Efeso 3:7 - Nouveau Testament en Ngienboum

⁷ E Ssé la cÿó pɔ́ gʉm yɔ́ɔn tá ńgÿo n gwɔ́ ngàŋa fà’ létsẅi nkʉ̀ mbòŋo. À la lɔg pɔ́ metʉ̀ mé tá ńgÿo pú’u.

Efeso 3:7 Referans Kwoze

Efeso 1:19

Mèŋ n giŋé ne sẅíŋte yé ngie à gÿo pi zsé ngie metʉ̀ mé pú fáŋ ńcʉa metʉ̀ ntsèm, mbɔɔ ngie à gÿo pi zsé pá’ mɛ̌ metʉ̀ tóonte wégè pàzáb ntʉ́m ná ye pú’u.

Efeso 3:20

Yé Ssé, à ku’u légÿo kɔ̀ɔkɔ́ɔ ná pege, ńgÿo tà ńkwa’ ḿbú ńtɔ́g pá’ pege ne ńdúɔ, mbɔɔ pá’ pege ne ńkwaŋa. À gwɔ́ gÿo ńdɔg pɔ́ metʉ̀ mé mie é fa’a tsɛ̀ɛ mentʉ́m mégè.

Efeso 3:2

Á ge gǎ wɔ́, mbà pi la jú’ ngie e Ssé zɔ la náa yɔɔn fà’ mbwo mèŋ, légwɔ́ gie mèŋ n gÿo yɔɔn fà’ pi zẅɛ́’. À lɔ̌ɔn ńdɔgɔ ńcÿó pɔ́ gʉm yɔ́ɔn.

2 Korento 3:6

Yé zɔ ka gÿo peg ku’u légwɔ́ pafa’a fà’, á nà *kʉ̀a ye sẅé. Yɛ̌ *kʉ̀a á té fóo pɔ́ nà *lepʉ̌ sie mé la ŋwe’e wɔ́, á fóo pɔ́ nà Zẅìge Ssé. *Lepʉ̌ sie mé la ŋwe’e, é gyó nyìŋ kwé kwě, a Zẅìge gÿo nyìŋ gwɔ́ pɔ́ wó.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

1 Tesalonika 2:13

Atsɔ́ mmó gie á gÿo peg sie Ssé fʉ̀’ ntsèm, áa nue peg la shwóŋó nò Ssé mbwo pi, pi jú’, ńzẅíŋ ngie áa shwóŋè Ssé, ńgie á té shwóŋè nyìŋ mesoŋ wɔ́. Á ne fa’a tsɛ̀ɛ ntʉ́m gẅí, pi pie pi ka záb ntʉm gẅi ná Yěso.

Kolosia 1:29

Pi jú’u mmó gie mèŋ n kwé mǒ. Mèŋ n kě ńdɔgɔ pɔ́ metʉ̀ mie é fóo mbwo Kristo tá fa’a yɔɔn fà’. Mɛ̌ metʉ̀ kwa’ ńgwɔ́ soŋ nnɛ́ mèŋ ńne fa’a.

1 Korento 15:10

Á la ké ńcʉa pɔ́ ná pá’ e Ssé cÿǒ gem yɔ́ɔn, ńnéŋe ńkẅéte wɔ̀ɔn tá mèŋ n cʉ́’ʉ mmó gie mèŋ n gee yɛ̌ lɔɔn. Yɛ̌ ntí lecÿó gem yɔ́ɔn e la tè cʉa sẅɛ̀ɛ wɔ́, mèŋ fa’a fà’ ńcʉa petsɔ́ megàŋ ntúm, tá mèŋ n zɔ tě ńdɔgɔ mɔ́ɔn metʉ̀ fa’a wɔ́. E Ssé zɔ kẅéte wɔ̀ɔn ńnáa metʉ̀ n dɔgɔ fa’a.

1 Korento 3:5

Apolos aa pá’ɔɔn ńgwɔ́ wɔ́? Pɔl gwɔ́ wɔ̌? Tá pi gɔɔn pú’u? Peg ye gwɔ̌ pɔ́ pafa’a fà’ Ssé pie pi la zẅɛ́’ɛ wég tá ńzáb ntʉ́m ná Yěsô Kristo. Awɔ̌wɔ́ɔ ná peg yé gÿo pɔ́ mmó gie Cʉ̀apʉ̀a la ná shÿó ngie à gÿo.

Roma 15:16

ńdɔgɔ wɔ̀ɔn ńgÿo nyìŋ gẅie à ge ne fa’a fà’ Yěsô Kristo á nùɔ pʉ̀a pie é té pà Yuda wɔ́. À la tsɔ́’ɔ wɔ̀ɔn légwɔ́ gie n ge cʉ́’ʉ tsẅii pɔ́ nkʉ̀ mbòŋo mbwo pɔ́b, Zẅìge Ndʉalʉ̌a lɔgɔ wɔ́b ńgÿo pʉ̀a Ssé, mèŋ n náa wɔ́b mbwo Ssé, pɔ́ gwɔ́ pá’ shúm pwɔ́’ sie é poŋ Ssé.

Roma 1:5

E Ssé la cʉa pɔ́ nà yé Kristo ńcÿó gem yɔ́ɔn, ńdɔgɔ wɔɔn ńgÿo ngàŋ ntúm Yěsô Kristo légwɔ́ gie mèŋ n ge gʉa shwóŋó nò Ssé, tsɛ̀ɛ mengwòŋ ntsèm. Epʉ̀a záb ntʉ́m nà yé, ńjú’ ncwò wé, à cʉa pú’u, pɔ́ ná mekù’ mbwo Yěsô Kristo.

Efeso 4:16

Yé zɔ gÿo mejʉ’ nnɛ́ cú’te ńtemte ńgwɔ́ tà’a mmó. Menŋàŋ nnɛ́ tà ńgyɔ́ɔn kẅéte légÿo mejʉ’ mbùm temte, yɛ̌ jʉ’e nnɛ́ wɔ́ piŋ ńgwɔ́ tà ne fa’a yé fà’, mbùm nnɛ́ ntsèm pú ńgú’, ńtʉte ńcʉa pɔ́ nà nkwòŋe gie ee tsetsɛ̀ɛ pɔ́b.

Efeso 3:8

Tà mbɔɔ pá’ mèŋ n gee tsetsɛ̀ɛ pʉ̀a Ssé métsèm ńgwɔ́ pɔ́ nzsò nzèm, à ka ké ńzẅíŋ zẅíŋ ngie mèŋ n zɔ gʉa ńtsẅi nkʉ̀ mbòŋo á mbwo pʉ̀a pie é té pà Yuda wɔ́, é la’te pì tèmàg gie áa nà nò Kristo.

Galatia 2:8

Á lɔgɔ ńgwɔ́ ngie e Ssé gẅie à la zɔɔn ńnáa Piɛ tʉ̀, ńtúmo yé mbwo pà Yuda, yé zɔ la gíŋ ńnáa wɔ̀ɔn tʉ̀ ńtúm wɔ̀ɔn mbwo pʉ̀a pie é té pà Yuda wɔ́.

2 Korento 4:1

Pú’u la, pá’ e Ssé la lɔg pɔ́ tsɔ́ɔn mezìŋe yé, ńnáa yɔɔn fà’ mbwo peg la, peg tè kʉ́a wɔ́.

Megàŋ ntúm 9:15

Tá’ Cʉ̀apʉ̀a gɔɔn mbwó Ananias pɔ́ ngie: Gʉ̌a ńgyá nyìŋ ŋwɛ́ gyǎ, ńtí nue aa mbwo mèŋ ńgwɔ́ kwà’ mmó fà’. À ge gÿo pʉ̀a pie pɔ́ té pà Israel wɔ́ pɔ́ zsé wɔ̀ɔn, mbɔɔ mefùɔ, tà mbɔɔ púɔ Israel.

Roma 12:3

Mèŋ n ge fó ná pá’ e Ssé la cʉ́’ʉ lécÿó gem yɔ́ɔn, ńtÿɔ́gɔ wɔ̀ɔn nà jʉ’e lÿò, é gɔɔn mbwo wɔ̌wɔ́ɔ tsestsɛ̀ɛ pi ngie: Tà nyìŋ kwaŋ ngie aa mmó té gwɔ́ gie aa yɛ̌. Nyìŋ gẅiin we nkwaŋá é ku’ ku’. Nyìŋ kú’te pɔ́ yé fà’ gie e Ssé la ná, ńgwɔ́ ná, éfó ná pá’ à zǎb ntʉ́m ná Kristo.