Efeso 4:3 - Nouveau Testament en Ngienboum

³ Pi kag tʉ̀ lé ké ńgẅiin pɔ́ tà’ ncwò gẅie à fóo mbwo Zẅìge Ssé, yɛ̌ zɔ̌ gwɔ́ ná mbʉ́lè mbwo pʉ̀a, ńnáa wɔ́b tà’ ncwò.

Efeso 4:3 Referans Kwoze

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

Heber 12:14

Pi fa’ pá’ pia mânyìŋ ntsèm ge ńnéŋe lê mbʉ́lè. Pi fa’ mbɔɔ pá’ pi ge gÿo mmó gie Ssé tè gyá *lɔ̌’ mǒ wɔ́. Á nue nyìŋ lɔɔn ńgÿo mmó gie e Ssé ge gyá *lɔ̌’ mǒ, ngaŋ lelá’ ńgyá Cʉ̀apʉ̀a wɔ́.

Ŋwà’ne Jâŋ 13:34

Mèŋ n ge ná *lepʉ̌ se sẅé né pi, e gwɔ́ ngie: Pi kwoŋe pi né pi. Pá’ mèŋ n da kwoŋo gẅi lá, pi gí kwoŋe pi né pi.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

1 Tesalonika 5:13

Pi gÿo mekù’ mɔ́b mboŋó, ńkwoŋo wɔ́b tɛ’, ńtí twó fà’ gie pɔ́ ée mǒ, ḿbɔ́ɔn cÿɔ́g tsetsɛ̀ɛ pi.

Efeso 4:4

Mbùm nnɛ́ Kristo ee yémɔ’ɔ́, a Zẅìge ndʉalʉ̌a gwɔ́ yémɔ’ɔ́ ndʉŋ ndʉŋ pá’ mmó gie e Ssé la tóŋo gẅí, pi ne ńzẅí’te á gwɔ́ pɔ́ yémɔ’ɔ́.

Efeso 4:13

À kẅi’i ńgʉa nê mvfò tà pege cʉ́’ ńgẅiin pɔ́ tà’ ncwò gẅie à fóo ná pá’ pege záb ntʉ́m wégè pɔ́ ná Yěsô Míŋ Ssé, ḿbiŋ ńzsé yé, ńgú’ tà tsɔ́ mmó le gíŋe ńzága wégè wɔ́, pá’ áa ná yé ńgwɔ́ pú’u.

Malékuse 3:24

Epʉ̀a tà’a lá’ lɔɔn sele ńdÿɔ́’ ncù tsetsɛ̀ɛ pɔ́b, mbà yɛ̌ lá’ ge pyé.