Efeso 3:19 - Nouveau Testament en Ngienboum

¹⁹ Wɔɔn aa pá’ mèŋ n né sẅíŋte Ssé pú’u. Á ge fó mǒ pi ku’u lézsé pá’ nkwòŋe Kristo ee pú’u, tà mbɔɔ pá’ e cʉa zsě nò ntsèm. Pi ge gwɔ́ tà zsé yɛ̌ nkwòŋe, ammó ntsèm gie áa ntʉ́m Ssé à gíŋe ńgwɔ́ tsɛ̀ɛ ntʉ́m gẅi tà mmó le mǒ zág

Efeso 3:19 Referans Kwoze

Efeso 1:23

Acú’tè pʉ̀a Ssé ée mbùm nnɛ́ Kristo. Áa tsɛ̀ɛ cú’tè pʉ̀a pé fʉ̀’ ntsèm, yé gẅie à pǔ ńgwɔ́ jʉ’ ntsèm tsɛ̀ɛ njÿó.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

2 Korento 5:14

Ayég gwɔ́ pɔ́ ngie pá’ Kristo kwoŋo wégè la, peg ne ńjú’u pɔ́ ncwò yé. Peg ne ńkwa’a ńzsé ngie tà’ nyìŋ wémɔ’ɔ́ la kwé nà twó mânyìŋ ntsèm. Á lɔgɔ pú’u, ńgwɔ́ ngie pâ pʉ̀a metsèm la pú ńkwé.

Ŋwà’ne Jâŋ 1:16

Angàŋ keen ńtó, à lɔg pá’ à gẅiin poŋo ntʉ́m, ńcÿó gʉm yégè metsèm tɛ̀’, ńcÿó sele ńcÿó, mélà’mie à gẅiin nkwòŋe tɛ’.

Filipo 4:7

Pi ge gÿo pú’u, e Ssé náa sẅétè gie nyìŋ mesoŋ tè zsé pá’ á gwɔ́ wɔ́ né pi. Yɛ̌ sẅétè pyɛ́bte mentʉ́m mí, nê nkwaŋá gẅí, ńgÿo é tyé pɔ́ ná Yěsô Kristo.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

Efeso 5:2

Pi gwaa gÿo kɔ̀ɔkɔ́ɔ gí wɔ́, ńdɔg pɔ́ nkwòŋe ndʉŋ ndʉŋ pá’ Kristo la kwoŋo wégè tà ńnáa twó yé ńdɔg ńnuŋe pwɔ́’ mvfò Ssé ńtí wégè. Epwɔ́’ ŋwɛ́ ée gẅie gyě poŋo mbwo Ssé.

Efeso 3:18

Á cʉa pú’u, pi ku’u légwɔ́ gie ńgwɔ́ pia pʉ̀a Ssé metsèm pú ńjú’ ntí gie nkwòŋe Kristo e fǎŋ pú’u, ésag pú’u, ńgʉa tÿó pú’u, ńkúu ssé pú’u.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Matio 5:6

Pàshÿó mbòŋo ee pʉ̀a pie pɔ́ ne ńkwa’a ńtsɔ́ɔn légÿo mmó gie Ssé kwoŋ, «mélà’mie Ssé ge gÿo pɔ́ gÿo yɛ̌ mmó».

Efeso 5:25

Ńgʉa ná pi mbàŋa, awɔ̌wɔ́ɔ kwoŋo nzwě we ndʉŋ ndʉŋ pá’ Kristo kwoŋo cú’tè pʉ̀a pé tà mbà à la náa twó yé ńtí yɛ̌,

Filipo 1:7

Mèŋ n gẅiin lé ne ńkwaŋa pɔ́ pú’u ná pi, mélà’mie m bǔ ńkwoŋo gẅi tà ḿmag ntʉ́m wɔ̀ɔn. Pi metsèm zɔɔn ne ńkẅéte wɔ̀ɔn nà fà’ gie e Ssé la lɔg ńcÿó gʉm yɔ́ɔn pɔ́ lê pòŋo ntʉ́m yé, tà mbɔɔ fʉ̀’ɔɔn gie n gee ndá tsǎŋ lɔɔn, mbɔɔ fʉ̀’ gie mèŋ n ne ńnyɛɛ ngie nkʉ̀ mbòŋo ée nénʉ́, mbɔɔ fʉ̀’ gie mèŋ n ne ńgÿo pʉ̀a nyɛte ńzẅíŋe.

Roma 8:35

Tá tsɔ́ mmó áa wó gie ngwɔ́ á fege wega Kristo tà á le gíŋe ńkwoŋo wégè wɔ́? Ngɔ́’ lá? Lepǔ’ mbùm lá? Mé lékʉ́e wégè lá? Nzyè lá? Apóŋ lá? E shúm sie é vege wégè lá? Ka legwé?

Roma 8:39

ńgwɔ́ pɔ́ metʉ̀ ntí ntí mie ée tsɛ̀ɛ njÿó, é mie ée tÿǒ, kà mie ée tsɛ̀ɛ ssé wɔ́, ńgwɔ́ pɔ́ tsɔ́ mmó ndyɛ̀’ɛ gie Ssé la pwóon, mbà tsɔ́ mmó té ńdá’a ńku’u létáte Ssé lékwoŋo wégè wɔ́. À la cʉa ná Yěsô Kristo, a Cʉ̀apʉ̀a wege, ńnyɛ ngie à kwoŋo wégè.

1 Piɛ 1:8

Pi laa Yěsô gyá, tá’ ńké ńne ńkwoŋo yé. Pi ne ńzába ntʉ́m ná ye, tá mbɔɔ pá’ pi nyě tè gwǒon ńgyá yé. Máamáa lekág gwɔ́ ntʉ́m pi tà à lɔɔn ńgwɔ́ pi le zsé léshwóŋó nyìŋ wɔ́.