Efeso 4:15 - Nouveau Testament en Ngienboum

¹⁵ Tà ńcʉ́’ pú’u, pege kwoŋe pege né pege, nyìŋ shwóŋó nò nénʉ́ á mbwo fɛ́ we, ńgú’u nà meshÿó ntsèm, Kristo gÿo pege ne ńdɔgɔ ndɔ́ɔn ndɔ́ɔn ńkẅi’i ńgwɔ́ pá’ yé gẅie aa twó nà mbùm nnɛ́.

Efeso 4:15 Referans Kwoze

1 Jâŋ 3:18

Penkʉ́ pɔ́ɔn, tà pege lɔg pɔ́ ndà’ ncwò ńgɔɔn né nyìŋ ngie pege kwoŋo yé. Tà é ké ńgwɔ́ pɔ́ nkwòŋe mekùb ncwò. Pege lɔg pɔ́ mmó gie pege gÿǒ, tá à gwɔ́ nò ngie pege ne ńkwoŋo yé.

Efeso 4:25

Á lɔɔn ńgwɔ́ pú’u, pi gwá’ cÿɔ̌ nò. Nyìŋ gɔɔn pɔ́ nò nénʉ́ mbwo mefɛ́ pé, mélà’mie pege pǔ ńgwɔ́ pɔ́ mekèm tà’ mbùm nnɛ́ yémɔ’ɔ́.

1 Piɛ 1:22

Pi ka lɔgɔ lézẅíŋe nò gie áa nénʉ́, ésɔg ntʉ́m gẅí. Légwɔ́ gie pi ge kwoŋ mefɛ́ pi pie pia pɔ̌ zába ntʉ́m nà Ssé, é kwoŋo wɔ́b tà shwóŋó nò. Pú’u la, pi gẅiin kwà’ nkwòŋe tsetsɛ̀ɛ pi, nyìŋ kwoŋo fɛ́ we lê ntʉ́m we ntsèm.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

Efeso 2:21

Yé zɔ gÿo tá mesǎg ndá tyé ndʉŋ ndʉŋ, ńkwɔ́’ né tÿǒ, é gwɔ́ ndá gie e Ssé yé máŋwɛ́ ńnéŋe tsoló.

Efeso 1:22

E Ssé léen ńnéŋ shúm ntsèm á mbwo yé. E Ssé la gwɔ́ tà ńnéŋe kɔ̀ɔkɔ́ɔ nà mbwo mé, ńgÿo á gwɔ́ mbwo cú’tè pʉ̀a Ssé, ńgwɔ́ twó, légwɔ́ gie pʉ̀a cú’tè ge ne jú’u ncwò yé.

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

Roma 12:9

Pi kwoŋ pʉ̀a mesoŋ pɔ́ lê ntʉ́m gẅi ntsèm. Pi kÿo nò tepòŋ tà fÿɔ́g mekɔ́ɔn, ńkú’te nò mbòŋo tà à tʉ̀.

Ŋwà’ne Jâŋ 1:47

Yěsô gyá pá’ Natanayɛl ne ńtóo, ńgɔɔn nò ná yé ngie: Wɔɔn aa kwà’ mûɔ Israel gẅie anò nkÿo nkÿo té ná yé wɔ́.

Efeso 5:23

Á nue ndǔm manzwě aa twó, manzwě gwɔ́ mbùm nnɛ́. Kristo aa twó, acú’tè pʉ̀a pé gwɔ́ mbùm nnɛ́. Yé zɔ gÿo tá cú’tè pʉ̀a pé gẅiin le gwɔ́ tèmì.

2 Korento 4:2

Peg tè nà mentí lɔg fa’a fà’ mie ée me ntsèm, ńgíŋ ńgwɔ́ me shʉ́ wɔ́, atsɔ̌ nkÿonkÿo tè ná kwò legiŋ yég wɔ́, peg piŋ ńké tè ne ńdɔgɔ tsɔ́ menò ḿvoŋo shwóŋè Ssé wɔ́, tà ńcʉ́’ pú’u, peg lɔg pá’ peg ee mvfò Ssé ńdá’te pɔ́ nò nénʉ́ á mbwo pʉ̀a mesoŋ, tà ńgwɔ́ gie à lɔɔn ńgwɔ́ nyìŋ léla’a wég ná tsɔ́ nò wɔ́.

2 Korento 8:8

N tě ńgɔɔn pá’ɔɔn ńdɔgɔ ńtsẅii pɔ́ tsɔ́ nò gie pi ge gÿo wɔ́. Mèŋ shwóŋó gẅi pɔ́ pá’ metsɔ́ mecú’tè pʉ̀a Kristo zeŋe nnɛ́ ńgÿo pú’u, ńdɔgɔ ńnáa gẅi shÿó légÿo mé zsé ngie pi gẅiin nkwòŋe tà shwóŋó nò.

1 Korento 11:3

Áa mbòŋ tá’, ammó ké nyé wó gie n ne ńkwoŋo ngie pi zsé mboŋó. Nyìŋ gẅie à gẅiin nyìŋ mbàŋa ntsèm aa Kristo, nyìŋ gẅie à piŋ ńgẅiin manzwě aa mámbàŋa, nyìŋ gẅie à gẅiin Kristo aa Ssé.

Efeso 1:4

mbà à la cʉa ná Kristo ńtsɔ́’ɔ wégè, ńdɔg ńgÿo pʉ̀a pé tà fó ńnyé pɔ́ tè nyɛte njÿó pá’ pege ge gwɔ́ mvfò yé é gwɔ́ pʉ̀a ndʉalʉ̌a, é gwɔ́ pàtèfʉa. Á la lɔg pá’ à kwoŋo wégè,