Efeso 3:8 - Nouveau Testament en Ngienboum

⁸ Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Efeso 3:8 Referans Kwoze

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

1 Korento 15:9

á nue mèŋ n gee tsetsɛ̀ɛ megàŋ ntúm ńgwɔ́ we nkʉ́. N zɔɔn tè ku’u légwɔ́ gie ńgwɔ́ mé tóŋo wɔ̀ɔn lê ngàŋ ntúm wɔ́, á nue n dɔ̌ɔn ńnyɛɛ cú’tè pʉ̀a Ssé ngɔ́’.

Efeso 3:16

n né ńdúɔ mbwo yé ngie à lɔg pá’ legú’ we fǎŋ tɛ’ la, ńzẅíŋ, ńgÿo à Zẅìge yé náa gẅi tʉ̀ légwɔ́ gie ntʉ́m gẅi ge cwoŋo tʉte tɛ’.

Efeso 2:7

À la gÿo mɔɔn menò pá’ à ge lá’ lɔg la’te ná yɛ̌ kème njÿó wɔ́ gie á ne ńtóo ngie à la cÿó gʉm yégè tà ńcʉa ntí, á fóo ná pá’, à cʉa nà Yěsô Kristo ńgẅiin pòŋo ntʉ́m ná pege pú’u.

1 Timote 2:7

E Ssé la zába wɔ̀ɔn ngie mèŋ n gwɔ́ ntsẅì nkʉ̀ we, ńgwɔ́ ngàŋ ntúm Yěsô létsẅii yɛ̌ nò. À la cʉ́me mbwo mèŋ ngie mèŋ n zí’i pʉ̀a pie é té pà Yuda wɔ́, lézáb ntʉ́m ná Kristo, mbɔɔ lézsé nò gie áa nénʉ́. Mèŋ shwóŋó nò nénʉ́, mèŋ n těen ńcÿɔ nò wɔ́.

1 Timote 1:13

Tà mbɔɔ pá’ á laa tsɔ́ fʉ̀’, mèŋ shwóŋó ná yé té poŋ, ńtsɔ́’ɔ kwò pʉ̀a pé té poŋ, ńzoonte yé. E Ssé la tsɔ́ɔn mezìŋe mɔ́ɔn, mélà’mie n dɔ̌ɔn ńgÿo té zsé mmó gie mèŋ n gÿo yɛ̌, mbà mèŋ n kaa záb ntʉ́m ná yé wɔ́.

Galatia 1:16

À la piŋ ńnéŋe tà ńgyá ngie à ge gÿo mèŋ n zsé Míŋ we, légwɔ́ gie mèŋ n ge gʉa tsẅi nkʉ̀ gẅie é líe Míŋ we ŋwɛ́ á mbwo pʉ̀a pie é té pà Yuda wɔ́. Mèŋ n gya míŋ we ŋwɛ́, n te gwóon ḿbíge tsɔ́ nyìŋ tsɔ́ nò wɔ́.

Roma 11:33

E Ssé kwa’ ńgẅiin pòŋo ntʉ́m nzèm pʉ̀a metsèm, ńgwɔ́ nyìŋ mesoŋ le kaa legyè Ssé wɔ́, é ke le zsé mmó gie e Ssé ne ńkwaŋa wɔ́, ngwɔ́ wɔ̌ zsé mmó gie e Ssé zǎb ngie à ge gÿo? Ngwɔ́ wɔ̌ kyagte pá’ e Ssé gÿo menò pú’u?

Roma 2:4

Ɔ̀ ne gÿo pú’u, ńcʉ́’ʉ ńdɔgɔ ńgwága Ssé gwǎg, nne ngie à gẅiin pòŋo ntʉ́m, à té lwo ńcÿɔ́g wɔ́, à gẅiin kwɔ́gɔ nnɛ́. Ɔ̀ɔ pú’u, ɔ̀ té ne ńzsé ngie à gẅiin pòŋo ntʉ́m nzèm gù pú’u, pɔ́ lélɔg ńgÿo ɔ̀ kúbe mà wɔ́ ka?

2 Timote 1:11

E Ssé ka nǎ fà’a létsẅi wɔɔn nkʉ̀ mbòŋo á mbwo mèŋ, pá’ mèŋ n ge gwɔ́ ngàŋ ntúm we é piŋ ne la’te mmó mbwo pʉ̀a.

Efeso 3:19

Wɔɔn aa pá’ mèŋ n né sẅíŋte Ssé pú’u. Á ge fó mǒ pi ku’u lézsé pá’ nkwòŋe Kristo ee pú’u, tà mbɔɔ pá’ e cʉa zsě nò ntsèm. Pi ge gwɔ́ tà zsé yɛ̌ nkwòŋe, ammó ntsèm gie áa ntʉ́m Ssé à gíŋe ńgwɔ́ tsɛ̀ɛ ntʉ́m gẅi tà mmó le mǒ zág

1 Korento 2:9

Mé la zɔɔn ńŋwe’e tsɛ̀ɛ ŋwà’ne Ssé ngie: Ammó gie nyìŋ mesoŋ laa gyá ńké te jú’, Mbà à laa fó ńkwaŋte wɔ́ E Ssé la nyɛte yɛ̌ mmó ńzáb Légwɔ́ gie pʉ̀a pie é kwoŋo yé ge gÿo zẅɛ́’.

Roma 12:10

Pi lɔg pá’ pi ee mefɛ́ mefɛ́, ńkwoŋe pi né pi, nyìŋ gẅi à vɔg ńná mekù’ fɛ́ we.

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

Ŋwà’ne Ngyà jʉ’ 3:18

mèŋ n ge ké shwóŋó gẅi ngie pi tóo mbwo mèŋ, ńjúu tʉ̌ gɔ̂l gie mé kéen ńdɔg mmɔ̌g ńkẅile ncÿǒ mǒ ntsèm, ńdeen ńké ńgwɔ́ ngàŋa mmó fʉ̀’ó, ńgíŋe ńjú mefɔ́gɔ nzsǒ mbwo mèŋ, ńzsé ngie pi ge gẅiin nzsǒ gie pi ge ma’, eshʉ́ le gíŋe ńkúu gẅi ngie pi tyeté té jÿɔ́g nzsǒ wɔ́. Pi ge gíŋe júu ffo menÿɔ́g mbwo mèŋ, é ńnéŋe nà menÿɔ́g mí légwɔ́ gie pi ge gyá jʉ’.

1 Timote 1:15

Yěsô Kristo la tóo tsɛ̀ɛ njÿó légÿo pʉ̀a tepòŋ tsẅɛ́, yɛ̌ nò áa jʉ’ó ńgwɔ́ pú’u, à lɔɔn ńgwɔ́ nyìŋ záb ntʉ́m wé mǒ ntsèm ntsèm. Mèŋ m biŋ ńgwɔ́ tsetsɛ̀ɛ pʉ̀a tepòŋ ńgwɔ́ ndúm.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Filipo 4:19

E Ssé yɔ̀ɔn ge lɔg ntí gie aa gẅiin shúm pú’u, é cʉa ná Yěsô Kristo, é náa kɔ̀ɔkɔ́ɔ gie á ne ńzága mbwo pi té sáŋ.

Galatia 2:8

Á lɔgɔ ńgwɔ́ ngie e Ssé gẅie à la zɔɔn ńnáa Piɛ tʉ̀, ńtúmo yé mbwo pà Yuda, yé zɔ la gíŋ ńnáa wɔ̀ɔn tʉ̀ ńtúm wɔ̀ɔn mbwo pʉ̀a pie é té pà Yuda wɔ́.

Filipo 2:3

Tà pi gÿo tsɔ́ mmó gie á gwɔ́ pɔ́ lélɔg sá’ ndʉ̀’, kà pɔ́ lélɔg fáŋ sẅɛ̀ɛ sẅɛ̀ɛ wɔ́. Pi sẅí’i pɔ́ mbùm gi ńnáa ssé, ńdíe petsɔ́ pʉ̀a pɔ́ pá’ fʉ̀’ gie pɔ́ cʉa gẅi la.

Efeso 3:2

Á ge gǎ wɔ́, mbà pi la jú’ ngie e Ssé zɔ la náa yɔɔn fà’ mbwo mèŋ, légwɔ́ gie mèŋ n gÿo yɔɔn fà’ pi zẅɛ́’. À lɔ̌ɔn ńdɔgɔ ńcÿó pɔ́ gʉm yɔ́ɔn.

1 Korento 1:30

Yé Ssé zɔ la temte gẅia Yěsô Kristo, ńdɔgɔ yé ńgÿo yégè zsé nò. E Ssé fó ná ye ńgyá wégè pá’ pà tè fʉa, ńdɔgɔ wégè ńgÿo pʉ̀a pé, ńzá’ nkÿo pù’ nò tepòŋ ná pege.

Ŋwà’ne Jâŋ 1:16

Angàŋ keen ńtó, à lɔg pá’ à gẅiin poŋo ntʉ́m, ńcÿó gʉm yégè metsèm tɛ̀’, ńcÿó sele ńcÿó, mélà’mie à gẅiin nkwòŋe tɛ’.

Efeso 3:1

Áa mmó gie á gÿo, mèŋ Pɔl gẅie mèŋ n gee ndá tsǎŋ ńtí nue mèŋ sa’á nò Yěsô Kristo mbwo pi pie pi tè pà Yuda wɔ́, mèŋ n ne sẅíŋte Ssé fʉ̀’ ntsèm ná twó sí.

Lukase 14:22

Á gʉa tà ḿbiŋ, ńgɔɔn né tá we ngie: Andè, mèŋ, m bǔ ńgÿo mmó gie ɔ̀ ně ńtsẅi, n něŋ pʉ̀a ndá tá’, ajʉ’ nyé pɔ́ wó.