Efeso 5:1 - Nouveau Testament en Ngienboum

¹ Pi púɔ Ssé, e Ssé kwoŋo gẅi tɛ’, pú’u la pi pí fʉ̀’ ná yé.

Efeso 5:1 Referans Kwoze

1 Jâŋ 4:11

Meshǔ pɔ́ɔn pe tʉ̀ nzẅìŋ, à lɔɔn ńgwɔ́ gie e Ssé la kwoŋo wégè pá’ɔɔn, mbà á ne ńzɛ́te ngie pege yégè gẅiin nkwòŋe tsetsɛ̀ɛ pege.

Efeso 4:32

ńdíe mefɛ́ pí pɔ́ lê ntʉ́m mbòŋo, ńgẅiin tsɔ́ɔn mezìŋe nzèm petsɔ́ pʉ̀a, pi lege mefʉ̀a tsetsɛ̀ɛ pi né pi, ndʉŋ ndʉŋ pá’ Ssé la cʉa ná Kristo ńdege mí gí né pi.

Matio 5:48

Pú’u lá, pi gwɔ́ pàtè *lɔ̌’, pá’ Tá gẅi gẅie aa tÿǒ lepwó aa tè *lɔ̌’

Kolosia 3:12

E Ssé la kwoŋo gẅí, ńtsɔ́’ɔ gẅí, ńdɔg ńgÿo pʉ̀a pé. Pú’u la, pi píi tsẅé sẅé ḿma’, ńtsɔ́ɔn mezìŋe petsɔ́ pʉ̀a tɛ’, ńgẅiin pòŋo ntʉ́m, ńná nnɛ́ ssé, ńgwɔ́ ngàŋ mbʉ́lè, ńgẅiin shÿɔ̀gɔ ntʉ́m.

Ŋwà’ne Jâŋ 1:12

Tá’, etsɔ́ pʉ̀a kúe yé, ńzáb ntʉ́m ná yé, á leen ńké ńnáa wɔ́b tʉ̀ lécʉ́’ púɔ Ssé.

Matio 5:45

Pi lɔɔn ńgÿo pú’u, mbà pi ge gwɔ́ kwà’ púɔ Tá gẅi gẅie aa tÿǒ lepwó. À gÿo nèm we tʉ́a ná pʉ̀a tèpòŋ mbɔɔ nà pʉ̀a membòŋo, ḿbiŋ ńgÿo mbʉ̀ŋ luu ná pʉ̀a pie é kú’te *lepʉ̌ sé mbɔɔ pie é té kú’te.

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.