê lekág, tà pɔ́ le ne ńga’te ga’te wɔ́, á nue á lɔɔn ńgwɔ́ pú’u, pi le zẅɛ́’.

1 Piɛ 2:17

Pi ná mekù’ mânyìŋ ntsèm, ńkwoŋ mefɛ́ pi pʉ̀a Kristo, ḿbɔ́g Ssé, ńná mekù’ fùɔ.

1 Timote 3:4

À gwɔ́ nyìŋ gẅie à líe mbʉ̀a ye mboŋó, ńgwɔ́ nyìŋ gẅie à gẅiin penkʉ́ pé nà ntí gie pɔ́ ge jú’ ncwò wé, é gÿo mekù’ mé.

Galatia 5:13

Mefɛ́ pɔ́ɔn, á gʉa ná pi, mbà Ssé la tóŋo gẅi pá’ pi ge tsẅɛ́ nkwɔɔn *lepʉ̌. Tá’ tà pi zẅɛ’ pú’u, ńgÿo mmó gie mbùm gi zɔ sá’a gwí pi gÿo. Tà ńcʉ́’ pú’u, pi lɔg pá’ nkwòŋe ee tsetsɛ̀ɛ pi ńkẅéte mennɛ́ mí.

1 Timote 2:11

Pànzwě lɔɔn ńnéŋe ńtóo tsɛ̀ɛ cú’tè, pɔ́ pʉ́le ńnéŋe ssé, ńzẅí’te mmó gie mé ne ńzí’i tà pɔ́ le pége shwǒŋ wɔ́.

1 Korento 16:16

Pi jú’ ncwò pʉ̀a pá’ pɔ́b, mbɔɔ we pʉ̀a pie pâ pɔ́ pú ńtéŋe zì’i.

1 Piɛ 2:13

!Pi cʉa nà lezíŋ Cʉ̀apʉ̀a ńjú’ ncwò pàsá’a lá’ métsèm. Pi jú’ ncwò Kasa gẅie à tyé mvfó pàsá’a lá’ métsèm,

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

2 Korento 5:11

Pá’ peg ne ńzsé mmó gie mé tóŋo lê lepɔgɔ́ Cʉ̀apʉ̀a la, peg neŋé fa’ pɔ́ shÿó, ńgÿo pʉ̀a cwoŋo ńzsé pʉ̀a pie peg ee pɛ̌. E Ssé ne ńcwoŋo ńzsé pʉ̀a pie peg ee pɛ̌, mèŋ m biŋ ne ńkwaŋa ngie pi ee tsɛ̀ɛ ntʉ́m gẅi ne ńcwoŋo ńzsé gí pʉ̀a pie peg ee pɛ̌.