Efeso 4:11 - Nouveau Testament en Ngienboum

¹¹ Yé zɔ la náa fù’ ye wɔ̌wɔ́ɔ nà pʉ̀a pé, ńdɔg ńcÿó gʉm yé, ńdɔg petsɔ́ ńgÿo megàŋ ntúm, ńdɔg petsɔ́ ńgÿo pʉ̀a pie é ńnéŋe ńtsẅi nkʉ̀ gẅie é fó mbwo Ssé, ńdɔg petsɔ́ ńgÿo pà sá’ Nkʉ̀ Mbòŋo, ńdɔg petsɔ́ ńgÿo pà kẅé mvfò, mbɔɔ pá’ pɔ́ ge ne zí’i pʉ̀a nò Ssé.

Efeso 4:11 Referans Kwoze

Efeso 2:20

Pi cʉ̌’ ńgwɔ́ pɔ́ pá’ mbelég gie mé lɔ̌g ḿbwóon ndá. Acÿó ndá gwɔ́ ngàŋ ntúm Yěsô pâ pà *ntsẅì nkʉ̀ Ssé, Yěsô Kristo lê twó yé gwɔ́ tóon gẅie à pi’ ndá.

2 Timote 4:5

Tá ńgʉa ná gù, gÿo jú kɔ̀ɔkɔ́ɔ wɔ́ à ku’ ku’. Ngɔ́’ kúu gú ɔ̀ shÿɔg shÿɔg. Ké ně fa’a pɔ́ fà’ jú gie áa létsẅi nkʉ̀ mbòŋo nò Ssé mbwo pʉ̀a. Fa’a fà’ Ssé gie ɔ́ɔ mǒ mboŋó.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Megàŋ ntúm 20:28

Pi pɔ́ɔn gí twó kwà’ mboŋó, ḿbiŋ ḿbɔ́ɔn ye nùɔ *njʉ̀njÿò gie Zẅìge Ssé ka cʉ́me mbwo pi ngie pi ne ḿbyɛ́bɛ. Pi líe cú’tè pʉ̀a Ssé mboŋó. À la pfɛte metse Míŋ we ńdɔg ńgÿo pɔ́ tsẅɛ́.

Efeso 4:8

Á lɔgɔ ńgwɔ́ pá’ mé la ŋwe’e tsɛ̀ɛ ŋwà’ne Ssé ngie; À la kwɔ́’ nê tÿǒ lepwó, Ńgwɔ kwɔ́’ ńdɔg megàŋa tsǎŋa ncù ńgʉa, Ńnáa fù’ ntí ntí mbwo pʉ̀a mesoŋ.

Efeso 3:5

E Ssé la tè kyɛ́’te yɔɔn ntsèm ye mbwo pʉ̀a mesoŋ pe fʉ̀’ mvfò wɔ́. Á ké ńgwɔ́ fʉ̀’ɔɔn, mbà à gÿo à Zẅìge yé shʉ̀ashʉ̀a ńkyɛ́’te nò yá yɛ̌ mbwo pʉ̀a pie à la cwoŋo wɔ́b ńdɔg ńgÿo megàŋ ntúm Yěsô mbɔɔ pie à la lɔgɔ wɔ́b ńgÿo pʉ̀a pie é ge ńnéŋe tsẅii nkʉ̀ gẅie é fóo mbwo ye.

Roma 12:7

Afù’ ye nyìŋ lɔɔn ńgwɔ́ lékẅéte ná mefà’, á kẅéte. A ye nyìŋ gwɔ́ lézí’i pʉ̀a mmó, á zí’i.

Heber 5:12

Pi kɔ’ɔ́ gwɔ́ nà fʉ̀’ɔɔn é cʉ́’ gwɔ́ pɔ́ pàzí’i pʉ̀a nò Ssé tá’, pi giŋé ńne ńtsɔ́ɔn ngie mé gíŋe ńzí’i gẅi menò mie mé zyé mǒ lézí’i nyìŋ nò Ssé. Á gwɔ́ wɔ̌ tà pi nyé ńtsɔ́ɔn pɔ́ lepʉ́, tá mbà pi kɔ’ɔ́ cʉ́’ tsɔ́ɔn pɔ́ mmó léjÿó gie á ne ńtʉte.

Ŋwà’ne Ngyà jʉ’ 18:20

Mé ne ńdʉa Mbabilonia, tá’, á gʉa ná pi tÿǒ lepwó, pi kág kág ńtí pá’ á gwě ssé. Mbɔɔ pi pʉ̀a Ssé, pia megàŋ ntúm lâ pà *ntsẅì nkʉ̀ Ssé, pi kág gí. Á nue e Ssé ŋagá yé nà nò tepòŋ gie á ka gÿo ná pi.

Megàŋ ntúm 21:8

Njÿó gÿo ńdʉ́a, peg lu ssé, ńgʉa tà ńkúu Sezare, ńgʉa mbʉ̀a Filib gẅie aa Ntsẅì nkʉ̀ mbòŋo. Á gwɔ́ tsɔ̌ tà’ nyìŋ ná pʉ̀a sɔɔn mbʉ́a pie mé la tsɔ́’ɔ Yerósalem la. Pega pɔ̌ ńnéŋe.

Megàŋ ntúm 13:1

Á laa tsɛ̀ɛ cú’tè pʉ̀a Kristo gie á laa tÿǒsoŋo Antiokia, epʉ̀a pie pɔ́ ńnéŋe ńtsẅi nkʉ̀ gẅie é fóo mbwo Ssé gwɔ́ wó, ńgÿo pàzí’i pʉ̀a nò Ssé. Wɔɔn laa Panebâse, ńgÿó Simeon gẅie mé tóŋo yé lê «ssé nyìŋ», ńgÿo Lusius, á mûɔ Sirɛne, ńgÿo Manaen gẅie pɔ́ *Herôd gẅie à laa ngúmnɔ́ɔn la pú ńgú’, ḿbiŋ ńgÿo Sɔ̂l.

Ŋwà’ne Ngyà jʉ’ 21:14

Mé la lɔg memáa métóon ntsɔ̀b pʉ́a nê legém nuŋe ncwò nká’ gẅie é la kéle tÿǒsoŋ, mbàa wɛ̌ tóon wɔ́ á gẅiin lezíŋ tà’ nyìŋ á nà megàŋ ntúm Mûɔ *Njʉ̀njÿò pie é laa ntsɔ̀b pʉ́a nê legém.

Jẅide 1:17

Tá á gʉa ná pi, mbà meshǔ pɔ́ɔn, pi kímte menò mie megàŋ ntúm Cʉ̀apʉ̀a wege Yěsô Kristo la tʉ́ʉ njÿó ńtsẅii mbwo pi.

1 Korento 12:4

Afù’ gie Zẅìge Ndʉalʉ̌a lɔg ńcÿó geme nyìŋ, áa mentí mentí, tá Zẅìge Ndʉalʉ̌a gie á cÿó gem ké ńgwɔ́ pɔ́ yémɔ’ɔ́.