Efeso 4:6 - Nouveau Testament en Ngienboum

⁶ E Ssé gwɔ́ pɔ́ yémɔ’ɔ́, aa Tá pà mânyìŋ ntsèm. À pǔ sá’a pʉ̀a metsèm, ńdɔgɔ pʉ̀a metsèm éfa’a fà’ yé, ńgwɔ́ nà wɔ̌wɔ́ɔ.

Efeso 4:6 Referans Kwoze

Roma 11:36

Kɔ̀ɔkɔ́ɔ zɔɔn fóo pɔ́ mbwo ye. Kɔ̀ɔkɔ́ɔ gwaa gwɔ́ wó yé zɔ̌ gÿo tá á gwɔ́ wó, á piŋ ńgwɔ́ pɔ́ yé. Mé gu’te yé, é mengù’u mengù’. *Amen.

1 Korento 8:6

tá á ké ńgwɔ́ mbwo pege, tà’ Ssé wémɔ’ɔ́ nzɔ̌ wɔ́ wó, ńgwɔ́ Tá gẅie kɔ̀ɔkɔ́ɔ fóo pɔ́ mbwo yé. Pege piŋ ńgwɔ́ wó ńtí pɔ́ ye. Tà’ Cʉ̀apʉ̀a gwɔ́ wó ńgwɔ́ Yěsô Kristo gẅie à kɔ̀ɔkɔ́ɔ gwaa gwɔ́ wó wɔ́ɔ yé zɔ̌ gÿo. Pege piŋ ńgwaa gwɔ́ wó ńzẅɛ́’ɛ pɔ́ ye.

Ŋwà’ne Jâŋ 20:17

Yěsô gɔɔn né yé ngie: Tè gíŋe ndáte wɔ̀ɔn, á nue mèŋ n nyě tè kwɔ̌’ tà ńkúu lejʉ́ŋ Tá wɔ̀ɔn. Ké ńgʉa ńgyá mefɛ́ pɔ́ɔn, ńgɔɔn né pɔ́b ngie: Mèŋ n ge kwɔ́’ nê lejʉ́ŋ Tá wɔ̀ɔn mie à giŋé ńgwɔ́ Tá gẅi. Á lejʉ́ŋ Ssé yɔ̀ɔn gie e giŋé ńgwɔ́ Ssé gi.

1 Jâŋ 3:24

Nyìŋ gẅie à kú’te mbʉ̌ Ssé, à ké ńda nnɛ́ nà Ssé la, e Ssé la nnɛ́ ná yé. Pege fó nà Zẅìge Ndʉalʉ̌a gie Ssé nǎ mbwo pege, ńzsé ngie e Ssé la nnɛ́ ná pege.

Matio 6:9

Pi lɔɔn ne sẅíŋte Ssé pi gɔɔn ngie: Tá weg, gù gẅie ɔ́ɔ tÿǒ lepwó. Gÿo pʉ̀a mesoŋ zsé ngie ee ndà’ gú ńgwɔ́ Ssé.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

1 Korento 12:6

Pàmánzsè lélɔg fa’ mefà’, ée mentí mentí. Tá’ tà’ Ssé wémɔ’ɔ́ zɔ náa metʉ̀ mbwo wɛ̌ wɛ̌ nyìŋ wɔ́.

Efeso 6:23

E Ssé Tá, mbɔɔ Cʉ̀apʉ̀a Yěsǒ Kristo ne ńnéŋe sẅétè tsɛ̀ɛ ntʉ́m mefɛ́ mefɛ́, pɔ́ ne ńgẅiin nkwòŋe, ńne ńzába ntʉ́m pɔ́ nà Ssé.

Efeso 3:17

Mèŋ n giŋé ne sẅíŋte yé ngie à gÿo pi ké ne ńzába ntʉ́m pɔ́ ná Yěsô Kristo. Kristo lɔg pú’u, ńké ne ńnéŋe ńgwɔ́ pɔ́ tsɛ̀ɛ ntʉ́m gẅí. N giŋé ne sẅíŋte ngie à gÿo pi kwoŋ Ssé, ḿbiŋ ńgẅiin nkwòŋe tsetsɛ̀ɛ pi, à cʉa pú’u, pi tyé ńtʉ pá’ tÿǒ gie menŋàŋ mé kúu ssé, mbɔɔ pá’ ndá gie à cÿǒ á kúu ssé.

Efeso 2:22

Pi gí lâ petsɔ́ pʉ̀a, pi lɔg pɔ́ pá’ pi la nnɛ́ ná Kristo, tá ńgwɔ́ tsɔ́ gwǒŋo ndá ŋwɛ́, ńdɔgɔ ńgwɔ́ ndá gie mé ne ḿbwóon, á gwɔ́ jʉ’ gie e Ssé ńnéŋe wó, tá Zẅìge yé zɔ̌ gwɔ́ wó.

Ŋwà’ne Jâŋ 17:26

Mèŋ n ka zí’i wɔ́b lézsé nyìŋ gẅie ɔ́ɔ wɛ̌, mèŋ n ge ké ne gÿo pɔ́ ne ńzsé gú zsě, ńkwoŋe pɔ́b nê pɔ́b pá’ ɔ̀ kwoŋo wɔ̀ɔn, mèŋ m biŋ ńgwɔ́ ntʉ́m pɔ́b. Gÿo pɔ́ zsé lezíŋ shú, mèŋ n ge gíŋe gÿo pɔ́ zsé gú. À cʉa pú’u, nkwòŋe gie ɔ̀ la lɔg ńkwoŋo wɔ̀ɔn, e gwɔ́ ná pɔ́b. Mèŋ n gwɔ́ yɔ́ɔn né pɔ́b.

Ŋwà’ne Jâŋ 14:23

Yěsô tsɔ́’ɔ mbwo yé ngie: Nyìŋ lɔɔn ńkwoŋo wɔ̀ɔn, mbà à ge kú’te shwóŋè yɔ́ɔn. Tá wɔ̀ɔn piŋ ńkwoŋo yé, peg Tá wɔ̀ɔn tó ńtsɛ́ɛ yé, ńcʉ́’ʉ ńnéŋe pɔ́ tsɛ̀ɛ ntʉ́m ye.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Efeso 1:21

Á gwɔ́ jʉ’ó ńdɔgɔ ḿbú ńcʉa ngwòŋ *mecÿɔ́’ Ssé pâ mefùɔ pɔ́b mbɔɔ setsɔ́ shúm sie é gẅiin metʉ̀ tÿǒ lepwó. Á cʉa mânyìŋ ntsèm tà pá’ angàŋ lɔɔn ńgwɔ́ pɔ́ wɔ̌ wɔ́ɔ, kà pɔ́ ná yɔɔn kème njÿó wɔ́ɔ, kà pɔ́ ná gie á ge lá’ tá tó wɔ́ɔ.