Efeso 5:19 - Nouveau Testament en Ngienboum

¹⁹ Pú’u, pi ne ńzɔbɔ mezɔ́bɔ ntse mie ée tsɛ̀ɛ ŋwà’ne ńdɔgɔ ńkẅiŋte mennɛ́ mí, ńzɔb mezɔ́b pʉ̀a Kristo, ńzɔb mezɔ́b mie Zẅìge Ssé neŋé ntʉ́m pi. Pi zɔb ńgu’te Cʉ̀apʉ̀a nê ngwòŋ ntʉ́m gẅi ntsèm.

Efeso 5:19 Referans Kwoze

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

1 Korento 14:26

Mefɛ́ pɔ́ɔn pá’ áa pá’ɔɔn lɔɔn pege gÿo lêkɔ́? Pi lɔɔn ńgwɔ́ tà ńcú’te nyìŋ gẅi gẅiin zɔ́bɔ ntse á zɔb, nyìŋ gẅiin mmó gie à ge zí’i petsɔ́ pʉ̀a á zí’i, nyìŋ gẅiin mmó gie e Ssé ne ńnyɛɛ yé, á shwóŋ, nyìŋ gẅiin nò gie à ge gɔɔn lê shwóŋè gie mé té ne ńzsé wɔ́ á gɔɔn, nyìŋ gẅiin lékyagte á kyagte. Tá’ á ne ńzɛ́te ngie sɛ̌ shúm ntsèm e kẅéte lélɔg ńgÿo à cú’tè pʉ̀a Kristo ntsèm kẅi’i ńzáb ntʉ́m nà Ssé.

Megàŋ ntúm 16:25

Tsɛ̀ɛ tsẅɛ́’ gÿo ne ńku’u, Pɔl pɔ́ Silas ne sẅíŋte Ssé, ńzɔbɔ ntse ńdɔgɔ ńgú’te yé. Petsɔ́ megàŋa tsǎŋ ne ńjú’u,

Ŋwà’ne Jâg 5:13

Nyìŋ gẅi lɔɔn ńne ńgyá ngɔ́’, á sẅíŋte Ssé, ńne ńkága á zɔb mezɔ́bɔ ntse ńdɔg ńgu’te Ssé.

Matio 26:30

Pâ pɔ́ leen ńké ńzɔb mentse ńdɔg ńgu’te Ssé, àfʉ̀’ ku’ pɔ́ kẅɛ, ńgʉa né ndùm lekwɔ’ɔ́ metÿǒ mèvɛ olive.

Matio 15:8

«Pʉ̀a pɛ̂ lɔgɔ pɔ́ ndà’ ncwò wɔ́b ńgu’te wɔ̀ɔn, ntʉ́m wɔ́b té ná mèŋ wɔ́.

1 Korento 14:15

Tà áa pú’u, pá’ɔɔn ńgwɔ́ mèŋ n gÿo lêkɔ́? N gyǎ ngie n ge sẅíŋte Ssé nà ntí gie Zẅìge ne ńtsóte wɔ̀ɔn ngie mèŋ sẅíŋte pú’u, tá’ é gíŋe sẅíŋte nà ntí gie ńgwɔ́ nyìŋ jú’u nò gie n gɔ̌ɔn. Mèŋ n ge zɔb ntse nà ntí gie Zẅìge ne ńtsóte wɔ̀ɔn ngie mèŋ n zɔb pú’u, tá’ é gíŋe zɔb á nà ntí gie ńgwɔ́ nyìŋ jú’u mmó gie azɔ́b gɔɔn yɛ̌,

Ŋwà’ne Ngyà jʉ’ 5:9

Melÿò pá, pâ menɔ̀ɔn pá ne ńzɔbɔ zɔ́bɔ ntsè ye sẅé ńgɔɔn tsoló ngie: Ɔ̀ ku’u nyìŋ gẅie ńgwɔ́ ɔ̀ kẅé ŋwà’ne, ńku’u nyìŋ gẅie ńgwɔ́ ɔ̀ nyɛ́’te lìi nŋwá’ gie mé la lɔg ńdyɛte. Mé la zẅé gú ńdɔg ńnuŋe pwɔ́’ Ɔ̀ la pfɛte metse mú ńdɔg ńcu’ pʉ̀a, ńcu’ tà mbɔɔ pʉ̀a pie ée ná yɛ̌ ngẅɛ̀ ndá wɔ́, tà mbɔɔ pʉ̀a pie é shwóŋó yɛ̌ shwóŋè wɔ́, tà mbɔɔ yɛ̌ ntí wɔ́, tà mbɔɔ pe wɛ̌ ngwòŋ wɔ́, ńcu’u wɔ́b pú’u, pɔ́ piŋe mbwo Ssé.